مواطن ليبي بسيط : انا مش اسلامي ومش ليربالي انا ليبي عادي وعايش علي قد حالي .. انا ليبي ياكل في مكرونة مبكبكة .. انا ليبي يوقف في طابور الكوشـة علي خبر الخبزة .. انا ليبي كان يجري من جمعية الي جمعية حتي يحصل صندوق طماطم .. انا ليبي متبهدل من افيكو الي افـيكو .. انا ليبي نفكر نتزوج بس شقة مش مـحصل .. انا ليبي عاشت 42 سنة من ذل تحت نظام القـدافي ..
انا ليبي طلعت يوم 17 فبراير حتي نعبر علي راي .. است...شهد بوي .. وشوفت دم خوي .. وفراقت صغار شارعي .. انا ليبي حاربت بصدري العريان ضد رصاص الخرق الحرق .. انا ليبي مايهمني معمر وكلابه للي هم مصنوعين من نحاس .. فرحت بيوم الحرية لكن نفكر في للي يجري فيا ..!!!

نبي نعيش زي الناس نبي نعيش مرتاح .. مش همني من يحكم البلاد بس لازم نغيرو من تفكير شباب .. لازم نصنعوا ونبوا البلاد .. للي علي خاطرها مات شباب


انا ليبي يـخاف علي ليبيا زي مايخاف علي شرف اخواته ..

اعتذار لو كان في اخطاء املائية او نحوية يا مدرسين الفيسبوكية ( بس معمر من صغاري خلني عايش لاني اهالي من للي متشردين البرة بسبب معمر ) .. لكن زي ماقتلكم انا ليبي عايش حياته لغيره مش لنفسه ..

بقلم: الاخ ارم ، مجنون بيك يا بنت بلاديمشاهدة المزيد