[مشاركة في مسايقة شاركينا بمعجناتك المفضلة]كباب الدجاج بالتورتيلا من مطيخ ام اسر

**ام اسر** · 01-24-2011, 11:03 PM

السلام عليكم ورحمة الله وبركاته

من فترة وعدت ام عبد المعز المبدعه اني انزورها في قسمها

قسم المعجنات وبعدين جت المسابقه

قلت اكيد حنشارك حبوبتنا ان عزو ومش مهم الفوز بس ان

شاء الله هالمشاركه البسيطه تعجبكم

وتعجب مشرفتنا ام غزو مع ان الصور لما التقطهم كانو للدكري

فقط ومش مرتبات انهم ينزلو في

منتديات لكن اهم حاجه المضمون هههههههههه طولت عليكم

سامحوني

كباب الدجاج ان صح الاسم

المقادير

صدر دجاج

فلفل اسود

حراراتك المفضله

ملح

كمون حوت انحب انضيفه لي اي شي بالدجاج

بصل وتوم

الحشو

صالصه

اي نوع من الجبن انا استعملت مربعات كيري

زيتون منزوع النواه والحشو يرجعلك انتي والمتوفر

للتغليف من الخارج

خبز التورتيلا

زيتون اسود واخضر

عيدان اسنان للتبيت

ولتغليف الكباب

بيض وخبزه مرحيه

الطريقه

ناخد الدجاج والبصل والثوم ونضعهم في المفرمه ونفرهم جيدا

تم نضع عليهم الفلفل الاسود والملح والحرارات تم ناخدهم

ونضعهم علي نايلون علي الصفره حتي يسهل تشكيلها ومن تم

نضع عليهم

الحشو في المنتصف الصالصه والزيتون والجبنه ونلفهم متل

السويسرول ونقصها بالسكين طوليا

هده الطريقه متل المقروض لما نحشيه بالتمر حتي القص زيه

المهم

بعد التقطيع ناخدهم ونحطهم في التلاجه حتي يساعدوني في

القلي وبعدين انغمسهم في البيض والخبزه وعلي الزيت علي

طول مع مراعاة نضجها لان اللحم غير مستوي وبعد خروجها

نقسم الخبز الي اربعه ونضع الكباب ونلفه ونزينه بالزيتون

والجبن او الطماطم

وصحه وهنا يارب ان شاء الله يعجبكم

وهده صوره تانيه يارب مايكونوش اكبار

**ناني2007** · 01-24-2011, 11:06 PM

يسلمو ايديك غاليتي ...وصحتين وعافية يارب

**خدوج** · 01-24-2011, 11:17 PM

روعة هبلتنونى
شكلى بنقول لام عبد المعز
انى بنختار الفائزات هههههههههههه
ماشاء الله يسلموا ايديك
ومع الوقت توا تتعودى تنزلى صورة
وشفى ركن التصماصيم اكيد تستفيدى

**ام اسر** · 01-24-2011, 11:19 PM

اقتباسالمشاركة الأصلية كتبت بواسطة خدوجروعة هبلتنونى
شكلى بنقول لام عبد المعز
انى بنختار الفائزات هههههههههههه
ماشاء الله يسلموا ايديك
ومع الوقت توا تتعودى تنزلى صورة
وشفى ركن التصماصيم اكيد تستفيدى

هههههههه سلمها ياربي نورتي بطلتك البهيه حبوبه ماننحرم ان شاء الله
والف شكر ليك

اقتباسالمشاركة الأصلية كتبت بواسطة ناني2007الله يسلمك يارب نورتي ناني

**أمـ ساره** · 01-24-2011, 11:30 PM

ماشاء الله ام اسر

كباب ايهبل وطريقة تقديمه حلوة

سلم ايدياتك حبوبة وبالتوفيق في المسابقة يارب

**ام عبدالمعز** · 01-24-2011, 11:54 PM

يسلمو ايديك ام اسر مشاركة رائعة

بارك الله فيك

ولاتحرمينا جديدك لازالنا ننتظر منك المزيد

صحتين وعافية يارب

ادخلي علي الدعم الفني واطلعي علي طريقة تصغير الصوى

**مشاغبة المطبخ** · 01-25-2011, 12:11 AM

ماشاء الله
يسلمو ايدياتك

**أم أيوب** · 01-25-2011, 12:16 AM

يسلمووووووو ايديك أم اسر منظرهم رووووووووووعة

**Om Saga** · 01-25-2011, 01:28 AM

أم أسر رووووووووووووووووووعه
حتى من غير شئ واضحااااااااااااااات يهبلو
عجبتني فكرة الكباب
منوره شن بنقول إن شاء الله تفوزي وأني ؟ هههههههههههههه
نبصر عليك والله موضوع حلو ويارب تفوزي