الخدامات وارتفاع اسعارهن موضوع للنقاش

**نسمه ليبيه** · 12-07-2010, 01:09 AM

يابنات وسيدات

انا تعجبت ليش انتوا رافضين فكرة الخادمات

اولا اسعارهن يذبحن لانهن بصرلحه يتعبن وشغلتهن مش ساهله يكفى بس اهانتهن لكرامتهن

وبعدين انا مقتنعه بفكرة الخدامه 100 فى 100 بشرط انها للتنظيف والغسل فقط اما الطعام فطبعا لا

وانا حاليا نجيب فيها للضرورة لكن لما نبقى غنيه نبى نجيب وخده مستديمه(الحمد لله مانك غنيه)

ويسلموا فضاوى عالموضوع واحلى تقييم لعيونك

وماتنسوش انه حتى ايام الرسول كلن فى خدم ونحن كنا خساره فينا الراحه؟

**أم أيوب** · 12-08-2010, 01:15 AM

نسمة عندي تعقيب على كلامك بسيط جدا

هو ان اللي تجي تخدم شغلها شغل شريف ومافيهش اي اهانة لكرامتها

بالعكس نحترمهن لأن وحدات تانيات كان ممكن يمشن في طريق تانية

عشان يحصلن فلوس

بس هذين يتعبن ويشتغلن على حساب صحتهن

وتهيالي اللي يطلبوه يستاهلوه

**فضااوي** · 12-08-2010, 11:41 AM

ليبية

يالغاليه والله اللي هو الله نعرف وحداات اللي يجيبن فيهن بس عشان يقولن انهن عندهن خدامه
انا ماني معترضة على الخدامه بالعكس اللي عندهاا ضروره من تعب او مرض شفاكم الله مافيها شي
والاسعار شنو انقول على اللي يستغلوو في حاجة الناس

**فضااوي** · 12-08-2010, 11:43 AM

نسمة ليبيه

انا زي ما قلت مش معترضة على الخدامة انا معترضه على ارتفاع الاسعار ومعترضة على اللي ماعندها حاجة بالخدامة ليش اتجيبهاا

اللي تجيبهاا يوم في الاسبوع معقول لانه الحوش مش كل يوم تريدي تنكتيه من اوله لاخره

**فضااوي** · 12-08-2010, 11:44 AM

زهورة كلامك صح 100%

بس الاسعار مبالغ فيهم

تسلم يالغلا على المرور

**ليبية** · 12-09-2010, 09:54 PM

الله المستعان
تعرفوا اني في وحدة قالتلي المفروض احني الليبيات نقوفوا ايد وحدة ونرفضوا المبالغ الكبيرة( واللي تقدر تعيش بقلته تقدر تعيش بلاه)
يعني يا يوافقوا على المبلغ زي قبل 15 و 20 ولا نستغنوا على خدماتهم

شن رايكم في كلامها؟؟؟؟؟؟؟؟؟؟؟؟؟؟؟؟؟

**أم أيوب** · 12-09-2010, 10:51 PM

المشاركة الأصلية كتبت بواسطة ليبية

الله المستعان
تعرفوا اني في وحدة قالتلي المفروض احني الليبيات نقوفوا ايد وحدة ونرفضوا المبالغ الكبيرة( واللي تقدر تعيش بقلته تقدر تعيش بلاه)
يعني يا يوافقوا على المبلغ زي قبل 15 و 20 ولا نستغنوا على خدماتهم

شن رايكم في كلامها؟؟؟؟؟؟؟؟؟؟؟؟؟؟؟؟؟

حبيبة

لما تكلمي وحدة تنكت المطبخ فوقي تحتاني

وترفع تقيل وتحرك دولاب من مكان لمكان

وتركب عالسلم وتغسل السيراميكا من فووق لتحت

والله نقعد كليت حقها لو عطيتها 15 أو 20

أنا ديما نحط روحي مكان اللي جت وتعبت

هل نرضى ان مقابل تعبي وجهدي وصحتي ناخد هكي مبلغ

أنا نحب نقدر الفلوس على قصاد الشغل

والله اللي ياخدوه حلااااااال عليهم لأنهم يتعبوا بصراحة

والا تجيك وحدة في عزومة تقعد ثلاث أربع ساعات يديها في المية والصابون والكلوركس

تغسل المواعين وتجففهم وتجلى الغاز وتنظف الأرضية والله مش حق تعبها 15 أو 20

أنا معاك لو كان الشغل اللي اشتغلاته خفيف وما يستاهلش ممكن نعطيها المبلغ هذا

لكن لما تشتغل شغل واجد وواعر والله حرام عليا نعطيها أقل من تعبها

**ليبية** · 12-15-2010, 12:57 AM

والله ممكن معاك الحق يا زهورة
ولكن معاش عرفنا
يالله ربي يدوم علينا صحتنا ومانحتاجوا لحد الا ليه سبحانه وتعالى

**أمـ ساره** · 12-16-2010, 10:36 PM

اقتباس
المشاركة الأصلية كتبت بواسطة فضااوي

ام سارة

الف الف لاباس عليك

وفعلا الالام المفاصل والظهر صعبة

واذا انتي تعبانه لي هالدرجة جيبي وحده تساعدك

الله لايوريك باس وخيتي

ايه والله صعبة وخاصة مع وقفة المطبخ لكن الحمد لله على كل حال

وبالنسبة للشغالة لو نلقى اكيد نجيب وحدة على الاقل يوم بالاسبوع

لكن هني في مسرته مافيه بالله ربي يعاوني

والحمد لله زوجي مقدرني وما يتعب فيا هلبة

**أمـ ساره** · 12-16-2010, 10:37 PM

زهورة يا حلوة كلامك مزبوط لو كانت الشغالة مثل ما تقولي

وربي يكون في عون الجميع والله

الموضوع: الخدامات وارتفاع اسعارهن موضوع للنقاش

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة