[تمت الاجابة] افضل انواع الكاميرات

[خدوج]

ان شاء الله تلقي طلبك انا عندى كميرا كوداك وجايتني هديه من خوي من امريكا غير ان استخدامى ليها بسيط لاني مش فاهمتها هلبه لكن يشكرو فيها هلبه هذه الماركه وان شاء الله نسال على سعرها بليبيا ونقولك

بارك الله فيك افدتنى

سعرها الكاميرا بين ال200 و ال 150 دينار
هذا طلبى
الله يجزاك خير
لاني وقت خديتها خديتها بي 375دينا من 7 سنوات تقريباً

فعلالا ماركة سوني ممتازه انا عندي وحده لهاا اكثر من 7 سنواات

استعمالهاا روووعه وواضحه

بس السعر ما نقدر انفيدكم لانهاا جايتني هديه

شكرا اخى فعلا هناك من نصجنى بها
جزاك الله خيرا

وعليكم السلام ورحمة الله وبركاته

اسعار الدجيتال متفاوته يعني انتي مقدرتك كم

يعني في من 120 وطالع

وانتي باي مدينه

حبيبتي والله ما نقدر نفيدك واجد

الكاميرا متاعي كانون وجتنا هدية

بس صور المنتدى نصور بالموبايل

أظني تلقيهم الكاميرات في محلات التلفزيونات

والفيديوهات والحاجت هذي

ربي يوفقك

زهورة بارك الله فيك

اهلا وسهلا بيك

بما انك ماعندكس كترة استعمالات
تقدرى تصورى من تقالك لو كان فيه كميرا
لانه الكميرات الديجيتال كل ماكنت غالية كانت دات جودة ممتازة
وانا خارج البلاد لو كنت نعرف كنت ساعدتك اكتر
تحيانى لك

ماشاء الله ياحرةيسلمك
انى نصور من النقال وخديته زعما ماركة ب350 بس الصور مشوشه
بارك الله فيك

ماشاء الله البنات ماقصرو
بارك الله فيهم
فعلا البنات الله يجازيهم خير
وانتظري باقي الاخوات ان شاء الله يفيدوك ايضاً

السلام عليكم

اختي انصحك بكاميرا سوني sony dsc-w50



لاني مجربها شخصيا
او انك تاخدي الاصدارات الي بعدها

[quote=التا ئبه لله;5360]السلام عليكم

مشكور خوى ممكن نعرف سعرها[/quote
بارك الله فيك اخى
والله خجلتونى
بردودكم الحلوة

[السمحة]

انا عندى كاميرى سونى10.1ميقا بيكسل
جميلة جدا شريتها من سوق الثلاث سنة 2009 ب 375 دينار النوع

[السمحة]

وفى نوع رخيص مثل البينقو وهى جميلة جدا ايضا وكانت غندى وحدة بس انكسرت للاسف
سعرها 150

[سحابه صيف]

حتي انا عندي صوني اتهبل اتهبل

[الساجدة لله]

مانقدرش نساعدك لاني انا الاولة نبي ناخد كاميرا وان شاء الله نستفيد من موضوعك

[Om Saga]

بالنسبه للكاميرا هده غاليه شويه
في 300 وفي 200
أني ماعنديش وحده خاصه بس خوي جايبها من دبي
ولقاها هنيا زي ماقتلك وهي كاميرا Canon
روعه هده الكاميرا
ومثل ماقلولك الأخوات إذا حابه تصوري للمنتدى صوري بتلفونك

موفقه

[زينب محمد]

السلام عليكنّ و رحمة الله و بركاته

حبوبة انا منذ ثلاثة ايام اشتريت هذه الكاميرا

سعرها 290 دينار

عدستها 12.1 ميجا بيكسل

الكاميرا التي عدستها 10 ميجا بيكسل سعرها 125 دينار

[خدوج]

شكر خاص لكل من دخل موضوعى
ابله زينب مبروك الكاميرا شكلها مميزة
وعقبال عندنا يارب

[sema]

الموضوع في وقته هذا انا الايام هذي ناوية ناخد كاميراباش نصور الحاجات اللي ندير فيها ونحطهالكم في المنتدى

وعجبتني الكاميرا متع اوخيتنا زينب ان شاءلله حنشوفها

[نوارة ليبيا]

ماشاء الله البنات ماقصرووو

وانا عندي كاميرا كاسيو ب 200 دينار حلوة وماشاء الله
وعندي موبايلي سوني اريكسون سايبر شوت للتصوير صووره ماشاء الله الكل يسالني على تصويره

بالتوفيق يارب