[تمت الاجابة] طريقة الطعمية الاصلية مجربة ومضمونة

**أمـ ساره** · 02-13-2011, 01:48 AM

السلام عليكم ورحمة الله وبركاته

حبوبات بالله نبي الي تعرفي طريقة مضمونة للطعمية ( الفلافل )

تسعفني بيها

اليوم درت طعمية ماشي حالها تتكل لكن بصراحة نبيها تجيني زي متاع المحلات

مقرمشة وخفيفة

بالله يا بنات نبيها عن تجربة وطريقة معتمدة ومضمونة ما نبي نجرب

جربت لين عييت الطرق

وربي يبارك في الي تعطيني طلبي والي تخش وترد ويعطيها ما تتمنى يارب

**سحابه صيف** · 02-13-2011, 02:02 AM

والله شني بنقولك

والله اندير فيها اتجيني روعه روعه والكل يشكر فيها

لكن منديرش فيها مقدار

ناخد في الفول وانقعه يومين هكي

وبعدين نفرمه زيييييييين مرتين والفرم تانية انحطلها في شوي كسبر وتومة راهو الكسبر ايخلي فيها احلي من المعدنوس

وبعدين انطيف بيضة وبيكنج بودر وملح وانكركب ونقلي

هدي طريقتي بالنسبة ليا اتجيني اتهبل

وان اشاء الله قدرت انساعدك

**ام عائشة** · 02-13-2011, 02:29 AM

السلام عليكم ورحمة الله وبركاته

المقادير والطريقة
6 اكواب فول مقشر ومنقوع طبعا
نص كوب حمص منقوع ومقشر
ربطة معدنوس جديدة وفيها ورق كويس
نص ربطة كسبر جديدة وفيها ورق كويس
نص ربطة بصل اخضر
بصل عادي واحدة كبيرة
فص ثوم
تخلط المقادير مع بعضها في فرامة اللحم
وتقسم العجينة بكمية تساوي كوب ونص
وانحطها في اكياس وتوضع في الفريز
وكل ماتبي تقلي تخرجيها من الفريز بمدة كويسة
وتقومي بعجنها بالمقادير التالية
بيضة و ملح وملعقة صغيرة بيكنج باودر وكمون وباقي البهارات
تشكليها وتقليها في زيت غزيز وساخن

هي تقريبا زي طريقة سحابة
بس انا عطيتهلك بالمقادير والمعايير

**ام عبدالمعز** · 02-13-2011, 10:03 AM

ام سارة حتي انا نفس طريقة سحابة واتجي كويسة بس انا نستخدم في الحمص المنقع

**أمـ ساره** · 02-13-2011, 11:39 AM

بارك الله فيكن وخياتي على ردرودكم الحلوة

وان شاء الله نجربها

بس نبي نسأل لما نقليها يجي لونها أسود فما مش عارفة السبب شنو هو ؟

رقم ان الزيت جديد

**Om Amory** · 02-13-2011, 01:07 PM

http://www.libyan-kitchen.com/kitche...read.php?t=894

حبيبه هده طريقة أم سجى ان شاءالله تعجبك

**أم ميوسة** · 02-13-2011, 01:36 PM

المشاركة الأصلية كتبت بواسطة أمـ ساره

بارك الله فيكن وخياتي على ردرودكم الحلوة

وان شاء الله نجربها

بس نبي نسأل لما نقليها يجي لونها أسود فما مش عارفة السبب شنو هو ؟

رقم ان الزيت جديد

حبيبتي أم سارة تجيك سودة لأنك تزيدي في كمية البيكن بودر

البيكن بودر يخلي في لونها أسود ويخليها متشققة

نقصي الكمية يا دوبك تحطي ملعقة صغيرة بالنسبة للمقادير الكبيرة

أو ممكن تستبدلي البيكن بودر بكربونات الصوديم تعطيك نتيجة أحلى وأخف عن تجربة

وحتى هيا تنقصي الكمية فتعطيك لون بني خفيف بعيد عن الأسود اللي حتى انا ما نحبداش في الطعمية

**أمـ ساره** · 02-13-2011, 11:49 PM

أم عموري مشكورة وخيتي على الرابط

بارك الله فيك

**أمـ ساره** · 02-13-2011, 11:50 PM

ام ميوسة الحلوة

ربي يبارك فيك ويخليك يارب ويجيزك خير

سبحان الله معومة جديدة عليا

ان شاء الله ناخذ بنصيحتك

وربي يعطي ما تتمني

الموضوع: [تمت الاجابة] طريقة الطعمية الاصلية مجربة ومضمونة

أدوات الموضوع

عرض

[تمت الاجابة] طريقة الطعمية الاصلية مجربة ومضمونة

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة