[تمت الإجابة][طلب] طريقة البهارات الليبية

[Biti]

السلام عليكمارجو منكم طريقة عمل البهارات الليبية ( حرارات )في المنزل لان طعمة الاكل بيها له طعمة خاصة والله*

[زهرة البنفسج]

ياريت انساعدك لاكن والله هدا السؤال كنت نبي نسئله لاكن سبقتيني ان شاء الله نلقو حد يجاوبنا بالمقادير والنسب الصحيحة سامحيني اني ماجاوبتكش

[أمـ ساره]

والله حتى اني ما نعرف نشري فيها واتية

لكن ان شاء الله نسأل أمي لو تعرفها بالضبط

وعلى ما أعتقد هي ليها أكثر من طريقة كل واحد ومدينته أو منطقته


وان شاء الله تفيدك وحدة من الاخوات

[Biti]

ياريت انساعدك لاكن والله هدا السؤال كنت نبي نسئله لاكن سبقتيني ان شاء الله نلقو حد يجاوبنا بالمقادير والنسب الصحيحة سامحيني اني ماجاوبتكش

بارك الله فيك ان شاء الله نلقوا الإجابة وتكون الإستفادة للجميع

[Biti]

والله حتى اني ما نعرف نشري فيها واتية

لكن ان شاء الله نسأل أمي لو تعرفها بالضبط

وعلى ما أعتقد هي ليها أكثر من طريقة كل واحد ومدينته أو منطقته


وان شاء الله تفيدك وحدة من الاخوات

مشكورة أختي أم سارة أنا والله كان يبعتولي فيها اهلي من ليبيا ( بنغازي ) وماشاء الله عليهم بنة وطعمة لكن الظروف الحالية لهلنا ماتسمح نطلب يبعتولي واللي عندي قربوا يخلصوا خاصة بعد رمضان .
وإن شاء الله نلقوا وحدة من الأخوات عندها ونستفيدوا جميعاً.

[79nana]

ان شاء الله ربي يردنا لاهلنا سالمين غانمين ونتمتعو بحرحراتنا وبهاراتنا واكلنا الميز اخخخخخخخخخخ من الغربة كلتنا ماكلة لاحول ولاقوة الا بالله

[مغتربة 7]

وعليكم السلام

والله يا حبيبة اني نتدكر ان فيهم عود اللحم والقرفة والزنجبيل والقرنفل
بس بالزبط الكمية ما نعرفش تقريبا القرنفل شوية بكل
توا نسئل امي ..

[Biti]

اقتباسالمشاركة الأصلية كتبت بواسطة مغتربة 7وعليكم السلام

والله يا حبيبة اني نتدكر ان فيهم عود اللحم والقرفة والزنجبيل والقرنفل
بس بالزبط الكمية ما نعرفش تقريبا القرنفل شوية بكل
توا نسئل امي ..
بارك الله فيك ياوخيتي وفي والدتك

[حبيبتهم]

انا نشري فيهم جاهزات
اظني بهارات البصلة فيها قرفة وشوية قرنفل
بهارات الطبخ زنجبيل وعود لحم ومش عارفة شنو ثاني
وردي بالك كان شريتها مرات تلقي فيها كموون حوت تفسد بنة الماكلة

[خدوج]

انى نخدم بيهم فى الحوش بروحى
ندير كيلو نص فلفل اسود
نص كيلو كسبر(تابل)
نص كيلو حبة حلاوة
نص كيلو كروية
وقرفة نكسرها بالمهراز شوى شوى(بس عينى ميزانى)شوى اقل من ربع كيلو بهلبة ماتكتريش
وشوى عود لحم عينى ميزانى حتى هو يتكسر(يدقدق)
سكنجبير عينى ميزانى يتكسر
وشوى ورد اللى يعبى كفك مرتين
والشيبة اللى يعبى كفك(وكان جديدة ماتكتريش)
وان شاء الله مانسيت شى
كعيبات جوز الطيب 0يدقدق)
وبالنسبة للفلفل الاسود ماتكترتى اذا مش من انصاره تقدرى ديرى كيلو
وانى نحبه بروحه نتحكم فيه
وان شاء الله مانسيت شى
وان شاء هذا اللى تبيه
وطبعا البهارات تختلف من مكان لمكان
وعالطاحونة برا الحوش
وطبعا هذه كمية كبيرة تسدنى ااكثر من عام
واللى ندكر فيه تقريبا من 3 سنوات مارحيتش لين السنه هادى
واذا تبى اقل نقصى