[طلب] وجبات عشاء خفيفة

**guidona** · 10-29-2011, 02:05 PM

السلام عليكم يابنات
بالنسبه للعشي احير صح
بس فكرة ام شاره اندير فيها ساهله ومرات اديرلك حل
اندير في شاورما هلبه ومرات اندير في بيتزا
مراه عادي سندوتشات بطن او البيض
والتوست حتي هو انديره مسحه بالهريسهه وشرائح بيض مطبوخ وزيتون وطونه ونحط فوقهم جبنة شرائح
وفوقهم انصكرها بسريحة التوست ونحطهم في الكوشه حلو وخفيق سواء في الفطور والا العشي
وان شاء الله باقي البنات افودونا اعيينا هرمنا هرمنا هههههههههه

**خدوج** · 10-29-2011, 03:05 PM

اقتباسالمشاركة الأصلية كتبت بواسطة ام صهيبايه على العشاء وقصته

انا اندير مرات فى برودوا والا همبورجه والا بيتزا والا شاورما والا قلايا اى شى سريع

صحيتى ام صهيب حتى انى اندير اما البردو نادرا جدا (الصغار مايحبوش)
والليلة ان شاء الله عشاء همبورقا
شكرا لتفاعلك

**خدوج** · 10-29-2011, 03:11 PM

اقتباسالمشاركة الأصلية كتبت بواسطة ام صهيبايه على العشاء وقصته

انا اندير مرات فى برودوا والا همبورجه والا بيتزا والا شاورما والا قلايا اى شى سريع

اقتباسالمشاركة الأصلية كتبت بواسطة ام تغريدما تفكرونيش جي وقت العشى وقاعدة نفكر فيه..تعبنا من المطبخ ومايجي منه في النهار انوضو ناشطين وما يجي الليل خلاص يوم خفيف ويوم مبكبكة ومرات مكرونة صالصة بالدجاج ومرات بالتن ومرات بالمفروم ومرات شوربة عدس وفاكهة تمش الحال
ملل روتين كل يوم

روتين ممل
خاصة اللى يد وحدة
زى حالتى بنتى 8 سنين
شكرا ام تغريد لتفاعلك
اهو نستفيد من بعض

اقتباسالمشاركة الأصلية كتبت بواسطة أم طهمراحب حبوبات

أنا من عشاق حاجة القديد في العشاء فترة الشتاء

بس فترة الصيف نادر ما ندير عشاء لأنه ماهناكش نية للأكل

أغلب الوقت شرمولة مع دلاع وجبنة

أو كباية حليب وتمر

ام طه
نيالك انت راس ورويس
اما انى ماشاء عندى اربع صغار
وكل واحد يشرط من جهة
هذا مايبيش التونة وهذا مايحبش الدحى حالة
والتوام شن يديرو البنت كان تقول نبى دحى خوها يقول منبيش
وديما بالعكس حتى المدرسة مايطلعوا لين يشيبونى
ربى يحفظهم ويحفظلك ذريتك
غير قولى ربى يعاونى

**خدوج** · 10-29-2011, 03:13 PM

اقتباسالمشاركة الأصلية كتبت بواسطة guidonaالسلام عليكم يابنات
بالنسبه للعشي احير صح
بس فكرة ام شاره اندير فيها ساهله ومرات اديرلك حل
اندير في شاورما هلبه ومرات اندير في بيتزا
مراه عادي سندوتشات بطن او البيض
والتوست حتي هو انديره مسحه بالهريسهه وشرائح بيض مطبوخ وزيتون وطونه ونحط فوقهم جبنة شرائح
وفوقهم انصكرها بسريحة التوست ونحطهم في الكوشه حلو وخفيق سواء في الفطور والا العشي
وان شاء الله باقي البنات افودونا اعيينا هرمنا هرمنا هههههههههه
شكرا غيدونا
والله نفس الافكار
ومايحبوا الطبايخ فى الليل
والشاى حاجة رئيسية فى العشاء
وشكرا لتفاعلك