خير يا بنات
امس كان عندي ضيوف ودرت مجموعة من الحلو والموالح
طبقت عجينة الخبزة الملفوفة متاع العزيزة سحابة صيف
وكنت ناوية نديرها فردة طويلة
بس بعد لفيتها جت اكبر من طاجيني
عالجت الموقف ولفيتها كعكة
رشيت عليها خليط من البذور
ولوز ابيض شرائح
من باب التغيير
ومن باب المعاصرة
خصوصا ان هنا هم مهووسين بالبذور ويعتبروها صحية وفايبر والذي منه
وحشيتها خليط من الطماطم والبيض المطبوخ والفقاع – المشروم – والمعدنوس المقرضين ومبشور عليهم جبنة مزاريللا ورشة زعتر وثوم مجفف وملح
وطبعا العجينة بعد مدها دهنتها بصلصة طماطم
وتفاديت نكثر الفلفل
خفت الضيوف يمرضوا
ونعدي فيها بسباتهم
وجت مش عادية خفيفة وطايبة لعند جوا
شكرا سحوبة منكم نستفيد
وعسانا مثلكم نفيد
المفضلات