[ مشاركة في مسابقة شاركينا بمعجناتك المفضلة ]فلفل ملفوف بالعجينة من مطبخ خدوج

[خدوج]

السلام عليكم




هذه مشاركتى التانية فى مسابقة المعجنات
فلفل ملفوف بالعجينة

نحتاج الى عجين
ومكوناته
2كوب دقيق
ملعقة كبيرةB.P
3ملاعق حليب بودر
ملعقة صغيرة ملح
ماء للعجن
نخلط جميع المكونات عدا الماء ثم نضيف الما قليلا قليلا الى ان يتماسك العجين
وضعى عليه قطرة زيت واتركييه جانبا

وهذه العجينة نريحه 10 دقائق وثم نعيد عجنه ليتداخل جيدا ويلين العجين

ونبد بتجهيزالفلفل وحشوته

نحتاج قرون فلفل حار

نحدث ثقب بسيط فى الفلفل ونقوم بقلية فى الزيت

ونتركه على جنب ونقوم بتجهيز الحشوة(لحم مفروم)
نضع قليل من الزيت فى طنجرة على النار ونضع اللحم المفروم ونقلبه الى ان يتغير لون اللحم ثم نضيف البصل ونقلب ثم البهارات والملح ونقلب الى ان ينضج اللحم ونبعده عن النار ثم نتركه يبرد قليلا ونضيف له بيضة يعنى يكون المفروم متماسك وليس سائل

والصورة توضح

نحضر الفلفل المقلى ونزيل بدوره ونشقه من احد جهاته

ونضع قليل من الحشو داخل الفلفل

ونبرم العجين
نبرم اربع او خمس اصابع من العجين بسرعة ثم نعود لاول وحدة قمنا ببرمها ونعاود نبرمها نجدها تلف وتمتد بسهولة اكثر

ونبرم العجين على الفلفل لفات متباعدة قليلا وندهن الطاجين بالزيت ونضع فيه الفلفل
وندهن العجين بالحليب ونرش السمسم

ونضع الطاجين فى الفرن
وثم يقدم وصحتين عليكم وعلينا

زووووووووووووووووووووووووووووووووووووووووووووووووو ووووووووووووووووم

وهذه لكل وحدة تخش الموضوع وتحب الحار

[أمـ ساره]

ماشاء الله خدوج مشاركة حلوة

سلمت ايداتك حبيبة وصحية على قلبك

وبالتوفيق في المسابقة حبيبة

[خدوج]

اقتباسالمشاركة الأصلية كتبت بواسطة أمـ سارهماشاء الله خدوج مشاركة حلوة

سلمت ايداتك حبيبة وصحية على قلبك

وبالتوفيق في المسابقة حبيبة


شكرا لمرورك ام سارة
وكلك ذوق

[ام عبدالمعز]

امممممممممممممممممم

واوووووووووووو ماشاء الله خدوج روعة

يسلمو ايديك حبوبة وصحتين وعافية يارب

بانتظار جديدك دوما

[نسمه ليبيه]

بالتوفيق ان شاء الله

تسلم لمساتك

[طمطم]

ما شاء الله حبيبة... فكرة مبتكرة
لكن اكيد اااااااااااااااااااااااااااااااااااااااااااووووووو وو والعة
احيه حسيتها حارة بكل

[أم أيوب]

يسلمو ايديك أم خدوج منظرها يهبل

تعرفي اليوم نحكي عليها مع أخت زوجي وقلتلها خاطري نجربها

[خدوج]

اقتباسالمشاركة الأصلية كتبت بواسطة ام عبدالمعز

امممممممممممممممممم

واوووووووووووو ماشاء الله خدوج روعة

يسلمو ايديك حبوبة وصحتين وعافية يارب

بانتظار جديدك دوما

تسلمى يالغالية
شفت ( حجز مكان) قلت شن قصدك
بعدين فهمت خلاص وصلت الفكرة


اقتباسالمشاركة الأصلية كتبت بواسطة نسمه ليبيهبالتوفيق ان شاء الله

تسلم لمساتك


تسلمى حبوبة
اقتباسالمشاركة الأصلية كتبت بواسطة طمطمما شاء الله حبيبة... فكرة مبتكرة
لكن اكيد اااااااااااااااااااااااااااااااااااااااااااووووووو وو والعة
احيه حسيتها حارة بكل

موتينى ضحك وانى نقرأ ( احيه حسيتها حارة)
قالى ولدى خيرك ماما
قال بوه مرة مرة ينوض هبالها
تضحك بروحها شوى وتسكت
على حسب
الفلفل المهم مايصادفك المر يفسدلك البنة
نخيلى (على قولة احيه)
سخانة فى الصيف والماكلة سخونة وهذا الفلفل
تولع الحكايةههههههههههههه

اقتباسالمشاركة الأصلية كتبت بواسطة أم طهيسلمو ايديك أم خدوج منظرها يهبل

تعرفي اليوم نحكي عليها مع أخت زوجي وقلتلها خاطري نجربها


تسلمى ام طه صحتين
دريها وماتخليهاش فى خاطرك
ربى يسهل حملك
درين طرفين بس
خاصة كان الفلفل حار
ماتقدريش تكمليها
وشوفيلك فلفل مايكون مر لان فلفل الشتتاء ركيك
بارد ومر شوى
وربى يسهل حملك

[أم أيوب]

خدوجة عندي فلفل أحمر موللللع ينفع؟؟؟؟؟؟؟؟

تعرفي زوجي مدمن فلفل وأنا أحرف منه في نهاية الصيف ديما نجيبوا كمية كبيرة منه

ونخزنها بالفريز نستعملها طول الشتاء ونحب انه يجيب قرينات يكونو كبار

لأني مرات نحشي فيهم من حشوة الفلفل والبراك

[ام عبدالمعز]

هههههههههههههههههه

الطبق لازم يكون من نصيبي

خدوج مادبيا نرد اول واحدة

من فرحتي بكم ههههههههههههه

فنحجز مكان وبعدين نقرا الوصفة

باش تعرفوا معزتكم عندي