[ الدونات ] من مطبخ عروس البحر

[عروس البحر]

بسم الله الرحمن الرحيم

أهلا يابنات..

هادي اول مشاركة معاكم ..

بنعطيكم طريقة دوناتي اللديدة بالليبي نقولو بريوش

ونتمنى أنكم تجربوها وتعطوني رأيكم

المقادير..

3صفار بيض 3 ملاعق سكر مرحي

3 ملاعق حليب نيدو 5 ملاعق زبدة سايحة

ملعقة خميرة في كوب ماء ومايعجن دقيق يطلع

حوالي تلاتة اكواب ونصف وعلى حسب الدقيق


الطريقة ..

تخلط جميع المقادير ثم يضاف الدقيق

وتترك لتخمر بعدين حليها في صفرة دوائر بهدا الشكل

تقلى في زيت حاروماتخدش وقت على طول تتنفخ وتتحمر

وبعدين غطيها بالسكر المرحي او النوتيلا او العسل على حسب دوقك وبالهناء والشفاء

وللأمانة الصور منقولة لأنى مانعرفش انزل صور مازال لكن دوناتي زي اللي في الصورة

[سحابه صيف]

ماشاء الله يسلم ايدياتك

واكيد احلي يا عروستنا

وبارك الله فيك

[أم أيوب]

ماشاء الله عليه يسهف تسلم ايديك حبوبة

ان شاء الله بس يروق بالي حنجربه ونحط التطبيق باذن الله

[الساجدة لله]

تسلم الايادي غاليتي

من ايديك اكيد بتكون تحفة

[عروس البحر]

يسلمكم وخياتي على ردودكم الحلوة

[أمـ ساره]

ماشاء الله شكلها خفيفة وحلوة

ربي يسلم ايدياتك الحلوة يارب

وبالهني والعافية

[امتنان]

باين عليهن يمممممي
ان شاء الله نجرب ونخبرك


يسلمو ياغلا

[ام عبدالمعز]

يسلمو ايسديك غربة

وان شاء الله انشوفوا الونت من صنع ايديك

اكيد حيكون احلي

[فضااوي]

ماشاء الله شكلهاا روووعه

تسلم الايااادي يالغلا

[بنية بوها]

يسلموا ايدياتك