(فكرة)أفكار منوعة خاصة بالخضار هدية مني اليكم

**ليبية** · 02-11-2011, 01:55 AM

أفكار منوعة خاصة بالخضار هدية مني اليكم

حبيباتي فكرتنا اليوم عن الخضار أفكار مختلفة ويارب تعجبكم

الفكرة الأولى وهي فكرة وجدتها على احد المواقع الأجنبية وهي عبارة عن كيس قطني لحفظ الخضار

طبعا زي ماهو معروف لو تحتاجوا لحفظ الخضار والفواكه فترة طويلة( يعني اسبوع عشرة ايام) ممكن تلفيها بفوطة او طرف قماش او تشري الكيس هذا

الفكرة التانية وهي عبارة عن كيس لحك الخضار

يعني بدل مانخرط الجزر بالسكين يكفي انك تغسليها غسلة كويسة بالكيسة هذي
ملاحظة هذه الطريقة لا تنفع الا مع الخضار الطازجة
ممكن استعمال شكارة البصل اكيد عرفتوها احني الليبين كلنا نعرفوها

عجبتني الفكرة هذي:

قطاعة خضار وفي نفس الوقت تحملي بيها الخضار يعني 1x2

يارب الأفكار عجبتكم ودعواتكم ماتنسونيش

**سحابه صيف** · 02-11-2011, 11:26 AM

روعة ليبية دائما افكارك اتهبل

وبحاجات بسيطة

بارك الله فيك

ههههههههههه لكن ضحكتيني بشكارة البصل والله نتحدى وحدة ليبية اتقول منعرفهاش هههههه

**أمـ ساره** · 02-11-2011, 04:46 PM

ماشاء الله ليبية أفكار حلوة سلم ايدياتك يارب

وبالنسبة للخضار الورقية تلف بفوطة وما تغسل أفضل

وعن تجربة والله لما نظفها ونوارزيها ونحطها بالثلاجة من غير غسل تصبر أكثر

بارك الله فيك ليبية على الافكار الحلوة

**ام الحلوين** · 02-11-2011, 07:40 PM

شكرا ليبية انى طريقتى فى حفظ الخضرة زى المعدنوس والشبت والكسبر بالدات الشبت غالى عندنا تخايلو ربطة الشبت ب5 $ نرحمو على بلادنا الربطة ب50 قرش المهم حكيتلكم قصة حياتى الخضرة ناخدها نلفها طول فى الجريدة ونحطها فى كيس نايلو قسما بالله تقعد حتى اسبوعين بلا غسل والله يابنات هده تجربتى وجربوها وقولولى وشكرا ليبية مرة اخرى بارك الله فيك

**ليبية** · 02-12-2011, 02:25 AM

اقتباسالمشاركة الأصلية كتبت بواسطة سحابه صيفروعة ليبية دائما افكارك اتهبل

وبحاجات بسيطة

بارك الله فيك

ههههههههههه لكن ضحكتيني بشكارة البصل والله نتحدى وحدة ليبية اتقول منعرفهاش هههههه

ماعندكم ماتقولوا فيها واللي تقول مانعرفهاش معناها مش ليبية من الأخير

نورتيني سحوبة الله يبارك فيك

**ليبية** · 02-12-2011, 02:26 AM

اقتباسالمشاركة الأصلية كتبت بواسطة أمـ سارهماشاء الله ليبية أفكار حلوة سلم ايدياتك يارب

وبالنسبة للخضار الورقية تلف بفوطة وما تغسل أفضل

وعن تجربة والله لما نظفها ونوارزيها ونحطها بالثلاجة من غير غسل تصبر أكثر

بارك الله فيك ليبية على الافكار الحلوة
الله يحفظك يا ام سارة ويبارك فيك وكلام صح 100%

**ليبية** · 02-12-2011, 02:27 AM

ام الحلوين فعلا كلامك انا مجربة الفوطة والجردية والأثنين نفس النتيجة مش مع الورقيات بس مع الخضار كلها
الخيار الكوسة المعدنوس السلك الخ الخ الخ

نورتيني يا حلوة