هذه سفيرة رمضانية , زى ما طلبوا العويلة , اليوم بعد مافطروا فى الصبح قالو : مانبوش غذى نبو نفطروا معاك (كنت صايمة ) طيبت مكرونة بالبصلة , وفاقون الشربة , وباكورة هندية , وسلاطة , وقلاية (شوية ).وسلامتكم
وبالنسبة للباكورة الهندية كليتها فى عزومة عند جارتى الاماراتية فى شهر رمضان , وطريقتها :
كوب دقيق , كوب طحين حمص , 2 بصل مقطع شرائح ومذبل شوية فى زبدة أو زيت , قرن فلفل حار مقطع شرائح , ربع كوب كزبرة مفرومة , ملعقة صغيرة بيكنج باودر , ملعقة صغيرة كركم , ربع ملعقة صغيرة كمون , شوية ملح , ثلث كوب ماء ,
تخلط كل المقادير وتجيك رطبة زى اللقيمات , تأخذى بالملعقة وتنزليها فى زيت سخون ,ولما تتحمر طلعيها , جربوها مش عادية , ملاحظة ( يفضل قليها فى وعاء عميق وليس فى الطاوة ) .وبالهنا والشفاء
المفضلات