[طلب]عندى عزومة نبى تساعدونى

**أم أيوب** · 10-30-2011, 01:03 AM

خدوجة في الأول الف مبروك على بنت اختك ربي يهنيها

العقبة لعويلتك تفرحي بيهم

شوفي حبيبة لو كنتي ناوية تطيبي تطييب يعني سفرة والجو هذا

أنا ما نحبش نكثر ياما حاجات

ندير رز بالبصلة ولحم كبار معاهم شريبة عربية مقومة ومصارين شحم

وبطاطا مبطنة ولو تبي تزيدي بوريك يعني أكل تقليدي ودير ي ثلاثة أنواع سلاطة

بعد العشي فاكهة وشاهي معاه نوعين كعك أو مكسرات وفي الغالب المكسرات

ماحد ياكلهم بعد العشاء ....

لو تحبي عزومة عشية يعني موالح وحلويات أنا نحب المخطط التالي :

قدميلهم العصير ومعاه شكلاطة نوع حلو

القهوة أو النسكافيه أنا نفضل معاه قطعة تورتة في الحوش صنع ايديك

أفضل من الحلويات القطع وصدقيني يحبوها وياكلوها

صحن الموالح تقدري تقدمي فيه فلفل روسي ( كفتة دجاج في حلقات فلفل حلو تبطنيخا وتقليها )

ممكن بوريك سلق وجبنة ( نموت عليه وعمري ما رديته في عزومة )

ممكن تديري كفتة لحم في اسياخ الخشب وتزينيها بالخيار والطماطم والزيتون

بطاطا مبطنة ومعاها موساكا ( بطاطا مقلية مع بادنجان عليهم عصاج مفروم وبشاميل )

الموساكا تحطيها في قوالب القصدير المدورات الصغار ( بعض الناس في المناسبات يحطو فيهم المسير )

بيتسا تكون مميزة ومليانة وممكن تقدمي معاهم سندويشات شاورما

الموالح مع مشروب غازي والشاهي معاه نوعين كعك ومكسرات

والفاكهة نحبها فروت سالات أفضل منها صحاح ديريها باللوز والعسل

الهدية نحن من عادتنا العروس تردي معاها ذهب بس توة الذهب غالي نار

لو تبي تاخديلها خاتم كويس سعره فوق 500 دينار (( زوجي تاجر ذهب وعارفة الوضع ههههه ))

ممكن تاخديلهم اي تحفة حلوة ومميزة تكون كريستال فخم

أو عطر يكون مميز وراقي لو تبي نعطيك اسم

أو ممكن تاخديلهم سفرة فضة نوعية اصلية حلوة

او تعطيهم فلوس وهم يختاروا على دوقهم

يارب نكون ما قصرت معاك خدوجة واي استفسار جاهزين

**ام انس** · 10-30-2011, 01:08 AM

السلام عليكم اختي خدوج انا دايما في العزايم خصوصا العرايس نفضل حاجة مسقية بالبصلة لسببين الاول نحس فيهم اوجه واستر واوجب والثاني تر تاحي من تعب الحاجات الرقيقة..
بالنسبة ليا انا لما نعزم عصير وشكلاطة....بعدين حلويات وشاهي والحلويات نوع شوكلاطة نوع معسل نوع جاف..بعدين العشاء حاجة مسقية نوع واحد سلايط ولو عندي امكانية ندير معاها حاجتين رقيقة مشقشقات ..بعدين الفواكه وفي الاخر مكسرات..ونععطي للعروسة 50 دينار وصلى الله وبارك..

**حبيبتهم** · 10-30-2011, 01:25 AM

السلام عليكم

ربي يوفقك في عزومتك ويبيض وجهك يا غالية

انا اقتراحي

اول ما يوصلوا قدمي عصير ومعاه شوكلت والا بقلاوة

وبعدها قهوة عربية والا كابتشينو ومعاه مقروض (اوخيتك تحب المقروض ) ونوع ثاني اقترح غريبة حلقوم (تي ماهو نحبها حتى هي ) والا غريبة عربية

العشي
ديري وجبة بالبصلة (رشدة او رز او كسكسي )
ديري معاها امبطن وبيتزادوائر صغيرة افخاذ الدجاد (اللي عجينة ومحشوة مفروم اكيد تعرفيها ) كان درتي كسكسي ديري معاه عصبان
وسلاطة حسب ذوقك (السلايط مانحبهمش مانعرفش فيهم )
ومشروب غازي مع الاكل

بعد العشي فاكهة انا نفضلها فاكهة صحيحة مش فروتا

وبعدها شاهي ومكسرات

والهدية (هنا ماشي عندنا اردي لما عزموني اعمام زوجي ) (لكن هدوا لزوجي حاجات للحوش قبل العرس اجهزة كهربائية )

وخالاتي عطر نوع حلو (هدوني ذهب في عرسي )

وموفقة يا غالية

**شاطئ بلا رمال** · 11-04-2011, 10:29 AM

السلام عليكم
حبوبه ألف مبوك على بنت أختك
لوحبيتي أول مايخشو شكلاته
بعدين قدمي روزاته وعبمبر
بعدين مع المغرب العشي قبل الشاهي أو القهوه لأنه لما يشربو شاهي أو قهوه وياكلو حلويات معادش يتعشو كله يقعد فلهذا نشوف إنه العشي الأول أحسن والعشي لازم تحددي كان مسقي ديري معاه حاجتين شقاشق وسلاطتين والمشروب الغازي وكان صواني فيه هلبه خيارات رز بالمكسرات أو شعيريه بالمكسرات أو لازانيا وإثنين نوع سلطه وثلاثه وإلا أربعه حاجات تانيه بين دجاج ولحم ومعجنات
وبعده على طول الفواكه
وبعدبن الشاهي والحلويات أو مكسرات
وكان تبي تزيدي لما يجو طالعين طريف بكلاوه
وبانسبه للهديه الذهب غالي فعلا تكون يا عطر راقي أو ساعة يد ماركه على حسب فلوسك أو روب أو بيجامه نازكه وإلا فلوس وإلا حسب ما أقترحتي حاجه للحوش كريستال كهربائيه
موفقه إن شاء الله

**نعومي نت** · 11-05-2011, 12:16 AM

شكلي وصلت متأخر يلا خدوج البنات ما قصروا معاك بكل
يلا احكيلنا شنوا درتي في اللمة

**خدوج** · 11-12-2011, 09:57 AM

اقتباسالمشاركة الأصلية كتبت بواسطة أم طهخدوجة في الأول الف مبروك على بنت اختك ربي يهنيها

العقبة لعويلتك تفرحي بيهم

شوفي حبيبة لو كنتي ناوية تطيبي تطييب يعني سفرة والجو هذا

أنا ما نحبش نكثر ياما حاجات

ندير رز بالبصلة ولحم كبار معاهم شريبة عربية مقومة ومصارين شحم

وبطاطا مبطنة ولو تبي تزيدي بوريك يعني أكل تقليدي ودير ي ثلاثة أنواع سلاطة

بعد العشي فاكهة وشاهي معاه نوعين كعك أو مكسرات وفي الغالب المكسرات

ماحد ياكلهم بعد العشاء ....

لو تحبي عزومة عشية يعني موالح وحلويات أنا نحب المخطط التالي :

قدميلهم العصير ومعاه شكلاطة نوع حلو

القهوة أو النسكافيه أنا نفضل معاه قطعة تورتة في الحوش صنع ايديك

أفضل من الحلويات القطع وصدقيني يحبوها وياكلوها

صحن الموالح تقدري تقدمي فيه فلفل روسي ( كفتة دجاج في حلقات فلفل حلو تبطنيخا وتقليها )

ممكن بوريك سلق وجبنة ( نموت عليه وعمري ما رديته في عزومة )

ممكن تديري كفتة لحم في اسياخ الخشب وتزينيها بالخيار والطماطم والزيتون

بطاطا مبطنة ومعاها موساكا ( بطاطا مقلية مع بادنجان عليهم عصاج مفروم وبشاميل )

الموساكا تحطيها في قوالب القصدير المدورات الصغار ( بعض الناس في المناسبات يحطو فيهم المسير )

بيتسا تكون مميزة ومليانة وممكن تقدمي معاهم سندويشات شاورما

الموالح مع مشروب غازي والشاهي معاه نوعين كعك ومكسرات

والفاكهة نحبها فروت سالات أفضل منها صحاح ديريها باللوز والعسل

الهدية نحن من عادتنا العروس تردي معاها ذهب بس توة الذهب غالي نار

لو تبي تاخديلها خاتم كويس سعره فوق 500 دينار (( زوجي تاجر ذهب وعارفة الوضع ههههه ))

ممكن تاخديلهم اي تحفة حلوة ومميزة تكون كريستال فخم

أو عطر يكون مميز وراقي لو تبي نعطيك اسم

أو ممكن تاخديلهم سفرة فضة نوعية اصلية حلوة

او تعطيهم فلوس وهم يختاروا على دوقهم

يارب نكون ما قصرت معاك خدوجة واي استفسار جاهزين

يسلمها ام طه
عزومتك تعبى العين
واشفة للتاخير(النت وعمايله)
بس بنسألك
الموسكا ماعرفتها
وبوريك السلق ياريت شرحه
وشكر لك من كل قلبى

**خدوج** · 11-12-2011, 10:00 AM

اقتباسالمشاركة الأصلية كتبت بواسطة حبيبتهمالسلام عليكم

ربي يوفقك في عزومتك ويبيض وجهك يا غالية

انا اقتراحي

اول ما يوصلوا قدمي عصير ومعاه شوكلت والا بقلاوة

وبعدها قهوة عربية والا كابتشينو ومعاه مقروض (اوخيتك تحب المقروض ) ونوع ثاني اقترح غريبة حلقوم (تي ماهو نحبها حتى هي ) والا غريبة عربية

العشي
ديري وجبة بالبصلة (رشدة او رز او كسكسي )
ديري معاها امبطن وبيتزادوائر صغيرة افخاذ الدجاد (اللي عجينة ومحشوة مفروم اكيد تعرفيها ) كان درتي كسكسي ديري معاه عصبان
وسلاطة حسب ذوقك (السلايط مانحبهمش مانعرفش فيهم )
ومشروب غازي مع الاكل

بعد العشي فاكهة انا نفضلها فاكهة صحيحة مش فروتا

وبعدها شاهي ومكسرات

والهدية (هنا ماشي عندنا اردي لما عزموني اعمام زوجي ) (لكن هدوا لزوجي حاجات للحوش قبل العرس اجهزة كهربائية )

وخالاتي عطر نوع حلو (هدوني ذهب في عرسي )

وموفقة يا غالية

حبيبتهم
مشورة
واقتراحاتك عالعين والراس
بس مش ناوين نعشى
والهدية هو زى ماقلتى ذهب
بس هالوقت غالى هلبه وهموا 2(العرايس)
ويصير خير
وشكر لمشاركتك موضوعى
سعدت بمرورك

**خدوج** · 11-12-2011, 10:04 AM

اقتباسالمشاركة الأصلية كتبت بواسطة شاطئ بلا رمالالسلام عليكم
حبوبه ألف مبوك على بنت أختك
لوحبيتي أول مايخشو شكلاته
بعدين قدمي روزاته وعبمبر
بعدين مع المغرب العشي قبل الشاهي أو القهوه لأنه لما يشربو شاهي أو قهوه وياكلو حلويات معادش يتعشو كله يقعد فلهذا نشوف إنه العشي الأول أحسن والعشي لازم تحددي كان مسقي ديري معاه حاجتين شقاشق وسلاطتين والمشروب الغازي وكان صواني فيه هلبه خيارات رز بالمكسرات أو شعيريه بالمكسرات أو لازانيا وإثنين نوع سلطه وثلاثه وإلا أربعه حاجات تانيه بين دجاج ولحم ومعجنات
وبعده على طول الفواكه
وبعدبن الشاهي والحلويات أو مكسرات
وكان تبي تزيدي لما يجو طالعين طريف بكلاوه
وبانسبه للهديه الذهب غالي فعلا تكون يا عطر راقي أو ساعة يد ماركه على حسب فلوسك أو روب أو بيجامه نازكه وإلا فلوس وإلا حسب ما أقترحتي حاجه للحوش كريستال كهربائيه
موفقه إن شاء الله

شكرا شاطى
وسعدت لمشاركتك
بس العشاء مش وارد
هو عصريه مع مشقشقات واكيد كيكات
والهدية
مازال محيرتنى ويصير خير

**خدوج** · 11-12-2011, 10:05 AM

اقتباسالمشاركة الأصلية كتبت بواسطة نعومي نتشكلي وصلت متأخر يلا خدوج البنات ما قصروا معاك بكل
يلا احكيلنا شنوا درتي في اللمة

هلا نعومى
وصلتى فى وقتك
هوكنت ناوية قبل العيد
وبعدين العويلة طلعوا صايمين
فأجلنها لبعد العيد ولمات الاهل
وان شاء الله نوافيكم بالعزومة لمن نديرها
شكر لك

**الساجدة لله** · 11-13-2011, 03:32 PM

اهلين ياغالية

شفت عزومتك وكل الاقتراحات حلوة الصراحة وتقدري تطلعي بيها بنتيجة قنية انتي شكلي وديري اللي تقدري عليه وحكاية الهدية خوديها مني خوديلهم برفيوم راقي مع البدي لوشن متاعه احسن من الدهب لانه نااااااار وهدا رائيي

الموضوع: [طلب]عندى عزومة نبى تساعدونى

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة