الهذرزة الليبية 18 ان شاء الله ديمة ملتمين وكل سنة وانتم طيبين بخير بمناسبة عيد الاصحى

**أمـ ساره** · 02-20-2011, 01:51 PM

السلام عليكم ورحمة الله وبركاته

اتفضلوا حبوبات خشوا وسموا بسم الله

كل وحدة تخش للمنتدى تدخل هنا وكمنا عليها وكل عضوة تعرفها او ليها بها صلة ومعرفة

وربي يجمعنا على الخير وطاعة الله يارب

مع مراعان أن

الموضوع هنا للهدرزة الليبية ولنطمئن على اخواتنا في الله وليس تحزب أو وضع آراء خاصة

**ام لبنتين وولد** · 02-21-2011, 02:01 AM

وينكم يابنات ليبيا ويابنات بنغازي رجاء تبلغو تعازيه للاهلكم هناك والله ندعو لشبابنا بان يتقبلهم الله شهداء امين
وتحية للامهات اللي انجبن الابطال والله اقل مايقال عنهم انهم ابطال قبلة علي جبين امهات بنغازي ودرنة والبيضاء وطبرق والزنتان ولكل الامهات اللي في ليبيا الحبيبة الله يحميكم يا شباب بلادي

**أمـ ساره** · 02-22-2011, 09:05 PM

ان شاء الله يكونوا بخير وعافية يارب

وربي يطمنا عليهم قريب ونشوفوهم معانا

وياريت كل وحدة تعرف خبر اطمنا عليهم

**ام اسر** · 02-23-2011, 12:28 AM

ان شاء الله ربي يطمنا علي كل البنات خاصة الي من الشرق والبيضاء
زي ام طه وليبيا قلبي
والله يرحم جميع شهدانا ويصبر اهاليهم

**ام اسر** · 02-23-2011, 12:34 AM

يارب فرج كربنا يارب العالمين

**ام الحلوين** · 02-23-2011, 12:46 AM

والله اغلبية البنات معاش يبانو ان شاءالله نطمنو عليهم وربى يرحم الشهداء وانتم بنات طرابلس شن الاوضاع عندكم

**أمـ ساره** · 02-23-2011, 03:49 PM

ان شاء الله يجونا قريب ويفرجونا بشوفتهم معانا ويرجع كل شيء زي ما كان

يا بنات طمنونا عليكم وعلى أهلكم واحبابكم ان شاء الله تمام

**ام اسر** · 02-24-2011, 02:44 AM

السلام عليكم كيف حالكم كلكم الي في الداخل والخارج يارب يارب اتكونوا بالف الف خير
تسئالو علي الاحوال مني اني الحمد لله اليوم خوي زاد عليه وليد
ومشيت لي اهلي وشفت الشوارع والمحلات الحمد لله كل شي شبه طبيعي
عادا الحركه اما المناطق التانيه الله اعلم
واتمني لجميع الشعب الليبي الامن والاستقرار والسلام والرحمه والنصر والفرح
والعزه والكرامه والشموخ
دمتم في حفظ الله ورعايته