صفحة 1 من 3 123 الأخيرةالأخيرة
النتائج 1 إلى 10 من 25

الموضوع: [كسكسى بالبصلة]من مطبخ أم يمنى

  1. #1
    الصورة الرمزية أم يمنى
    عضوة مبتدئة

    الحالة
    غير متصل
    تاريخ التسجيل
    Aug 2011
    الدولة
    ابوظبى حاليا
    المشاركات
    240
    معدل تقييم المستوى
    13

    افتراضي [كسكسى بالبصلة]من مطبخ أم يمنى

    يابنات بنقوللكم اليوم سر خطير وح تشكرونى عليه طول عمركم ::

    اليوم الصبح صممت ندير كسكسى البصلة متع الاعراس , خشيت الكوجينة وأول شئ خذيت

    المقادير ::

    6 بصلات قصيتهم شرائح رقيقة
    كوبين حمص
    حطيت فى طنجرة شوية زيت , وطرحت الحمص وفوقه البصل
    وحطيت الطنجرة ع نار هاااادية.







    جيت للكسكاس حطيت 3 أكواب كسكسي وشوية مية فركته بيها , وخليته لانى بنجيه ثانى .
    خذيت الطنجرة حطيت فيها لتر ماء وخليتها ع النار حتى تغلى .





    فى هذه الاثناء خذيت صينية وفيها ::
    3 ملاعق طماطم معجون
    ملعقة كبيرة (كركم +كروية + كسبر )
    ملعقة كبيرة ملح
    8 قطع لحم ( قلتلكم عايشة الدور ومدايرة جو عرس )
    كوب زيت أو أكثر ( عينى ميزانى )
    خلطى كل المقادير مع بعض , وبعد أن تغلى المية ع النار حطيهم فيها وخليهم ع نار متوسطة.
    نرجع للكسكسى نخلطه ثانى بشوية مية ( متكتريش ياذوب تبخبيخ, حلوة تبخبيخ ) بخ , ونحطه ع الطنجرة اللى ع النار ونغطيه ونخليهم .


    بعد حوالى ربع ساعة نشوف البصلة ونضيفلها شوية مية ممكن ربع كوب وماتحركيهاش لان الحمص نبيه يقعد تحت .
    نجى للكسكاس نلقاه يبوخ ننزله
    وهنايا السر

    نأخذ نصف ملعقة سمن وربع ملعقة قرفة وربع ملعقة قرنفل مطوحنين وشوية
    من مرقة اللحم ونخلط الكسكسى كويس ويأخذ كله لون واحد ونرده ع النار .


    ونجى للبصلة نلقاها ذبلت شوية نأخذ تقريبا كوب من مرقة اللحم ونضيفها للبصلة مع شوية طماطم معجون
    ممكن نصف ملعقة وملح وكركم ونحركها ونخليها ع النار حتى تجف المية ونشوف الزيت بس .







    الوقت اللى يأخذه هذا كله ساعة ونصف بالضبط .
    نأخذ صينية ونحط فيها الكسكسى ونحببه بشوية من المرق ونرتب فوقه اللحم وبعدين البصلة ,
    والله العظيم بعد ماتأكليه وتغسلى ايديك والصوانى الا تشمى ريحة كسكسى العرس , وأدعيلى , فيه صينية صغيرة بعتثها لجارتى






    عاد أكيد فيه هلبة منكم يعرفوا الموضوع وفيه منكم أول مرة , وهذه طريقتى بالتفصيل الممل ,
    غدوة جمعة فرحوا العويلة وقولولهم اليوم بتأكلوا كسكسي عرس . وديروه , راهو مايأخذش وقت والنتيجة ح تكون مرضية وأكثر .وسلامتكم












    التعديل الأخير تم بواسطة luba ; 05-06-2013 الساعة 10:28 PM

  2. #2
    الصورة الرمزية ام بيلسان
    عضوة مبتدئة

    الحالة
    غير متصل
    تاريخ التسجيل
    Sep 2011
    الدولة
    مغتربه
    المشاركات
    238
    معدل تقييم المستوى
    13

    افتراضي

    مشاء الله تبارك الرحمن علي ايدياتك
    وين المشروب و المسير والزيتون
    هههههههه وزمزمات
    افتحي الباب بنتغدي معاك

    كن كما تكن ولاتكن كانك لم تكن

  3. #3
    الصورة الرمزية Om Saga
    عضوة نشيطة

    الحالة
    غير متصل
    تاريخ التسجيل
    Dec 2010
    الدولة
    في الجبااااااااااال
    المشاركات
    1,902
    معدل تقييم المستوى
    15

    افتراضي

    ماشاء الله إشتحشت كسكسي العراس
    وماشاء الله عليك إستمتعت بسردك للموضوع
    موضوعك حلو والكسكسي يبان رووووووووووووعة ويهبل
    بس زي ماقالتكلك بيلسان وين المسير والمشروب
    هههههههههههههههههه
    هدا ضروري في العراس
    وأحلى تقييم لعيون أم يمنى الرائعة


  4. #4
    الصورة الرمزية أم إيناس3
    عضوة نشيطة

    الحالة
    غير متصل
    تاريخ التسجيل
    Dec 2010
    الدولة
    المغرب الرباط حاليا طرابلس سوق الجمعة
    المشاركات
    951
    معدل تقييم المستوى
    14

    افتراضي

    يسلمو الايادى جبتيه فى خاطرى غدوة جمعة انشاالله عداى وانى خديت القعد وهربت


  5. #5
    الصورة الرمزية أمـ ساره
    مراقبة عامة سابقة

    الحالة
    غير متصل
    تاريخ التسجيل
    Nov 2010
    الدولة
    لــيـــ $ ــبــ $ ـــيــا
    المشاركات
    5,847
    معدل تقييم المستوى
    34

    افتراضي

    ماشاء الله لاقوة الا بالله

    كسكسي ايجي في الخاطر والله

    ربي يسلم ايدياتك الحلوة

    على الموضوع وعلى الشرح الواضح

    بالهني والعافية على قلوبكم يارب

    اللهم فرج على ليبيا واحقن دماء ابنائها
    وابعد عنهم وعنها الفتن ما ظهر منها وما بطن
    اللهم اهلك الظالمين بالظالمين وأخرجنا منهم سالمين





  6. #6
    الصورة الرمزية saliamr
    عضوة مبتدئة

    الحالة
    غير متصل
    تاريخ التسجيل
    Sep 2011
    الدولة
    طبرق
    المشاركات
    152
    معدل تقييم المستوى
    13

    افتراضي

    ماشاء الله، تسلم ايديك..

    اللهم لك الحمد حتى ترضى

    الله اكبر.. ليبيا حرة

    يارب احفظ بلادنا واجمعنا على قلب واحد

  7. #7
    الصورة الرمزية 79nana
    منتسبة جديدة

    الحالة
    غير متصل
    تاريخ التسجيل
    Nov 2010
    الدولة
    في واشنطن
    المشاركات
    78
    معدل تقييم المستوى
    14

    افتراضي

    ياحسسسسسسسرة علي الاعراس والله استاحشت هاديكا الايمامات الزمزامات يخبطو والوشيقة والصدرة اااااااااااااه ان شاء الله ربي يعطينيا ايامات حلوة زي زمان ياربي

    تسلم ايدياتك علي هالكسيكسو المققوم والله هاداكا الزمني تسلم ايدياااااااااااااااتك


  8. #8
    الصورة الرمزية أم يمنى
    عضوة مبتدئة

    الحالة
    غير متصل
    تاريخ التسجيل
    Aug 2011
    الدولة
    ابوظبى حاليا
    المشاركات
    240
    معدل تقييم المستوى
    13

    افتراضي

    أم بيلسان : ضحكتينى , يعطيك السلامة , وتعالى تفضلى , أهلا وسهلا بيك , تنورى وتآنسى .
    أم سجى : مشكورة ع الرد وأحلى تحية ليك ع تقييمك , وتفضلى معزومة انتى وأم بيلسان , ولكن حشمتى جيت فى المسير والزيتون والمشروب , جيبوه معاكم ( معازيم وجايبين هدية شن فيها )
    أ م ايناس : غير استنى وين هاربة بالقعد مازال مادرتلاش القرفة فوقه ’ بالهنى ياحنة .
    أم سارة : مشكورة ع الرد , وما يقعد شئ فى خاطرك , انتى تؤمرى واحنى حاضرين للطيبين .
    سوسو: الله يسلمك , ومشكورة ع الرد .
    نانا : ان شاء الله تعود أيام الاعراس والزمزامات وان شاء الله نشوفو أيام أحلى وربى يحفظ أهلنا وبلادنا يارب .
    والله فرحتونى فى ها الجمعة المباركة , ربى ان شاء الله يفرحكم .


  9. #9
    الصورة الرمزية سحابه صيف
    مراقبة سابقة

    الحالة
    غير متصل
    تاريخ التسجيل
    Nov 2010
    الدولة
    في قلب الغالية امي
    المشاركات
    1,948
    معدل تقييم المستوى
    16

    افتراضي

    ييييييييييييي ياام يمني والله حسك جوعتنيني تعرفي

    مشاء الله تبارك الرحمن والله الا انت الي تبي تبخيبخ علي قولتك بمية القران

    ربي يحفضك حبوبة

    وبنته حسيتها في ريقي

    مسابقة ركن المكتبة المطبخية قريـــــــــــــــــــــــــــــــــبا
    استعدي بتصوير كتابك المفضل

  10. #10
    الصورة الرمزية بنية بوها
    عضوة نشيطة

    الحالة
    غير متصل
    تاريخ التسجيل
    Nov 2010
    الدولة
    امريكا
    المشاركات
    2,048
    معدل تقييم المستوى
    16

    افتراضي

    اممممممممم عالصنة الفايحة والله خطرتي علينا جو الاعراس حق
    يسلموا ايدياتك وتوا انديرها طريقتك وتستاهلي احلى تقييم

    ليبيا حرة



    كل عام وانتم بخير
    ياربي فرج علي بلادنا

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك