طريقتي في تنظيف أمعاء الخروف

**نعومي نت** · 11-03-2011, 10:16 AM

السلام عليكم ورحمة الله وبركاته
العيد السنة هادي ليها نكهة جديدة إن شاء الله أعلاش لعدة أسباب كل أخت إتخش لموضوعي إتحط سبب يختلف عن التانية الاسباب هلبة ما شاء الله لين تحيروا المهم أني وأعوذ بالله من كلمة أني سر النكهة إني مش رايح نسمع اغنية كل عام وإنت بخير يا قايد ثورتنا يا بابنا الكبير يا حلم عروبتنا ((صح هكي الاغنية )) كنا إنشوفوا في الهلال وإنقولوا لا مش عيد نسمعوا الاغنية هادي خلااااااااااص ثبتت الرؤية
المهم حبيت من خلال طرحي لهذا الموضوع نحكيلكم علي طريقتي في تنظيف (( الدوارة )) أهم حاجة وتعتبر نقطة اساسية لازم الدوارة تكون سخونة بمعنى اول ما يطلعوها على طول ديري شغلك في الاول طبعاً تتنظف من الفضلات كوييييييس وبعدين إنحطوها في اميه سخونة لمدة 10 دقايق وبعدين إنطلعوا المعدة بعد ما نحطوها في الكسكاس باش تنزل أميتها ناخدوا موس و نبدوا بسم الله طبعاً الطبقة اللي في المعدة بالطريقة هادي تزال بسهوووووووووووووووولة وبعدين إنتي وشني تبي تستعملي لإزالة الرائحة أني نستعمل في الخل
المهم بالنسبة للمصاريين إنظفهم بالمية وبعدين إنحط فيهم شب مدقوق مش ناعم حبوب تعرفوا والله ما تقعد فيهم حتى حاجة بدليل لما تقلبهم باش ......... ما نلقاش حتى حاجة كل المادة المخاطية تنزل مع الشب يعدين مصمصيهم و صبي عليهم شوية خل وخليهم يتنقعوا شوية وشوفي النظافة علي أصولها بياض ناصع ولا بياض كلوركس جربوا الطريقة و مش راح تندموا بالعكس رايح تدعولي لانها ساااااااااااااااااااااااهلة وما فيهاش تعب بكل
وكل عام وإنتم بخير و صحة وسلامة

**79nana** · 11-03-2011, 10:52 AM

ان شاء الله عيد مبروك علينا وان شاء الله عيد بريحة الحرية والاستقلال
طريقة منعرفهاش قبل ولاكن الدنيا تعرفك الجديد اني ندير فيها بالسيفن اب والليم وتجي بيضة ولاكن الواحد يتعلم ويجرب ويشوف

ان شاء الله كل عام وانت بصحة وسلامة

**نعومي نت** · 11-05-2011, 11:14 PM

المشاركة الأصلية كتبت بواسطة 79nana

ان شاء الله عيد مبروك علينا وان شاء الله عيد بريحة الحرية والاستقلال
طريقة منعرفهاش قبل ولاكن الدنيا تعرفك الجديد اني ندير فيها بالسيفن اب والليم وتجي بيضة ولاكن الواحد يتعلم ويجرب ويشوف

ان شاء الله كل عام وانت بصحة وسلامة

إيه سامعة بيها طريقة السفن أب وحتى هيا يشكروا فيها
و شكراً علي مرورك

**خدوج** · 11-03-2011, 11:12 AM

شكرا نعومى
طريقة جديدة عليا
ومن اسباب فرحة العيد
يكفى ان احنى حاسين بطعم الحرية وماعادش نحافوا
ويكفى ان معيدين مع المسلمين على سنة الله ورسوله عليه السلام
وان شاء الله يعم الامن والامان كل ربوع ليبيا
وكل عام وانتم بخير

**نعومي نت** · 11-05-2011, 11:16 PM

المشاركة الأصلية كتبت بواسطة خدوج

شكرا نعومى
طريقة جديدة عليا
ومن اسباب فرحة العيد
يكفى ان احنى حاسين بطعم الحرية وماعادش نحافوا
ويكفى ان معيدين مع المسلمين على سنة الله ورسوله عليه السلام
وان شاء الله يعم الامن والامان كل ربوع ليبيا
وكل عام وانتم بخير

غير قولينا شنوا صار في عزومتك
وبعدين إنقولك شكراً لمرورك

**ام تغريد** · 11-03-2011, 11:17 AM

اولا كل عام والجميع بالف خير من غير بو شفشوفة طبعا العيد السنة هادي ليه طعم غير معيدين مع السعودية

ولينا اسبوعين عارفين موعد العيد مش حايرين زي كل عام والحمد لله

وعن غسل الدوارة متعودة على الخل والليمون والملح انظف لين روحي تطلع

والله مالقوا مادارولنا الاهذا العصبان الحق شقي وتعب

لكن السنة هذه خلي انغير تو انجرب طريقتك بالك اسهل ومنك نستفيد

وكل عام والجميع بخير

**نعومي نت** · 11-05-2011, 11:20 PM

المشاركة الأصلية كتبت بواسطة ام تغريد

اولا كل عام والجميع بالف خير من غير بو شفشوفة طبعا العيد السنة هادي ليه طعم غير معيدين مع السعودية

ولينا اسبوعين عارفين موعد العيد مش حايرين زي كل عام والحمد لله

وعن غسل الدوارة متعودة على الخل والليمون والملح انظف لين روحي تطلع

والله مالقوا مادارولنا الاهذا العصبان الحق شقي وتعب

لكن السنة هذه خلي انغير تو انجرب طريقتك بالك اسهل ومنك نستفيد

وكل عام والجميع بخير

وإنتي بالف خير ام تغريد
والله صدقتي فيها اول مرة إنعيدوا زي العالم والناس
جربيها وبإذن الله راح تدعيلي

**guidona** · 11-03-2011, 12:03 PM

اولا كل عام وانت بالف خير ياحبوبه
وراح ندعيلك اكيد لانه طريقتك ساهله
وسبحان الله كل واحد وطريقته في التنضيف
واه انسيت عاد اني ليا سنين منسمعش لافي اغانيهم الثوريه ولا في عزاهم
والحمد الله بس حاسدتكم لانه عيدكم اكيد السنه هده احلي عيد تمنيت روحي في ليبيا لكن الله غالب

**نعومي نت** · 11-05-2011, 11:28 PM

المشاركة الأصلية كتبت بواسطة guidona

اولا كل عام وانت بالف خير ياحبوبه
وراح ندعيلك اكيد لانه طريقتك ساهله
وسبحان الله كل واحد وطريقته في التنضيف
واه انسيت عاد اني ليا سنين منسمعش لافي اغانيهم الثوريه ولا في عزاهم
والحمد الله بس حاسدتكم لانه عيدكم اكيد السنه هده احلي عيد تمنيت روحي في ليبيا لكن الله غالب

ههههههههههههههههههههههههههههه
حلو منك ليا سنين منسمعش لافي اغانيهم الثوريه ولا في عزاهم
بارك اله فيك يا غيدونا والله تمنيت كل مغتربة ترجع لبلادها تشوف ليبيا الجديدة
وكل عام و انتي وبنوتك وزوجك وعيلتك كلها بخير