[ عاشوراء ] من مطبخ أم يمنى

[أم أيوب]

يسلمو ايديك أم يمنى

عاشوراء اللي فتحت عيوني عليها حمص وفول ومكسرات

كنا نشدوا صونية الفول والحمص وخود اي لف عالجيران ونغنوا

اللي ما تاخدش الفول يصبح راجلها مهبول

اللي ماتاخدش الحمص يصبح راجلها يتلمس

ههههههههههههه الله عليكم ايامات زمان

[أم يمنى]

يابنات هذه العاشوراء تندار فى أيام الصيفية , بعد ماتكمل المدرسة , وما قلت ولا أشرت انه تندار فى العاشوراء ,
ومش انى اللى سميتها عاشوراء , من يوم عرفتها لقيت اسمها عاشوراء , شورة اللى اخترعتها اسمها خلتى عاشوراء .

[للاهم]

الله يا ام يمنى انا نموت في المواضيع حول الاكلات التراثية التي ان لم تنقرض تكاد تنقرض
اول مرة نسمع بيها
بسيطة وسكرية وتفرح الاطفال
زيدي تذكريلنا حاجات اخرى
انا خاطري في حلوت البامبلينا الحمرا اللي كانوا يبيعوا فيها ملفوفة في سلوفانة!!
سردك مرح ومشوق

[أم يمنى]

ياوخيتى ياللاهم حلوتك أول مرة نسمع بيها . ولكن نبى طريقة حلوى الشاكال كان حد يتذكر فيها .

[بنت الاشراف]

ماشاء الله عاشورة قنينة تسلم الايادى

[نجوته]

هههههههههههههههههههه

هههههههههههههههههههههههه

ايه عاشورة والطويسات امتعها في محبس اليموني ويتشكشكو

ههههههههههههههه

اي والله

تعرفي والله مولا بيتي قاعد يطلب فيها

ويخي يرفع فيها لي الجامع وياكل فيها مع اصحابه
\
يسلمو ايدياتك

[ام زكريا]

السلام عليكم
مساء الخير ،
الله الله يا أختي رجعتيني 50 سنة فاتوا ، و ذكرتيني بطفولتي في المدينة القديمة قوس المفتي ، كنا صغار في ايام الصيف بعد ما تكمل الدراسة نديروا في العاشوراء ، حتى دموعي نزلت و تفكرت الايام الحلوة التى عشنها بكل براءة و حب و ود لبعض ،

و كانت فيه حلوى اخرى حلوة التفاح ملبسة بحلوة الكراميل ملونة و فيها طرف لوحة و تلحسها لين تجيك التفاحة ، و طروني كان يلود به رجل اسمر في ازقة المدينة القديمة ، ايام لا تنسى حتى بمررو السنوات بحلوها و مرها و لكن الشئ الجميل ان ذكريات زمان لا يمكن ان تنسى طول العمر ، اشكرك على موضوعك القيم و بالفعل العاشوراء كانت تصنع في العطلة الصيفية و ليس متعلقة بيوم العاشوراء المتعارف عليها ، و هي تصنع في اي وقت ...


رحم الله والديك و والدي

[الصابرة]

[المصراتيه]

اول مره نسمع بيها
بارك الله فيك

[luba]

تسلم الايادي اول مرة نعرفها ونسمع بيها احني مانديروش فيها

لربي يعطيك الصحة جاري التقييم