[المبطن] من مطبخ mnona

[mnona]

اهلين وخياتي ان شا الله حالكم كويس بإذن الله
اليوم حبيت نجيبلكم طريقة مبطن بالبسكويت المالح
وان شا الله ينال اعجباكم
باش اللي خاطرها فيه ومتقدرش تاكله بالبطاطا لعدم زيادة الوزن تقدر اديره وتاكل منه قداش ماتبي ان شا لله

هيا نبدو باسم الله بالمقادير

صدر دجاج مسلوق ومفروم ناعم / بيض / بسكويت مالح
معدنوس مفروم / بصل مفروم / فلفل اخضر حار / تابل وكروية / ملح حسب الرغبة
زنجبيل / بزار / شوية فلفل اسود / شوية فلفل احمر حسب الرغبة / خبزة مرحية


نضيف التوابل كلها ومعاها 2 بيض او حسب الكمية الموجود عندك ( عينك ميزانك )

تخلط المقادير مع بعضها وخليها ترتاح 10 دقايق باش التوابل تتشبع مع الخلطة

وبعدها تسخني زيت بحرارة متوسطة شوية باش لما تجي تقلي ماينحرقش
وتاخد طرف بسكويت مالح وتحطي فوقه الحشوة وتزيد طرف ثاني فوق الحشوة
المهم بعد ماتوتي المقدار كله تاخد صونية تحطي فيها بيض ودقيق وملح شوية وفلفل اسود حتى هو شوية وتضربيهم مع بعض كويس
وتغمسي البسكويت المحشي في الخليط السابق وتقليه وتاكليه بالهني والعافية ان شا الله
ونخليكم مع الصور

ان شا الله يارب ينال اعجباكم وننصحكم بالتجربة لانه بنته مش عادية تهوس

[ام الجميلات]

ما شاء الله يسلموا شكله حلو

[mnona]

الله يسلمك ومازال بنته احلى " وحدة تشكر في روحها " خخخخخخخخخخخخ
جربيه ومش رح تندمي

[أمـ ساره]

ماشاء الله منونا فكرة حلوة حبيبة

لكن مش افضل لو يطيب في الفرن بيكون صحي أكثر

لأن نحس البسكويت المالح يمص الزيت


سلمت ايدياتك حبوبة

[mnona]

اقتباسالمشاركة الأصلية كتبت بواسطة أمـ سارهماشاء الله منونا فكرة حلوة حبيبة

لكن مش افضل لو يطيب في الفرن بيكون صحي أكثر

لأن نحس البسكويت المالح يمص الزيت


سلمت ايدياتك حبوبة

والله مش عارفة ولكن بنقولك انه حتى قلي والله مافيه قطرة زيت
توا باذن الله المرة الجاية نجربه في الكوشة
الله يسلمك ويبارك فيك وخيتي ان شا الله

[الساجدة لله]

حبيبتي القلي مش صحي ابدا ابدا الا لوكان باالة القلي اللي تقلي بملعقة زيت واحدة لكيلو البطاطا يعني لو كان متلا كيلو امبطن ممكن ملعقتين او اكتر او انك اديريه في الفرن وغير هكي يصبح مبطن عادي مشكورة حبوبة على الوصفة

[فضااوي]

اولا مشكورة يالغاليه على مجهودك

ثانياا المطن الصحي الافضل انك اديرية في الفرن للي ماعندهاش
القلاية الكهربائية اللي بملعقة الزيت

ثالثا النشويات زي البسكويت والمعجناات الافضل ناكل منها بحذر
لانها ترفع الطاقة والطاقة الزايدة تتحول الى دهون

يسلمووووووو

[بنية بوها]

يسلموا ايدياتك

[السمحة]

مشكورة وتسلم الايادى

[نوارة ليبيا]

تسلم ايديك حبوووبة ^_^ اكيد مدام من ايديك روعه