[تمت الاجابه] عن دقيق الأرز

[أمـ ساره]

السلام عليكم ورحمة الله وبركاته


حبوبات حبيت نسأل عن دقيق الأرز من وين نلقاه أو

لو تعرفوا طريقة كيف انديره في الحوش

لأني بصراحة نحب المحلبية بالأرز مش عادية وعندي

أحلى من محلبية النشا الخالص


فياريت الي تعرف وين نلقاه أو الأفضل اني انديره في الحوش بروحي أضمن


وربي يبارك فيكم يارب

[بنت طبرق]

عزيزتي بالنسبة لنا هنا في طبرق يبيعوا فيه مكيس في اكياس بحجم الكيلو والنص كيلو
وصدقيني ساهل جدا انك تطحني الرز بالمطحنة لو كنت في اي مدينة ليبية نقي الرز في الحوش وابعثيه للمطحنة اللي يطحنوا فيها في الزميتة والروينة والدقيق هذا ماكنا انديروا نحنا قبل مانشروا مطحنة كبيرة للحوش اللي يقولوا لها (بابور)
ان شاء الله استفدتي من تعليقي

[أمـ ساره]

بارك الله فيك بنت طبرق

بصراحة ما عندي ثقة في الحاجات الجاهزة المكيسة الا لو كانت من مكان معروف


وبالنسبة للمطحنة يعني نبعثه نظيف فقط مش لازم نحمسه أو انطيبه

لأني مرة قريت طريقة اني نبوخع ويعدين انجففه في الشمس وبعدين نطحنه حسب ما نذكر


ومشكورة حبوبة على ردك السريع

[ام صهيب]

شوفى اندير فيه بزوز بالنشا والرز المرحى

ساهل خودى الرز المكركب العادى امتاع الرزالمسقى وارحيه كان عندك حتى رحايه السكر العاديه اللى اتجى مع الخلاط

تعرفى خطرتيه عليا شكلى بنوض نرحى واندير محلبيه بيه

[أم يمنى]

ضحكتينى يا أم صهيب , تخيلتك توا خشيتى ورحيتيه , وطيبتى المحلبية وبعد شوية نشوفو صورها , ربى يعطيك الصحة والهنى ,
ياأم سارة , نتذكر مرة أنا وخالتى رحيناه فى متع المولينكس الرحاية الصغيرة , ولا بوخناه ولا جففناه , طول من الكيس يتنقى وينغسل , يجف من المية أرحيه وطيبى محلبيتك بالهناوالشفاء.

[ام صهيب]

اقتباسالمشاركة الأصلية كتبت بواسطة أم يمنىضحكتينى يا أم صهيب , تخيلتك توا خشيتى ورحيتيه , وطيبتى المحلبية وبعد شوية نشوفو صورها , ربى يعطيك الصحة والهنى ,
ياأم سارة , نتذكر مرة أنا وخالتى رحيناه فى متع المولينكس الرحاية الصغيرة , ولا بوخناه ولا جففناه , طول من الكيس يتنقى وينغسل , يجف من المية أرحيه وطيبى محلبيتك بالهناوالشفاء.
وانت قلتيها والله رحيت وطيبت وتوا فى الثلاجة لكن والله ماصورت ماعندى نيه

ويعطيك اصحيحتك وربى يهنيك

[بنت طبرق]

لالا ياعزيزتي أمـ سارة تطحنيه ني من غير لاتبويخ ولاطبخ
وبصراحة نحنا ننقوا فيه بس غسل لا ولو بتغسليه تاكدي انه جف كويس لانه مستحيل ينطحن وهوا مندي
مشكورة عزيزتي ولو نحن بالخدمة

[أمـ ساره]

الله يبارك فيكن وخياتي على ردودكن السريعه

وان شاء الله نجربها اول ما نصح

ربي يسلمكن ويحفظكن لي يارب