السلام عليكم ورحمة الله وربركاته
اخواتي اليوم عندي ليكم طريقة خبزة مش عادية طعمتها روعة وطريقتها ساهلة ومش مكلفة وكل بيت موجود فيه المقادير
انا شخصيا انفضلها عن خبزة السوق ومحسناتها والي امشجعني عليها انها نقدر نستخدمها سندويشات مع الشوربات وع الطواجين يعني مع كل شي وسهولة تحضيرها
المهم منكترش الدوة ونقوللكم علي المقادير والطريقة
المقادير :
دقيق+ملح +ماء فقط وطبعا انا منحطش بمقدار يعني عيني ميزاني وهي نفس خوات الفطيرة اليبية يعني كانك بديري فطيرة
نخلط الماء وملح مع بعض
وانسكب عليه الدقيق
لين نتحصل علي عجينة متماسكة متلصقش لا في اليد ولا في الصونية
وبعدين انكورها كويرات مش كبيرة ومش صغيرة
وبعدين انرش الرخامه بشوية ودقيق ونفرد عليها احد الكور العجين بعد منخليها ترتاح شوية وتكون مش غليطة هلة ومش رقيقة هلبة لان لو غليطة مطيبش زين ولو رقيقة حتتكسر منك وتيبس
وبعدين انكون امسخنين الطاوة علي النار وانحط العجين عليها لين تتحمر متكونش النار عالية هلبة حتي متنحرقش ومطيبش زين
وبعدين نقلبها علي جهه التانية
شوفوها كيف تتنفج امممممممممممم روعه
وهدا المقدار كله بعدما طابت واصبحت جاهزة
زووووووووووووووووم
وهدا صورة عشانا انا شنبيري ربي يحفط هولي خبيزاتي وفاصوليا ومسيرة وجز المخلل وزيتون وسلاطه خضرة وامبطن
وان شاء الله يعجبكم موضوعي وخبيزاتي وانكون فدتكم بيها وتجربوها
في امن الله
المفضلات