ارجو الدعاء للسمحة

[ادعو للسمحة]

بسم الله الرحمن الرحيم

السلام عليكم ورحمة الله وبركاته
انا قريبة السمحة

وبصراحة في عندي لكم خبر مش حلوو

السمحة تعرضت لحادث حريق في جسمها بالكامل
وهيا الان في مستشفى الحروق بطرابلس

ادعولها بالشفاء
وان شاء الله ترجعلنا بالسلامة

وشكرا

وعليكم السلام ورحمة الله وبركاته

[خدوج]

بصراحة خبر صدمنى
والله لين وجعنى قلبى
الله مايوريها مكروه
الله يشفيها
الله يشفيها
الله يشفيها
أسال الله لها شفاءا عاجلا
بالله طمنينا عليها

[Om Amory]

بصراحه خبر مفجع وووك

ربى يشفيها

والله وجعتنى لين خلاص

ان شاءالله ربى يشبح فيها ياااااارب

ربى يششفيها

[أم أيوب]

لا حول ولا قوة الا بالله

والله العظيم وجعتني ربي يارب يشفيها عاجلا غير آجل

نقول ليها كم يوم ما بانت بس قلت المانع خير ان شاء الله

وأمس شفت اسمك خطر على بالي انك من طرفها بس والله ما توقعت الأمر لهالدرجة

ربي ما يوريها سو يارب وتردلنا وترد لأحبابها في القريب العاجل يارب

والله ما تستاهل الغالية

قوليلها حبوبة ان الكل يدعيلها بالشفاء العاجل ونراجو فيها ترجعلنا وتنور المنتدى بطلتها الحلوة

وأكلاتها السمحة زيها يارب

[Om Saga]

يناااااااااااااااااااااااري
ووووووك اللهم صبرها وقويها ياااااااااااااارب
وجعتني وجعتني
قاللتلي أم عموري جيت نجري
ياوخياتي نبو نعرفو شن أخبارها
لاحول ولا قوة إلا بالله
ربي يشفيك ياسمحه ياغاليه ربي يشفيك
ويارب تكون إصابتك سطحيه
ظمنينا علاها بالله عليك بالله عليك
ووووووووووك نحس في قلبي بيسقط
اللهم إشفي السمحه وأعطاها الصبر يارب
اللهم إشفي السمحه وأعطاها الصبر
اللهم إشفي السمحه اللهم إشفاااااااااااااها ياااااااااااااااااااااارب
إدعولها ياابنااااااااااات
والله وكان نعرف إسمها بالكامل وأي قسم إلاما نمشيلها
قلبي معاك ياسمحه
وحندعيلك في كل صلاه

[الساجدة لله]

لاحول ولاقوة الابالله

والله صدمتيني ومن اول ماشفت اسمك على طول خطرتيها على بالي والله حالتي توا مايعلم ربي بيها ان شاء الله لاباس عليها وان شاء الله ربي يشفيها يارب يارب يارب يارب يارب
وانا نقول ليها كم يوم فقدتها ياربي يشفيها يارب

[ansam ali]

والله حزنت عليها انشاء الله ربى يشفيها ويعافيها
يارب اشفيها .. يارب اشفيها يارب

[الساجدة لله]

بلاهي عليك طمنينا عليها وهي وين قاعدة على الاقل انزورها ونطمن عليها يلاهي عليك انا قلبي تقطع عليها وخيتي الغالية ربي يردك لينا يارب يشفيك

[ام لبنتين وولد]

لا حول ولا قوة الا بالله خبر مفجع للغاية الله يشفيها ويكون معاها الله معاها ويسمعنا عنها الاخبار الطيبة ورجاء من قريبتها انها تطمينا عليها اول باول رجاء من اخواتك اللي في المنتدي وربي معاها

[أم أيوب]

ياريت يا اختي تطمنينا عليها وتوصفيلنا مدى اصابتها

يارب تكون كل حروقها سطحية يارب وما تكون عميقة

والله العظيم خبر يفجع ويقهر لكن الله المستعان

بيده الشفاء من كل ابتلاء