خير يا بنات
جايبتلكم اليوم طرفة
وقصة الطرفة ان عندنا سيدة رائعة صاحبتنا واجد
تحب التسوق
ومن محل لمحل تدور في حاجة طرفة غير اللي متعودين عليه
كل ما تلقى حاجة جديدة وسمحة وتسهف تقوللنا عليها
مثلا معلبات او قصاصات او صواني غير شكل او بهارات غريبة او اي شي تشتهيه النفس
نطيروا جري ونشروا منهن
مرة دزتلي قرنيطة – لقتها في بنكينة الحوت في بنغازي
بنيات المنتدى الطرابلسيات عادية عندهن القرنيطة في تراث مطبخهن
بس نحنا في بنغازي من كمين سنة فاتن قبل انفتاح السوق
ما نعرفوا الا الحوت مقلي
او مرات وفي حالات نادرة طاجين او كسكسو حوت
المهم درته عصبان قرنيطة
ودعيتلها بالخير
نعاود للطرفة اللي لقيتها هنا – مش بنغازي
هالبلاد البعيدة
بلاد الواق واق
هههههه
لقيت في محل يبيع في جميع انواع التوابل والدقيق وكل ما هو مطحون مجروش مدقوق ووو بالكيل والميزان
لقيت وسط هالخضم اللي يسهف
كسكسو ملون
حبة بعجنة سبانخ واخرى جزر ممكن واخرى عادية
صبيت واجد نبحت فيه ونخمم زعمك شنو ندير بيه!
منحبش التعدي عالاكلات التراثية وتغييرها
نعتبرها ارث مقدس
والرفض مطلق حيكون من الاكلين
زعمك نديره نوع سلاطة
زي التبولة المبتكرة مثلا!
او سلاطة تن
او – والله ماني عارفة
كل اللي درته اني شريت منه شوية
وسندرته في دار الخزين
افكاركن خياتي
نورني
المفضلات