[طلب]عندى عزومة نبى تساعدونى

**خدوج** · 10-29-2011, 06:24 PM

السلام عليكم
يلا حبوبات
اقترحوا عليا
تزوجت بنت اختى هى وسلفتها
نبى نعزمهم عشية هى وحمواتها وسلفتها
اقترحوا عليا افكاركم
شن بنقدم من الالف الى الياء
انى منبيش نعزمهم على الغداء حسيته برنامج فقلت نطيب خاطر النسوة بالعصرية
(احنى عادى عندنا تعزمى حتى العصرية)
من الخمسة لين اذان العشاء اوبعد
يلا يافالحات اللى متعودين على العزايم نورنى
ماتنسوا حتى حاجة
وقبل ماننسى شن بتقترحوا نهديلها
هى وسلفتها
وان شاء الله فى ميزان حسناتكم
وان شاء اللى ترد عليا وين ماتمشى يقابلها الخير
وان شاء ربى يستجاب لكل دعواتكم

**خدوج** · 10-29-2011, 07:49 PM

نستنى فيكم عزومتى هاليومين

**Moony heart** · 10-29-2011, 07:56 PM

وعليكم السلام

يعني مفيش عشي هدرزة بس متجيش تعزميهم هيا وسلفتها وحمواتها علي شاهي وعصير

**ام بيلسان** · 10-29-2011, 08:16 PM

السلام عليكم
كيف حالك يادوجة

مبروك عليهم وربى يهنيهم

منقدرش نعزمه

م علي عصير وخلاص
لازم اندير الواجب وزيادة
وكل واحد ايقدم قيمته
المهم انا من النوع يلي ايحب ايطيب لعزومة الرجالة اكثر من النساء
لانهم يلي انديرا ياكلوه وتحسي تعبك مجاش ع الفاضي
مش زي النسون يقعدن ياكلن ويلون في حناكهن الي تقول ديرا رجيم ويلي كيف وكلا في حوشها ويلي ويلي............الخ
وبعدين تقعد السفرة زي ماهي زيدوك تعب علي تعبك
وبعدين هما المناطق تختلف علي بعضها
لكن انا بنحط روحي في مكانك
اول شئ نطلع نشريلهم الهدية
وانا مدام عرفتهم نخدلهم حاجة يستافيدو منها
خلاط
قلاية
مكينة بيتزا
مفرمه
الي اخره...........
اي شئ ايكون معندهمش ويكون كهربائ وعلي قد فليساتي
ههههههههههههههههههههههههههههههههههههههههه
نجو للاكل
كان بندير شئ امسقي
رشدة. كسكي .مكرونه
واهم شئ الحم علي مفاصله ههههههه
مندريش معاهم شئ غير السلايط والمسير والزيتون والمشريبات
والفاكهة تقعد صحيحه مش فروة سلاط
ومكسرات
والشاهي بي العالة وحلوات
وكان بندير جو المشقشقات
او شئ عندي هما المقبيلات
السلاطة المشوية ولا استغني عليها
الفتوش
سلاطة البطاطة بي الكسبر وكان تبي معها مايونيز (مش عادية)
والحمص بي الطحنية
ورز بلاو
ولحم محمر
وشيش طاووق بي الدجاج (طبعا مقلي مش مشوي)
وكباب مشوي ومدبيك علي الفحم(وكنهذا ديرلا الفحمه والعه وشوية سمن عليها) او فليفة حارة او بوريك العجينه المنتخبة
واسكلوب و سرسرول حار بي التن والهريسه العربيه او كلوني
و فروة سلاط بي اللوز المزلط والعسل الحقاني
وشاهي وبكلاوة والا حلوات
ادهشت
سامحني طولت عليك
واي ستفسار اني جاهزة

**خدوج** · 10-29-2011, 08:18 PM

اهلا مونى
شاى وعصير
معقولة؟؟؟؟؟؟؟؟؟؟؟؟؟؟؟؟
انى قلت من الالف الى الياء
يعنى كأنك مشتى لسهرة او صالة
شكلك مش قارية موضوعى كويس
عروسة تنعزم على شاهى وعصير مستحيل

**ام صهيب** · 10-29-2011, 08:20 PM

مبروك عليهم وربى يهنيهم

شوفى انا عارفة توا الدهب غالى راهو قتلك خودى خاتم لبنت اختك لكن اعطيهم فلوس والا ريحة نازكة وفى لفة حلوة

اما الماكلة

ديرى عصير ومحنشية اول ما ايجوا
وبعدين شاهى والا قهوة كان تبى اديرى حلاوات والا كيكة مع انى انحبد الحلوات تبى شن هما انقولك هههههه

وديرى نواشف يعنى كله ينقام بالايد لا رز ولا قصته
شوفى مثلا
ديرى بشاميل فى صوانى الفضيات اللى زى السلفر عرفتيهم
وكباب الملفوف والا التوست المحشى دجاج وابواق الطن وامبطن وتارت الحار ومرتدلا واسكلوب

طبعا انسمى بس وانت اختارى وكان عطلوا ديرى مكسرات احتياط
هدا اللى عندى

**خدوج** · 10-29-2011, 08:25 PM

ام بيلسان
عندك الحق طياب الرجالة تحسى بالراحة والفرحة الصفرة تولى فاضية
لين تنسى التعب
وصحيتى عالافكار
وفعلا هذا قصدى المشقشقات كل واحد وصحنه
بس شن فيه الصحن
بس ياريت اسكلوب التن طريقته اول مرة نعرفه
وشكرا لمرورك

**خدوج** · 10-29-2011, 08:31 PM

اقتباسالمشاركة الأصلية كتبت بواسطة ام صهيبمبروك عليهم وربى يهنيهم

شوفى انا عارفة توا الدهب غالى راهو قتلك خودى خاتم لبنت اختك لكن اعطيهم فلوس والا ريحة نازكة وفى لفة حلوة

اما الماكلة

ديرى عصير ومحنشية اول ما ايجوا
وبعدين شاهى والا قهوة كان تبى اديرى حلاوات والا كيكة مع انى انحبد الحلوات تبى شن هما انقولك هههههه

وديرى نواشف يعنى كله ينقام بالايد لا رز ولا قصته
شوفى مثلا
ديرى بشاميل فى صوانى الفضيات اللى زى السلفر عرفتيهم
وكباب الملفوف والا التوست المحشى دجاج وابواق الطن وامبطن وتارت الحار ومرتدلا واسكلوب

طبعا انسمى بس وانت اختارى وكان عطلوا ديرى مكسرات احتياط
هدا اللى عندى

صحيتى ام صهيب
فعلا افكار قنينة
وفكرت ناخد ذهب بس محتارة
ومفهمتش قصة البشاميل نورينى
وقولى الحلاوات هههههه
وسماح عالتعب
ومنورة بوجودك

**ام بيلسان** · 10-29-2011, 08:34 PM

اقتباسالمشاركة الأصلية كتبت بواسطة خدوج

ام بيلسان

عندك الحق طياب الرجالة تحسى بالراحة والفرحة الصفرة تولى فاضية
لين تنسى التعب
وصحيتى عالافكار
وفعلا هذا قصدى المشقشقات كل واحد وصحنه
بس شن فيه الصحن
بس ياريت اسكلوب التن طريقته اول مرة نعرفه
وشكرا لمرورك

اسف خطا مطبعي
قصدي اسكلوب وسرسرول حار بي التن

**خدوج** · 10-29-2011, 08:48 PM

اقتباسالمشاركة الأصلية كتبت بواسطة ام بيلساناقتباسالمشاركة الأصلية كتبت بواسطة خدوج

ام بيلسان

عندك الحق طياب الرجالة تحسى بالراحة والفرحة الصفرة تولى فاضية
لين تنسى التعب
وصحيتى عالافكار
وفعلا هذا قصدى المشقشقات كل واحد وصحنه
بس شن فيه الصحن
بس ياريت اسكلوب التن طريقته اول مرة نعرفه
وشكرا لمرورك

اسف خطا مطبعي
قصدي اسكلوب وسرسرول حار بي التن

تسلمين ام بيلسان
كلك ذوق

الموضوع: [طلب]عندى عزومة نبى تساعدونى

أدوات الموضوع

عرض

[طلب]عندى عزومة نبى تساعدونى

السلام عليكم

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة