[كيكة الاناناس] من مطبخ سحابة صيف

[سحابه صيف]

السلام عليكم ورحمة الله وربركاته
اليوم عندي ليكم طريقة للكيكة اتهبـــــــــــــــــــــــــــل والله خفيفة وساهلة وطعمتها روعه روعه صدقوني لو اتجربوها مرة تبدا ديما اديرو فيها

** المقادير **الطبقة اولي :كيكة المعتمدة عندكم (انا استخدمت الخليط الكيك الجاهز )
الطبقة التانية :علبة كمبكت اناناس +كريم كراميل
الطبقة التالثة :كريم شانتيه او أي كريم موجود عندك انا كانت عندي كريم بطعم الفراولة
لتزيين كاكاو او شكلاتة مبشوره
الطريقة:نخلط خليط الكيك مع بعض



وانخدله للفرن لين اطيب الكيكة ونطلعها وهدا شكلها لما تطلعم مش طروري اتكون الكيكة مرتفع حتي لو انقسمت منك الكيكة عادي مش مشكلة
هدا شكلها لما طلعت من الفرن



وبعدين ناخد الجزء المتحمر من الكيكة من جميع الجهات وانحوله بسكين ونكرر لو اتفتفتت منك الكيكة مش مشكله



وبعدين ناخد كل مرة جزء من الكيكة وانرصه في الطاجين مرة تانية بحيت اتكون مش مرتفعه هلبة ونطغط عليها بيدنا ولو في فرغات انحاول نمليها ونطغط بيدنا عليها لين انغطي الطاجين كله


وبعدين نحضر الطبقة تانية وهي ناخد علبة الكمبكت ونخلطه في خلاط بمية امتاعه



وبعدين انصبه في طنيجرة وانحطه علي نار لين يبدا في غلايان وبعدين طول انصب عليه بودرة كريم الكرامين وانحركه شوية وانطفي عليه


وبعدين نبدا اوزع الطبقه التانية علي الكيكة لين نسقيها كلها






واخيرا انوزع الكريم ونزينها علي حسب رغبتك وونغطيها واندخلها في تلاجة وبعدين صحيحتين علي قلوبكم









وان شاء الله تعجبكم واتجربوها واي سوا لانا حاضره
وردودكم اتشجعني

[فضااوي]

رووووووووووووعه

ماشاء الله تبارك الرحمن
تسلم الايادي يالغلا

[نسمه ليبيه]

ماشاء الله لاقوة الابالله

بس انا مافهمتش خطوة لما نحول الجزء المحمر من الكيه هو اللى نرجع نرصه تانى؟

[أمـ ساره]

ماشاء الله شكلها تهببببببل

سلم ايدياتك وخيتي ويبارك فيك

ان شاء الله نجربها

[سحابه صيف]

رووووووووووووعه

ماشاء الله تبارك الرحمن
تسلم الايادي يالغلا

الله ايبارك فيك اسعدني مرورك

[سحابه صيف]

ماشاء الله لاقوة الابالله

بس انا مافهمتش خطوة لما نحول الجزء المحمر من الكيه هو اللى نرجع نرصه تانى؟

الله ايبارك فيك يا رب

بعد ما تحولي الجزء المحمر خودي الكيكة طبعا بتكون بيضاء لانك بتكوني امحولة المحمر كلها من جمي الجهات
ورصيها يا ام في نفس الطاجين او في طاجين تاني اسدها ولو انقسمت منك لما انت تنقلي فيها عادي لصقي جنبها قطيها تانية المهم متخليش فرغات ولو الكيكة جاتك مرتفعه اقسمهب بين اتنية وبعدين رصي كل جزء بروحه انش اء الله انكون شرحي كويس وقدرتي تفهميني
ولو مفهمتشي ولا ايهمك قوليلي ونزيد نشرحلك قداش عندنا نسوما حنا

[سحابه صيف]

ماشاء الله شكلها تهببببببل

سلم ايدياتك وخيتي ويبارك فيك

ان شاء الله نجربها

الله ايسلمك يا رب
جربيها صدقيني مش حتندمي

[زينب محمد]

ماشاء الله لا قوة الا بالله

كيكة تسهف

تستاهل 5 نجوم

الله يسلم ايديك و يعطيك الصحة و العافية حبوبة

صحتين و هناء على قلوبكم

ننتظر منك مزيدا من المشاركات و الموضوعات و التطبيقات

دمت في حفظ الرحمن

[ابريكه]

سلمها وسلم كيكتها
اني ندير فيها بالكستارد او بالمهلبية ونزين فيها بالمكسرات
فكرتك حلوة وشهية

[سحابه صيف]

سلمها وسلم كيكتها
اني ندير فيها بالكستارد او بالمهلبية ونزين فيها بالمكسرات
فكرتك حلوة وشهية

الله ايسلمك يا رب وحنجرب طريقتك