[طلب]مساعده

**lolo1971** · 10-30-2011, 11:47 PM

السلام عليكم حبيباتي
أتمنى أن تكونوا بخير وبصحة جيدة في ظل النصر والحرية ...
عندي أضيوف جاييني يوم الجمعة القادم ودرت نوعين من الحلويات ( مقروض وسلة مشكلطة ) ونبي أندير نوع ثالث أيكون راقي ومش أمعسل ومش أمشكلط ياريت أتفيدوني بخبرتكن وأنتن أهل لذلك وياريت بسرعة قبل الجمعة واللي أترد عليا ربي ينولها اللي في بالها ويفتح عليها يارب آمين تحياتي لكن والسلام عليكم ...

**أمـ ساره** · 10-31-2011, 12:01 AM

حبوبة الحاجة الثالثة يفضل تكون مالحة حتى تكوني مشكلة

مثل المليحة أو كعك التمر للأخت زينب مش عادي

أو أي نوع بسكويت مالح مثل بسكويت الجبن

وان شاء الله الأخوات يزيدوا ايفيدوك

وبالنسبة للعنوان ياريت تتقيدي بقوانين المنتدى

وهو انك تكتبي طلب بين قوسين [ ] ومن ثم العنوان

**ام صهيب** · 10-31-2011, 01:13 AM

ام سارة ماقصرتش ماشاء الله

ديرى حاجة مالحة والا كان عندك ابواق ديريهم واحشيهم جبنة حتى هيا قنينة

**Moony heart** · 10-31-2011, 01:19 AM

اني رائ نفس رائ البنات
نوع مالح او بسكويت خشي شوفي مواضيع زينب

**ام انس** · 10-31-2011, 11:39 AM

السلام عليكم اختي..
ممكن اديري الكنافة بالمكسرات نوع حلو وخفيف ومنظره حلو.
ولو عجباتك الفكرة نعطيك الطريقة..

**lolo1971** · 10-31-2011, 02:28 PM

اقتباسالمشاركة الأصلية كتبت بواسطة ام انسالسلام عليكم اختي..
ممكن اديري الكنافة بالمكسرات نوع حلو وخفيف ومنظره حلو.
ولو عجباتك الفكرة نعطيك الطريقة..

عزيزتي أم أنس
مشكورة ماقصرتي وأنتعبك أمعايا لو تعطيني الطريقة ولكي تحياتي ياأحبيبة

**ليبية حرة** · 10-31-2011, 11:52 AM

السلام عليكم ورحمة الله وبركاته ممكن تديري حاجة بعجينة اللوز زي حلوى السفير
أو كرات اللوز أوحلوى اللوز أو تديري قرينات أوموالح وإنشاء الله يعجبوك
وكان حاجة من اللي قلتهملك ماتعرفيش طريقتها أطلبي وتدللي ياغالية...

**lolo1971** · 10-31-2011, 02:33 PM

اقتباسالمشاركة الأصلية كتبت بواسطة ليبية حرةالسلام عليكم ورحمة الله وبركاته ممكن تديري حاجة بعجينة اللوز زي حلوى السفير
أو كرات اللوز أوحلوى اللوز أو تديري قرينات أوموالح وإنشاء الله يعجبوك
وكان حاجة من اللي قلتهملك ماتعرفيش طريقتها أطلبي وتدللي ياغالية...

عزيزتي ليبيا حرة
صحيتي وبارك الله فيك تعبتك أمعايا وياريت تبعثيلي طريقة كل حاجة أبروحا وبالتفصيل الممل وكان فيه صور أحسن وأحسن وسامحيني مرة ثانية غلبتك أمعايا ولكي شكري وأمتناني

**ام انس** · 10-31-2011, 03:30 PM

السلام عليكم
عزيزتي الكنافة بالمكسرات ساهلة وبسيطة ..
المقادير :تحتاجي اولا الى كنافة جاهزة ,تاخدي الكنافة وهي طبعا لما بتشريها حتكون على شكل خيوط طويلة تاخدي كمية منها على حسب ما انت تبي المقدار يكون وتكسريها او تفتركيها الى قطع صغيرة بالزبط زي ما تفتركي المكرونة الشعيرية.بعد مافتتيها تسكبي عليها شوية سمن او زبدة دايبين (بس انا نفضل السمن) وتخلطيها كويس بالسمن وبعدين تفرشيها في طاجين واسع ودخليها في فرن متوسط(مش عالي هلبا بعدين تنحرق) وتقلبيها من الحين الى الاخر حتى تحمر .اطلعيها من الفرن وتصفي منها لو في اي كمية سمن زايدة وتخليها تبرد.
تانيا:تحتاجي الى مكسرات مشكلة فستق بندق لوز زبيب كاجو المهم مكسرات مشكلة تكون محمصة ومهروشة او مقطعة الى قطع صغيرة (مش مهروشة هلبا) .
ثالثا تحتاجي الى عسل يكون ثقيل شوي بحيث لما تحطي فيه المكسرات تتماسك وتلصق في بعضها.
الطريقة:في صحن واسع تحطي الكنافة المحمرة والمكسرات المحمصة والزبيب وتصبي العسل شوى شوى (مش دفعة واحدة) وتخلطي بايديك الحلوات كل المكونات مع العسل الى ان تتجمع معاك المكونات وتتماسك بحيث تقدري شكلي منها مثلا كرة متماسكة وما تتفتتش( وهدا يعتمد على قوام العسل يعني مش خفيف لدرجة المكونات ماتلصقش في بعضها ومش تقيل هلبا لدرجة المكونات تلصق هلبا وتولي يابسة ما تقدريش حتي تنتشيها من كثر ما يابسة) وبعد ماجمعتي المكونات تشكليها على طول الى كور مثلا او تحطيها في فورمة السلة او اي شكل تحبيه وبعدين تحطيها في اوراق الحلويات وتقدميها.(نسيت نقلك حطي مع الخليط نقطة من روح اللوز تعطيا طعم روعة)
صدقينى حلوة وساهلة وراقية في التقديم.