[مشاركة العيد لمعرض الأجهزة والأدوات المطبخية] عجانة ( Kenwood) من مطبخ خدوج

[خدوج]

السلام عليكم

تعالو يابنات باركولى

اشتريت كينوود
يعنى شى فوق الخيال فوق الوصف

اشتريتها قبل رمضان

وللظروف التى مررنا بها جمعيا لم تكن هناك فرصة لافرح اوادعوكم لمشاركتى فرحتى
بس توا خلاص
زمان عمورة عدا
المهم
فى العجن ماشاء تبارك الرحمن العجينة كان بيدك اسبوع وماتطلع زى عجينة كينوود
كان خفق البيض(البياض)لو شهر مايتجمد زى كينود(بدينا المبالغة)
والله كانت نعم الاخت فى اشد الايام
تخيلى هديك الايام احنى مافيش خبز بكل فى الكوش(فى غدامس)
وكل صبح تصبحى عالعجن ومرات مرتين فى اليوم
الحمد لله
كانت رفيقتى الدائمة

وماشاء الله تركب عليها كل القطع
مفرمة لحم
ماكنة الايس كريم
ومطحنة حبوب
وان شاء الله نحاول كل مرة نشرى حاجة
على المدى البعيد
طلع معاها خلاط فواكه بس والمضارب متعها
ومعاها CD للتوضيح
وكتيب صغير للوصفات
وكتيب كبير عنها
ونخليكم مع الصور

ومعاها المضرب والخلاط والعجان ومفتاح التعديل

ومانحكيلكمش قداش فالحة
وعقبال اللى ماعنداش يديرها

[حبيبتهم]

تتهني بيها يا رب

باهي اللي عندكم كهرباء وقت الازمة بيش قدرتي تستعملي الالة

لان عندنا حتى الكهرباء مافيش الله يحرمه من رحمته الشفشوفة كيف ماحرمنا من اهلنا واحبابنا وحرمنا من اقل مقومات الحياة

[خدوج]

اقتباسالمشاركة الأصلية كتبت بواسطة حبيبتهمتتهني بيها يا رب

باهي اللي عندكم كهرباء وقت الازمة بيش قدرتي تستعملي الالة

لان عندنا حتى الكهرباء مافيش الله يحرمه من رحمته الشفشوفة كيف ماحرمنا من اهلنا واحبابنا وحرمنا من اقل مقومات الحياة
يسلمك حبوبة
احنى من شهر 4 ماعندناش ضى لين 7 يوم فى رمضان
وتقريبا من اول البلدان اللى عانينا من ازمة الضى
بس ربى يسلم المولدات ماكنا نتحركوا الابيهم
اسعدنى مرورك حبوبة

[زهرة البنفسج]

ماشاء الله تعرفي العجانة هده نحلم بيها حتى الحلم خاطري فيها لاكن غالية وان شاء الله انحصلها بادن الله

[الساجدة لله]

مبروك ياغالية عليك العجانة ماشاء الله لاقوة الابالله زي الرحمة العجانة الحق لاقيتها في كل شئ تقريبا
موضوع مميز ويستحق التقييم

[بنت طبرق]

ماشاء الله لاقوة الا بالله
بجد حتى انا نتمناها
مبروكة عليك حبيبتي
بس سعرها عندنا نااااااااااااااار
يقدرنا ربي ونشروا وحيدة

[خدوج]

اقتباسالمشاركة الأصلية كتبت بواسطة الغربة صعبةماشاء الله تعرفي العجانة هده نحلم بيها حتى الحلم خاطري فيها لاكن غالية وان شاء الله انحصلها بادن الله

كان شفتى نى قداش حلمت بيها
ومن فرحتى بنتى تضحك عليا تقولى
ماما تقول عيل وحصل لعبة
ان شاء الله يارب يفتحلك وديريها فى اقرب فرصة
كانت حلم ليا لمن البنات يتكلموا عليها فى المنتدى
كنت نتحسر بس الحمد لله

[خدوج]

اقتباسالمشاركة الأصلية كتبت بواسطة الساجدة للهمبروك ياغالية عليك العجانة ماشاء الله لاقوة الابالله زي الرحمة العجانة الحق لاقيتها في كل شئ تقريبا
موضوع مميز ويستحق التقييم


يسلمك سجودة
والحمد لله رحمة من ربى
وشكرا عالتمييز ياعسل

[خدوج]

اقتباسالمشاركة الأصلية كتبت بواسطة بنت طبرقماشاء الله لاقوة الا بالله
بجد حتى انا نتمناها
مبروكة عليك حبيبتي
بس سعرها عندنا نااااااااااااااار
يقدرنا ربي ونشروا وحيدة
يارب يفتحلك وديرها فى اقرب فرصة
يبارك فيك وعقبالك
والله حتى هذه نار
وصاحب المحل مانقصلى حتى قرش
قالى هذه الطرف الاخير وقال برى دورى طرابلس
ولوكان لقتيها فى هالازمة بهذا السعر نعطيهالك
بنص حقها
وقال فى هالازمة موقفين ومعاش جبنهم
فرحت وخديتها عيونى مغمضة
عقبالللللللللللللللللللللللللللللللللللللك
ربى كريم

[أمـ ساره]

ماشاء الله لاقوة الا بالله

تبيديها بالهني وخيتي ومبروك عليك

وان شاء الله ربي يكمل عليا وناخذها يارب

على قد ما خاطري فيها وزوجي وعدني بيها لكن ملزال توا مش وقتها

وربي يرزق كل وحدة تتمناها يارب