(الفرن المحمول ) من مطبخ 79nana

**79nana** · 10-02-2011, 02:08 AM

اقتباسالمشاركة الأصلية كتبت بواسطة الساجدة للهتسلمي نانا على الموضوع المفيد وفعلا صدقتي مافيش حاجة مش مهمة ومافيش حاجة تقولي مانحتاجش ليها يعني مستحيل توفري لان على اول محل منزلية حتحطي اللي عندك وتطلعي مبتسمة هههههههههههههههه
اسكتي سااااكتة ياساجدة لله والله الواحد معاد عرف كيف بيقسم روحة وعاد اني ننسى في روحة مانقدرش نقاوم طنيجرة ولا صوينية حليوة حي ياحي تلقيني كنت ماشية علي لبس ولا مستلزم مهم اناجل هاديكا اللبسة المهمة ونخليها مش مهمة نقول عادي عادي مافيش حد يشوف فيا خخخخخخخخخخخخخخ ولما تجينمي المناسبة تلقيني نجري للمحل بش نشري قفيطين ونقعد نعد في الفلوس ونقول يارب يسدو ههههههههههههههههه وعاد كان طنجرة ولا مكنسة ولا موس تلقيني نقول ياسلام رخيصة هههههههههههههههههه

صحيتي علي مشاركتك معايا في حفظ الله

**79nana** · 10-02-2011, 02:12 AM

اقتباسالمشاركة الأصلية كتبت بواسطة بنية بوهارووعة توا نبدوا في الزنان دخلتيها في روسنا

اسكتي ساكتة علي الزنان هههههههههههه تعرفي شن اندير باش نشري الحاجة نقعد قبلها بشهر واني علي قولة اه يارجلي واه ياضهري واه يا يدي كان في هاديكا الحاجة راهو ماخدتش مني وقت وكان خديت هاديكا راهو ضهري ماوجعنيش وووووو وعاد كل شهرين تلاتة نخنسلي علي حويجة كانها رخيصة وكانها غالية عاااد نمدد في مدة النقان هههههههههههههههههههه

ريتي ريتي مايطلع مني ههههههههههههههههه والله حالة
لاكن تبي الحق مرات نسخف عليه ناخد فيهم من مصروفي ماهو عاد زعميتك ناخد في مصروف واهو نقعد زي العزوزة نصررر فيهم لين يدريولي تفتوفه ونجري علي السوق خخخخ

الواحد بيسار حاله امالا كيف بيدير

تحياتي ليك ولكل البنات الي شاركوني موضوعي

في حفظ الرحمن

**Om Saga** · 10-02-2011, 02:40 PM

أوووووووووو ماشاء الله
ياريت نحصل منه لكن إلا في الحلم غالي هلبه
بالك وين يرخصو ناخدو منه
مشكورة نانا على الأقل خدينا عليه فكرة

**79nana** · 10-06-2011, 02:13 AM

اقتباسالمشاركة الأصلية كتبت بواسطة Om Sagaأوووووووووو ماشاء الله
ياريت نحصل منه لكن إلا في الحلم غالي هلبه
بالك وين يرخصو ناخدو منه
مشكورة نانا على الأقل خدينا عليه فكرة

مرحبا بيك ام سجا والله هو عندك الحق غالية ولاكن والله كللللللللل شي غالي غير الميزة هني يددلعو في زباينهم يعني تقدري تشري بالتقصيط مش زينا كل شي وريني فلوسك الاول ولاكن الواحد يعد ياراااقب فيها لاين تنزل سوقها ماهو هني عاد بالموضة المرة هادي تشوفي هادي المرة الجاية تلقي شي تاني وانت اقعدي الهدي في جرتهم ههههههههههههههههههه ان شاء الله يارب يرزقني ويرزقك ونقدرو نشرو كللللللللللل شي يارب

تحياتي ليك

الموضوع: (الفرن المحمول ) من مطبخ 79nana

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة