اليوم جايبتلكم اكلتي المفضلة وهيا ساهلة وطيبة وراقية
للي بيحبوا أكل المطاعم اتحسي حالك في المطعم تاكلي
خخخخ يالله نبلش نرفعوا الكمام اشوي ونقولوا بسم الله ناخدوا المقادير
1بصلة +1طماطم أخضر+1 ضرس توم صغير +1بطاطا +1 فلفل أخضر +
كلهم مفرومين ناعم
لحم مفروم زي بتحبي اتكتر او تقللي او لاتستعمليه نهائي على راحتك
باكيت باستا أومكورنة وحسب االنوع اللي تحبيه
ملح +فلفل أحمر +طماطم معجون +بزار أو كركم + زيت زيتون
+فلفل أكحل +حبق ناشف +صالصة بيتزا واتية أو اي
صالصة واتية عندك +بهاراتك المفضلة والشطة
نحطوا المكونة على النار وأنا أخترت السباقيتي
حبيبتي في الاكل ومعاها اشوي ملح وملقعة زيت
نحطوا المفروم على النار حتى تنشف اميته
ويطيب لكن من غير مايتحمر
نحطوا في الاول كمية زيت زيتون وبعدها حطي البطاطا المفرومة
ناعم في ماكينة اللحم او الفرامة وبعد اطيب اشوي انحطوا البصل
والطماطم الاخضر والفلفل والتوم المفرومين كلهم
نحط [ملح +فلفل أحمر +طماطم معجون +بزار أو كركم
+ فلفل أكحل +حبق ناشف +بهاراتك المفضلة والشطة
نضع كمية من الماء مش كثير حتى تختر معاك الصالصة
ونتركها حتى تغلي اشوي ونحط الصالصة الجاهزة وبعدها نقصي
علي النار اشوية وخليها تغلي نين تعقد أو تختر الصالصة
نجي للمكرونة أو الباستا بعد ماطبت نصفيها كويس ونحطها
بصحن التقديم ممكن اتحطي معاها جبنة موزاريلا وهيا
ساخنة وتخلطيها وبعدا انحط عليها الصالصة ونزين بشوي
كسبرة وشبت ونحط جبنة موزاريلا أنا ماكان عندي للأسف
لكن لذيذة حتى من غيرها وبيها أكيد أحلى وأحلى
بنتي ماصبرت عليها كانت جعانة خخ
*****
****
**
*
وهذي للأحلى وأول رد صحتين على قلبها
المفضلات