[مشاركة العيد لمعرض الاجهزة و الادوات المطبخية]شواية تيفال الكهربائية من مطبخ الساجدة لله

**شاطئ بلا رمال** · 11-21-2011, 08:34 PM

ههههههههههههه
سجوده يعطيك الهني والله إحني كلنا النساوين زي بعض حتى أني الحاجه كان ماناخدهاش تنبت فيا نخله مسكين الشنبير ياناري على جيبه والله يسخف فيا مرات، وإحني النساوين راهو مانكتفوش ديما نبو نشرو ونغيرو واللي نشوفوه نبوه وياكثر ماخديت حاجات وبعدين طلعت غير طهقه وخلاص وكان ممكن ناخد حاجات أهم منها
والله شوقتيني ليها هادي الآله متع القهوه تو نسألهم عليها بإذن الله هما تبي الحق عندهم هلبه حاجات حلوه ونازكه ماشاء الله ولما نخشلهم نحس في روحي خاطري في هلبه حاجات
وإن شاء الله ياربي حوشك الجديد عتبة خير عليك وتفتحي فيه إماعينك الجديدات وتسكني وتبيدي بالهني وتتمتعي بيه ويجيك كيف ماتتمني وأحسن وإن شاء الله ديما عامر بوجودك ووجود أسرتك يا رب
وماننحرمش من ردودك وإهتمامك

**الساجدة لله** · 11-21-2011, 10:30 PM

اقتباسالمشاركة الأصلية كتبت بواسطة شاطئ بلا رمالههههههههههههه
سجوده يعطيك الهني والله إحني كلنا النساوين زي بعض حتى أني الحاجه كان ماناخدهاش تنبت فيا نخله مسكين الشنبير ياناري على جيبه والله يسخف فيا مرات، وإحني النساوين راهو مانكتفوش ديما نبو نشرو ونغيرو واللي نشوفوه نبوه وياكثر ماخديت حاجات وبعدين طلعت غير طهقه وخلاص وكان ممكن ناخد حاجات أهم منها
والله شوقتيني ليها هادي الآله متع القهوه تو نسألهم عليها بإذن الله هما تبي الحق عندهم هلبه حاجات حلوه ونازكه ماشاء الله ولما نخشلهم نحس في روحي خاطري في هلبه حاجات
وإن شاء الله ياربي حوشك الجديد عتبة خير عليك وتفتحي فيه إماعينك الجديدات وتسكني وتبيدي بالهني وتتمتعي بيه ويجيك كيف ماتتمني وأحسن وإن شاء الله ديما عامر بوجودك ووجود أسرتك يا رب
وماننحرمش من ردودك وإهتمامك

ههههههههههههههه والله الا يصخفو الرجالة هما بروحهم كان يلقو ايديرو علينا 10 من 17 فبرايرهههههههههههههههههه ربي يكون في عونهم ويعبي جيوبهم بش يرفعونا للمنزلية ويخلونا نشرو من غير تفنيص ومن غير مرة تانية نولولها هههههههههههههههههههههههه

**شاطئ بلا رمال** · 11-22-2011, 10:50 AM

هههههههههههههههههههههههههههه
والله حق من غير تفنيص.... ههههههههههههه

**شاطئ بلا رمال** · 11-22-2011, 04:48 PM

معليشي سؤال أخير سجوده لو ممكن تشوفيلي شوايتك قداش وات 1400 وات وإلا 1800 وات وإلا أكثر.
عششت في راسي وبناخد شوايه قريبا كان سخر ربي ولو خديت حانزل عليها موضوع إن شاء الله
ومشكوره.