السلام عليكم ورحمة الله وبركااااااااااااااااته
منتدي المطبخ الليبي
أقدم لكم خبزة الكسكاس خبزة خفيفة وتتعبأ بالشاورمااااااا
مقادير العجينة :
ملاحظة : تقدري تاخدي أي عجينة معتمدة عندك عادي
مقادير العجينة :
4 ملاعق حليب سائل + نصف كوب زيت + كوب ونصف ماء دافئ + ملعقة سكر +رشة ملح + ملعقة بيرة فورية
نعجن المقادير ونخلاها تخمر لمدة نصف ساعة أو أكثر
بعدين ناخدو منها شوية ونطرحها على الطاولة بالنشابة ( العصا)
ناخدو طاسة ونقسم بيها العجين كما في الصورة
بعد مانكملو تقسم العجين كله نحطه في صفرة ونخطيها بطرف قماش
ونخليها ربع ساعة ترتاح شوي
ناخدو أي كسكاس عندك معاش مستفيدة منه وخصاصيه للخبزة هدي
ونقلبوه على وجهة
ونخلوه يسخن شوي
بعد ذلك نضع دوائر العجين فوق الكسكاس
ونخليكم مع الصور
وهذا الشكل النهائي
عبية بإلي يعجبك أني نحبها مع الشاورما
وألف وصحة على قلوبكم
المفضلات