[ ابتكار مربعات خبز بالزعتر للتغميس ] من مطبخ للاهم

[للاهم]

خير يابنات

مقادير العجينة هن مقادير الخبزة الملفوفة من مطبخ العزيزة سحابة صيف
في عزومة امس درت حمص بطحينة
وقلت يحتاج خبزة يتغمس بها
ما حبيتش نقصص خبزة شامية مربعات
ولا حبيت نحط مقرمشات الدوريتوس المكسيكي حسيته مايخيلش
وما نحبش واجد
من عجينة سحابة طبقت بيتسا ملفوفة
ومقدارها كان كبير ومعازيمي ينعدوا على اصابع اليد الواحدة
فضل نص العجينة
قلت يللا نفردها لأخر احتمالها
حي حي وحاولت نحطها بين يديا ونبرمها ف الهواء
زي ما نشوف فيهم ايديروا ف التلفزيون

ما زبطتش معايا ومع اني مرعزتها مسكينة لا خربت ولا تمزقت
ماني كسرتها وهي تخمر مرتين
جت ملسة وسهلة التعامل
المهم مديتها لاخرها في اكبر طاجين عندي
ودخلتها الفرن
في نص طيابها لما فتحت نطمن عليها
شعلت في دماغي لامبة

باهي ليش ما نخلط الزعتر الاردني متاع الفطور مع شوية زيت زيتون
وندهن بيه الخبزة!
ليش لا!
منها عيد ومنها قديد

دهنت الخبزة
وكملت طيابها
وقرضتها مربعات

وحطيتها جنب الطحينة للغمس بيها
شنو رايكن؟

[امتنان]

روعة ماشاء الله عليك
ياام الافكار
نموت علي حاجاتك
يسلمو ايديك

[للاهم]

شكرا اصولة ربي يحفظلك حبيب ماما وروح ماما يا حنونة

[بنية بوها]

يسلموا ابو الافكار صحتين علي قلبك

[نوارة ليبيا]

ماشاء الله تبارك الرحمن روعه

[أم أيوب]

للاهم يشهد ربي انك أم الاختراعات والابتكارات

يسلموووووووووو ما عندي ما نقول

[وفاء]

يسلمو على الخبز الحلو
وخصوصن لو معاه صوينيه زويته وهى سخونه

[خدوج]

يسلموا
لوكان عندك نية فى الكوجينة
ماشاء الله تجى الافكار بروحها
ولومافى نية حتى الشاى يصعب علينا صح
سلم يدياتك

[للاهم]

اقتباسالمشاركة الأصلية كتبت بواسطة بنية بوهايسلموا ابو الافكار صحتين علي قلبك

تسلمي بنية بوها
طيب لمرور خيتي

[للاهم]

اقتباسالمشاركة الأصلية كتبت بواسطة نوارة ليبياماشاء الله تبارك الرحمن روعه
شكرا نوارة ليبيا
طيب المرور خيتي