[ الملفوف] من مطبخ أم يمنى

[أم يمنى]

هذه صورة للملفوف , وقد نزعت قلبه نزعا وبحذر لئلا تتمزق أوراقه ,

سامحينى زوبة , معرفتش ننزل الموضوع فى صفحة وحدة , خلينى ننزله هكى , لانى من بكرى نجرب

ماظبط معاى , قلت خلى ننزله ونطمع فى كرمها تنشر موضوعى للفائدة .







ضعى الملفوف ع النار فى طنجرة حتى تغلى الماء ح تلاحظى أن كل ورقة انفصلت بروحها ع الثانية


, أرفعي كل ورقة تنفصل بملعقة لوح وحطيها فى الصفاى , حتى تنهى كل الاوراق , حطىها تحت ماء بارد وخليها تتصفى







فى هذه الاثناء جهزى مقادير الحشوة :

4ربطات بقدونس
3ربطات كسبرة
ربطة بصل أخضر
نص ربطة نعناع أخضر ( اختيارى )
3 ملاعق طماطم معجون
2ملاعق نعناع جاف
2ملاعق حبق جاف
نصف كوب زيت
ملعقة ملح
ملعقة فلفل أحمر
ملعقة فلفل أسود
شوية قرفة
ربع ملعقة كركم
ربع كيلو لحم مفروم
كرب أرز مصرى
الطريقة :

اخلطى كل المقادير مع بعض جيدا , ثم خوذى كل ورقة قصيها ع اثنين وضعى الحشوة


ولفى عادى ,مع استبعاد الجزء الغليظ من الورقة , ورتبى فى الكسكاس , وضعيه ع النار مدة ساعة , وبالهنا والشفاء

[لولو]

تسلمى أم يمنى

[أم يمنى]

هذه الصونية الاخيرة بعتثها لجارتى , أدعولها بالشفاء مريضة , ربى يشفيها ويعافيها يارب ويشفى جميع مرضانا وجرحانا , ويرحم شهدائنا يارب ويسكنهم فسيح جناته يارب ,
هيا عاد نبى تشجيع قوى ومش عاااادى , للى عجبها موضوعى .وسلامتكم

[أمـ ساره]

ماشاء الله لاقوة الا بالله

سلم ايداتك حبوبة على الملفوف الي ياخذ العقل

حتى وخيتك حامل وجي في خاطرها ابعثيلها شوي

وربي يشفي جارتك يارب وجميع مرضى المسلمين

[أم يمنى]

تسلمى أم لولو , وأم سارة دسيت صونية ليك , تعالى خوذيها ولا كيف نوصل فيك نرفعهالك , وان شاء الله تنوضى بالسلامة .
معقولة من امبارح منزلة موضوعى واثنين بس اللى عجبهم ملفوفى , شكلى معادش بنطيبه , مع انى عارفة ان الكل يحبه , سلامتكم .

[ام بيلسان]

والله عندك حق انا احدي مغرومات الملفوف وملفوك شكلا مش اعادي وطريقة هذي مايكونش فيها خسائر في ورق الملفوف وتنفع بينا احنا المتغربات لان ملفوف اصغير بس في بلدنا الحبيبة ليبيا الملفوف كبيير يعني الوحد بيطر ايقصها بين اثنين عشان ايدرا بطريقة هذي
ويسلمو ايداتك علي الوجبة الحلوة جت في خاطري تو ابنديرا
وربي ايشفيلك جارتك

[أم إيناس3]

يسلمو الايادى

[سحابه صيف]

مشاء الله يسلم ايدياتك منظرها اتهبل ويسفه وحسك جوعتيني مش بعيد بنوض انقرمشه هكي وخلاص هههههه

[Moony heart]

يا وايلي ايهبل مشاء الله سلم ايديك يارب ليا هلبا عليه شدتها براك او كوسة بس

[ام عبدالمعز]

يسلمو ايديك ام يمني

ملفوف ايجي في الخاطر

وربي يشفي جارتك ويعافيها

صحتين وعافية يارب