[مشاركة في مسابقة شاركينا بادواتكنّ واوانيكنّ التراثية ]القصعة من مطبخ خدوج

**خدوج** · 02-01-2011, 11:30 PM

السلام عليكم

ماشاء الله ماشاء الله اليوم القسم سخون ماشاء الله حركات وادوات حلوة
وانى من فترة عندى موضوعين مازالو فى الجهاز كل يوم نقول غدوة
فاليوم سخنونى البنات فقلت نزل القصعة والمعجنة (هديتى لام عبدالمعز
لانها سألت عنهم)

القصعة

اكيد بدون مانقول شى معروفة القصعة هى صحن الاكل وهناك نوعين
من الخشب
ومن الحجارة
وهناك المعجنة وهى خاصة للعجين

والصور توضح قصاعى الخشب

وهذه القصعة مع ملاعق الخشب
وهذه الملاعق لازالت الى يومنا هذا تصنع فى مدينة غات

وهذه من الطين

وهذه القنينة المكسورة ليها مكانها (حطوها فى المتحف)
ولاحظوا كيف ملحومة(ملصقة)
الدليل ان الشى عندهم قليل
مش زى وقتنا كل شى كاثر وكل يوم ناكل فى صحن جديد وحركات
اللهم لك الحمد على نعمك

وهذه المعجنة

اما هذه الاوانى كانت من استخدام اهل البدو وهى من النحاس

وهذه سكين

والمغرفة او الساقم

وان شاء الله اكون افدتكم

**ام اسر** · 02-01-2011, 11:36 PM

ماشاء الله يعطيك الصحه
وتعرفي قصعة اللوح شيابيني واهلي عندهم
ولعند توا ناكلو فيهم الحاجات المكبكه عند اهلي طبعا
تسلم ايدك يارب وماننحرم منك ومن المعرض

**السمحة** · 02-02-2011, 12:28 AM

تسلم الايادى

**الساجدة لله** · 02-02-2011, 12:50 AM

متقوليش منين تجيبي فيهم هههههههههههه يعطيك الصحة وخلاص والا نقولك يعطيك عصيدة على قولت السمحة ههههههههه موفقة حبيبة

**خدوج** · 02-02-2011, 07:17 AM

اقتباسالمشاركة الأصلية كتبت بواسطة ام اسرماشاء الله يعطيك الصحه
وتعرفي قصعة اللوح شيابيني واهلي عندهم
ولعند توا ناكلو فيهم الحاجات المكبكه عند اهلي طبعا
تسلم ايدك يارب وماننحرم منك ومن المعرض

بوركتى ام اسر

ربى يحفظلك اهلك واهل زوجك
المبكبكة فة قصعة الوح شى تلنى خاصة البرمة
اسعدنى مرورك

اقتباسالمشاركة الأصلية كتبت بواسطة السمحةتسلم الايادى ةايديك ياعسل

اقتباسالمشاركة الأصلية كتبت بواسطة الساجدة للهمتقوليش منين تجيبي فيهم هههههههههههه يعطيك الصحة وخلاص والا نقولك يعطيك عصيدة على قولت السمحة ههههههههه موفقة حبيبة
هلا سجودة
تكسروا رجليه وانى ندور
بعض من المتحف
وفى من المعرض
وفى اللى نقصد حوش معين
وبلادى هلبه يهتموا بالثرات
وشكر لك

**kittygago** · 02-02-2011, 01:26 PM

ما شاء الله عليك يا خدوج

حاجاتك روعة روعة روعة

بجديات فيه اشياء اني ما شفتهمش بكل

بارك الله فيك

**mnona** · 02-02-2011, 01:29 PM

يسلموا خديج بارك الله فيك
بالتوفيق ان شا الله

**guidona** · 02-02-2011, 02:23 PM

ماشاء الله وين لاقيتهم روعه والله فيه الي منعرفهمش شكرا ياخدوج وبالتوفيق ياحلوه

**ام عبدالمعز** · 02-02-2011, 03:45 PM

سلمها ياربي العسولة

اسعدتيني بالهدية الله لايحرمني قربك

روووووووووعة ياخدوج انت عارفة رائي

بصراحة كل الاشياء اللي قدمتها تستحق التقييم

بارك الله فيك