[ المقلوبة الأردنية ] من مطبخ Om Saga

**Om Saga** · 10-10-2011, 04:11 AM

السلام عليكم ورحمة الله وبركااااااااااااااته

أخواتي أقول أول شئ في موضوعي
اللهم إنصر ثوارنا وحرر بلادنا يارب من بو شفشوفة المقمل دار
العار رزينا فيه يااااااااااااااااربي
لي مدة طويلة على تنزيل المواضيع من قبل ثوارتنا المجيدة مانزلتش موضوع
وها أنا ههههههههه حلوة وها أنا عجبتني فلاقي مع لغة عربية
المهم اليوم حبيت أنزل موضوعي ويارب ينال إعجابكم يارب
بسم الله
المقادير
دجاج إلي يساعدك مش إدجردية من اللحم وتحطي العظام ههههه حطي لحمات باهيات
توه يبانو عليكم في الصور
رز وكان تبي تخلطيه بالشعيرية باهي وإذا حابيتيه بروحه
هذا يرجعلك حبيبة
بطاطة حتى 3 بطاطات
باذنجان 3
زهرة ( القرنبيط) هذه مهمة في المقلوبة الأردنية قالولي يعني هي أساس الطبخة
طبعا أني ماعنديش وجت نيتي بأني نديرالمقلوبة صكرت راصي ودرتها ههههههههه
بلا زهرة
وبهارات إلي عندك حطية ماتخلي شئ
وفي الأردن عندهم بهارات خاصة لكل شئ للمقلوبة – الكبسة – البرياني
بس إنتو في المقلوبة حطو إلي عندكم باهي ؟
نجو للطريقة
ملاحظة : أول شئ خودي الرز قبل كل شئ ونقعية في إمية لن تكملي شغلك
يبي نصف ساعة وبعدها صفيه وتوه نجيك بالدوة شن إديريله

نعمل االبطاطة دوائر والباذنجان دوائر والزهرة كل زهرة بروحها
وإقلي البطاطة بروحها الباذنجان بروحه الزهرة بروحها
ولحم الدجاج إقليه بروحه

مثلا

ناخدو الطنجرة قبل كل شئ نرش شوية رز باش ماتلصقش المقلوبة
ونستف البطاطة وبعدين الباذنجان والزهرة وبعدها الدجاج المقلي

فاهمين ياحلوين ؟؟؟؟؟؟؟؟؟؟؟ ولا نعاود
إلي مش فاهم يرفع إيده
لالا طلعتو كلكم فاهمات شطورات خمس درجات لكل عضوة هههههههه لأنكم شاطرين
نرجعو لموضوعنا
ناخدو المكرونة الشعيرية أو شربة الشعيرية ونقليها في زيت أو زبد إلي تفضلية
وبعد مايتم أخد اللون الذهبى أني قريب حرقتا من فلاحتي

ناخدوها ونخلطوها مع الرز باهي ؟

بعد التخليط نحطها في الطنجرة كما هو موضح

ناخد صونية نصب فيها إمية ونحط الملح على ذوقكم ونحط البهارات إلي عندكم في المية هذه
مع التحريك الكويس لن يدوب الملح ونصبها في الطنجرة
أني عيني ميزاني المية كانت حوالي 15 سم على الرز

ردو بالكم إديرو في طنجرة ضيقة على شان الرز بينتفخ بيفلفل على قولت الأردنيين
نبهتكم أني ردوووووو بالكم لأنها صارتلي ههههههه
وخليها على نار هادية وبإذن الله راح تعجبكم
ونخليكم الشكل النهائي

الصورتين الأخيرات مش واضحات كله من البخار إلي طالع من المقلوبة
والعويلة مستعجلة شادتهم بالسيف هههههه

نستنا في ردودكم أخواتي
وبكل صراحة إلي ماتعجبهاش تقولي أوكي
وحدة تتكلم نقتلها ههههههه تعجبكم بالسيف باهي
وكان هذا عندي إرهابية في المنتدى ومسلحة ردو بالكم
يلا نستنا في ردودكم الحلواااااااااات

Om Saga

**ام بيلسان** · 10-10-2011, 04:17 AM

مشاء الله تبارك الرحمن علي ايدياتك
انا انحب المقلوبه بجميع انوعها ومن كل البلدان العربيه
ومقلوبتك شكلها مشهي
يمي يمي يمي يمي يمي يمي يمي يمي

**Om Saga** · 10-10-2011, 04:21 AM

اقتباس
المشاركة الأصلية كتبت بواسطة ام بيلسان

مشاء الله تبارك الرحمن علي ايدياتك
انا انحب المقلوبه بجميع انوعها ومن كل البلدان العربيه
ومقلوبتك شكلها مشهي
يمي يمي يمي يمي يمي يمي يمي يمي

سلمها ياربي سلمها
باهي تعالي تفضلي خودي منها هههههههههههههه
قتلنا المنتدى وإحني نتفرجو ومالحقين شئ هههههههههههههه
أني وين نتفرج نقعد غر نزمط هههههههه
سعدت جدا بردك على الموضوع
وشكرا على كلامك الحلوووووووووو
نورتي ياغالية كاعادتك

**loen** · 10-10-2011, 04:00 PM

يسلمو دياتك شكلها امممممم

**Om Saga** · 10-10-2011, 04:04 PM

اقتباس
المشاركة الأصلية كتبت بواسطة loen

يسلمو دياتك شكلها امممممم

سلمها ياربي مشكورة على المرور الحلو

**بنت طبرق** · 10-10-2011, 04:06 PM

ماشاء الله
تسلم ايدياتك

**Om Saga** · 10-10-2011, 04:11 PM

اقتباس
المشاركة الأصلية كتبت بواسطة بنت طبرق

ماشاء الله
تسلم ايدياتك

سلم ياحبوبة
نورتي الموضوع

**ام صهيب** · 10-10-2011, 08:25 PM

ماشاء الله شكلها ايهبل

اتجى فى الخاطر وانا ماعندى روح معاها

ان شاء الله الايامات الجاية انجربها

سلم ايدياتك

**سحابه صيف** · 10-10-2011, 08:51 PM

مشاء الله تبارك الرحمن يسالم ايدياتك هدا منظره هكي مانا الطعم كيف

وها انا ههههههههه بناخد الصونية هدي ههههههههههههههه شني رايك في اللغة العربية بالله *_*