[تمت الإجابة][طلب] طريقة البهارات الليبية

[Biti]

اقتباسالمشاركة الأصلية كتبت بواسطة خدوج

انى نخدم بيهم فى الحوش بروحى

ندير كيلو نص فلفل اسود
نص كيلو كسبر(تابل)
نص كيلو حبة حلاوة
نص كيلو كروية
وقرفة نكسرها بالمهراز شوى شوى(بس عينى ميزانى)شوى اقل من ربع كيلو بهلبة ماتكتريش
وشوى عود لحم عينى ميزانى حتى هو يتكسر(يدقدق)
سكنجبير عينى ميزانى يتكسر
وشوى ورد اللى يعبى كفك مرتين
والشيبة اللى يعبى كفك(وكان جديدة ماتكتريش)
وان شاء الله مانسيت شى
كعيبات جوز الطيب 0يدقدق)
وبالنسبة للفلفل الاسود ماتكترتى اذا مش من انصاره تقدرى ديرى كيلو
وانى نحبه بروحه نتحكم فيه
وان شاء الله مانسيت شى
وان شاء هذا اللى تبيه
وطبعا البهارات تختلف من مكان لمكان
وعالطاحونة برا الحوش
وطبعا هذه كمية كبيرة تسدنى ااكثر من عام
واللى ندكر فيه تقريبا من 3 سنوات مارحيتش لين السنه هادى
واذا تبى اقل نقصى

صحيتي ياحبيبة لكن نحنا في بنغازي مانستعملوش في الكروية والكمون الحلو هدا متأكدة منه وانا بصراحة الكروية ماإنحبها تو انجربها من غير الكروية
وبارك الله فيك يا أوخيتي وعطيك الصحة إن شاء الله

[زهرة البنفسج]

بارك الله فيك لاكن معليشي نبي نعرف شن هي الشيبة وحبة الحلاوة

[Biti]

الشيبة اللي تنحط مع البهارات الخاصة بالرز لونه اسود على ابيض وهو له طعمة رائع وخاصة مع الشربة الليبية وانواع الطبائخ وخاصة طبيحة الفاصوليا بالنسبة ليا مانستغناش عليها ابداً ينحط منها جزء بسيط وشوفي بعدين الطعمة المهم مااتكثريش منها انا صورتها لكن ماعرفتش انزلها دورتلك عليها في القوقل لقيتها

[زهرة البنفسج]

بارك الله فيك على الاهتمام

[خدوج]

اقتباسالمشاركة الأصلية كتبت بواسطة Bitiاقتباسالمشاركة الأصلية كتبت بواسطة خدوج

انى نخدم بيهم فى الحوش بروحى

ندير كيلو نص فلفل اسود
نص كيلو كسبر(تابل)
نص كيلو حبة حلاوة
نص كيلو كروية
وقرفة نكسرها بالمهراز شوى شوى(بس عينى ميزانى)شوى اقل من ربع كيلو بهلبة ماتكتريش
وشوى عود لحم عينى ميزانى حتى هو يتكسر(يدقدق)
سكنجبير عينى ميزانى يتكسر
وشوى ورد اللى يعبى كفك مرتين
والشيبة اللى يعبى كفك(وكان جديدة ماتكتريش)
وان شاء الله مانسيت شى
كعيبات جوز الطيب 0يدقدق)
وبالنسبة للفلفل الاسود ماتكترتى اذا مش من انصاره تقدرى ديرى كيلو
وانى نحبه بروحه نتحكم فيه
وان شاء الله مانسيت شى
وان شاء هذا اللى تبيه
وطبعا البهارات تختلف من مكان لمكان
وعالطاحونة برا الحوش
وطبعا هذه كمية كبيرة تسدنى ااكثر من عام
واللى ندكر فيه تقريبا من 3 سنوات مارحيتش لين السنه هادى
واذا تبى اقل نقصى

صحيتي ياحبيبة لكن نحنا في بنغازي مانستعملوش في الكروية والكمون الحلو هدا متأكدة منه وانا بصراحة الكروية ماإنحبها تو انجربها من غير الكروية
وبارك الله فيك يا أوخيتي وعطيك الصحة إن شاء الله

حبة حلاوة مش هى الكمون الحلو(مش متاكدة) الكمون الحلو هو البسباس
وتقدرى تحدفى الغير مرغوب
وان شاء الله استفدتى
ونسيت نقولك شوى قرنفل
وسلامات

[خدوج]

اقتباسالمشاركة الأصلية كتبت بواسطة الغربة صعبةبارك الله فيك لاكن معليشي نبي نعرف شن هي الشيبة وحبة الحلاوة
الشيبة هى والله مانعرف كيف بنوصفها
تحسيها زى لونالشجر اليابس على لون الرماد الابيض على اسود
مخلطة ويسموا فيها لحية الشيبانى
وحبة حلاوة
دورت ولقيتلك هذه الصورة





ولقيتلك حتى صورة الشيبة
وان شاء الله وضحت الصورة

[زهرة البنفسج]

بارك الله فيكم وربي مايحرمني منكم وان شاء الله ربي يعطيكم الصحة والهناء يارب

[شاطئ بلا رمال]

[align=center][tabletext="width:70%;"][cell="filter:;"][align=center]
السلام عليكم
حبوبه والله حسب مانعرف الحرارات قرفه وقرنفل وعود لحم وفيه من يديرلها في شوش الورد
ويزيد في الفلفل الأكحل كل واحد وطريقته والمتعودين عليه بس الحاجات الأساسيه حسب ما نعرف قرفه وقرنفل وفيه من يضيف في هلبه حاجات تانيه والمقادير بالضبط ماعنديش فكره يرجع للدوق.
[/align][/cell][/tabletext][/align]

[بنت الاشراف]

بالنسبة للحرارات الطرابلسية فلفل اكحل عود لحم زنجبيل قرفة وقرنفل وعمبرة ولو متوفر عندك قرفة وقرنفل ديرى كوب قرنفل بكوبين قرفة وخلطيهم كويس لكن ماتكتريش منهم حتى مايفسدش الطعم بالنسبة للبزار يكون صافى منخلطوش فيه

[ام مؤيد]

شكرا علي الموضوع تعرفو قداش ليا اندور في الطريقة واحيرا لقيتها بس ما زال المقادير نبيها اكتر دقة بش انديرها ونرفعها لطحونة نستنا فيك اختي خدوج