الهدرزة الليبية 16 يامئة اهلين وسهلين بيكم

**سحابه صيف** · 02-03-2011, 12:01 AM

ايه والله صدقتي يا ليبيا والله لين بديت نحلم بيهم

**بنية بوها** · 02-03-2011, 12:36 AM

ماتقولوليش وينكم وين تهربوا معاش نحصل فيكم

**ام نسيبة 78** · 02-03-2011, 03:24 AM

**mnona** · 02-03-2011, 09:47 AM

وووووووووووووووه خيرك ام نسيبة 78 والله لين جسمي قشعريرة

تعرفي منتحملش نشوفه حاشاك مقرف والله لو كان نعرف وين نلقاك لما نوريك علاش هكي

********
بالنسبة للشعب المصري ربي يكون في عونهم
ان شا الله وربي يجازي اللي كان السبب وسبب في وجود الفتن والقتل بين الشعوب العربية
ربي يهدي من خلق ان شا الله

********

عموما مافيش ولا وحدة منكم جاوبتني على سؤالي خيركم هكي مش لاهيين بيا

مش قلتلكم قولولي شن ندير في المولد النبوي الشريف
برو شوفو ردي واقترحوا عليا وصفات من المنتدى اهو ماشا الله معبي بالاكلات ولكن اني معرفتش شن اللي بنختاره ونديره

**مغتربة 7** · 02-03-2011, 03:54 PM

المشاركة الأصلية كتبت بواسطة ام نسيبة 78

الشعب المصري يتعرض الان لمدابح بالرصاص الحي في ميدان التحرير من قبل مبارك واعوانه
تنقل الاحداث على قناة المستقلة
انا لله وانا اليه راجعون

ربى يفرج عليهم وينصرهم اميييييييييييييين

**سحابه صيف** · 02-03-2011, 04:06 PM

اقتباسالمشاركة الأصلية كتبت بواسطة mnona

وووووووووووووووه خيرك ام نسيبة 78 والله لين جسمي قشعريرة

تعرفي منتحملش نشوفه حاشاك مقرف والله لو كان نعرف وين نلقاك لما نوريك علاش هكي

********
بالنسبة للشعب المصري ربي يكون في عونهم
ان شا الله وربي يجازي اللي كان السبب وسبب في وجود الفتن والقتل بين الشعوب العربية
ربي يهدي من خلق ان شا الله

********

عموما مافيش ولا وحدة منكم جاوبتني على سؤالي خيركم هكي مش لاهيين بيا

مش قلتلكم قولولي شن ندير في المولد النبوي الشريف
برو شوفو ردي واقترحوا عليا وصفات من المنتدى اهو ماشا الله معبي بالاكلات ولكن اني معرفتش شن اللي بنختاره ونديره

حبوبه انا من اول متجوزت محضرتش مولد عند شيابيني لاني سافرت طول لكن قبل

منتجوز كانو خواتي نتلقو عند حوش اهلي وانديرو في رشدة مسقيه وعصبان

وطاجين جبن

والحلو اندير كيكات ودبله

بالنسبة ليك لو بدير مسقي ديري رشدة ولا كسكسي وتيله المخلالات قبله بيوم

وكان عندك وقت ديري المخلل اليمون تلقيه في ملفي روعه الحق

وديري معاه حاجات تتميزي بيهم زي افخاد الدجاج ولا شميعه لزينب محمد او فكرة

السمحة في الوردة توة انجيبلك الرابط

ولا ديري طريقة زينب في طاجين الجبن روعه الحق

ولا ديري فاصوليا وغيري علي سنوات الفايته باش تقدري اديري معجنات وتفنني

فيهم مش صعبات ولا ياخدو وقت وتقدري اديريهم قبلهم بيوم والافضل لو في نفس

اليوم

ديري البيتزا المقليه تلقيها في ملفي

او الصفائح لاخت كوين روعه انا جربتها وحنزل تطبيقي والله طعمتها زي المشريه

وخشي علي مشاركتي في معجنات خودي طريقة الخبيزات المحشيو روعه حتي هي

وشوفي كن المعجات روووووووعه بدات المشتركات في المسابقه كل وحدة احلي من

تانيه

والحلو ديري بسبوسه او فطائر امتاع زينب الي بعجينة المنتخة تحفففففففففففففه

وتنستري بيها

والله معجبكش اقتراحي قوليلي انزيد انفكرلك

ومادابيك اديري حاجة مدرتيهاش قبل واتكوني مجربتيها وجاتك حلوة

ان شاء الله قدرت انساعدك

**أم أيوب** · 02-03-2011, 04:31 PM

أم نسيبة الله يسامحك كنت ناسية شكله ههههههههههههه

تعرفي الصيف نقعد على أعصابي من خوف يطلع قدامي

تعرفي من كثر ما نخاف منه نين لما يمشي قريب مني معش نقدر نحكي

ياريتهم يختفوا من وجه الأرض بس للأسف اثبتوا انه حتى السلاح النووي ما يقدرش عليهم

دواهم الصبابيط والسبيدروات

**أم أيوب** · 02-03-2011, 04:42 PM

منونا يا حبيبة لما تزوجت وجيت لأهل زوجي ديما يوم الميلود

يديروا في أرز بخلطة وشريبة عربية وفتات

والحلو ديما أنا نجهزلهم نحب ندير تورتة كبيرة ونزينها زينة حلوة ونحلو بيها بعد العشاء

هذي عادات أهل زوجي

أهلي ماما ما تحبش تدير أكلة معينة يوم المولد بس المهم عندنا هو الحلو

ماما تلقيها طول اليوم تقرا في قرآن وتصلي على الرسول ونحن البنات نجهزوا

مرات نديروا في مشقشقات (( معجنات أو كفتات ومعاهم سلاطات ))

والحلو غالبا تورتة أو بسبوستنا المفضلة بالطريقة التركية

وبسسسسسسسسسسس