[كوكتيل عصير الفواكه] من مطبخ بنية بوها

[بنية بوها]

السلام عليكم


طريقتي في العصير المشكل من الفواكه


المقادير:

حبةمانجا
حبتان من الكيوي
حبتان عوينة
حبتان من الخوخ
مكعبات ثلج
نص كوب سكر وهو طبعا حسب الرغبة
الطريقة نغسل الفاكهة ونقشرها ونجهز الثلج وتكوني مقطعة الفاكهة وتحطي كل نوع من الفاكهة في الخلاط
متلا الكيوي تخلطيه بروحه وتضيفيلا ملعقة سكر وكعبتين تلج وتصبيها في الطاسة وتبدي في النوع التاني
والنتيجة تغمضي عيونك ويطلعلك عصير فررررررررررررريش ولا احلا كخخخخخخخخخ





كل وحدة تخش تشرب وتخلي اللي بعدها ماتشربوش واجد :d بيش يسد

[ليبية]

الله يسلم ايديك جي في وقته مممممممممممممم طعمه اكيد لذيذ يعطيك الصحة

[ام صهيب]

ماشاء الله شكله ايهبل

سلم ايدياتك

[لولو]

تسلم ايديك بنت بوها
وطول عمر بوها اللى جايب ها البنية الفالحة

[بنية بوها]

ليبية
ام صهيب
لولو شكرا ياخواتي علي مروكن الدي اسعدني

[أم إيناس3]

بارك الله فيك بنية بوها يسلمو الايادى

[سحابه صيف]

مشاء الله يسلم ايدياتك

سامحيني امشت الطويسة كلها ام ايناس مهناك مخلتلي هههههههههههههههه

[بنت طبرق]

روعة انا من عشاق العصير الطبيعي
ولكن انفضله بدون سكر
صحتين البنات ماخلو لي شي

[بنية بوها]

اني شن قلت توا مش قلت كل وحدة تشرب شوية وتخلي لاختها باهي ياام ايناس معاش في خلاص
هههه تسلموا ياخةاتي علي مروركم الرائع

[أمـ ساره]

ماشاء الله شكله روووووووعه

وبصراحة انحب العصائر الطبيعية هلبة

ان شاء الله أول ما نحصل فاكهة انطبق

مشكورة وبارك الله فيك