السلام عليكم ورحمة الله وبركااااااااااااااااته
كل عاااااااااااام والجميع بخير ياااااااااااااارب
حبيت نعرفكم على خبزة الفرن الغريانية في من ناس يقلولها تنور
بس عندنا نسمو فيها بخبزة الفرن والأفضل تكون بحطب الشجر تطلع بنتها أحلى
وأني نحبها هلبه ونحب نديرها
ويوم صورتها درتها أني وأمي ...... أمي كانت تساعد فيا أني نصور وهي إدير وين أني نصور
وإن شاء الله تعجبكم
بسم الله
مقادير العجينة :
دقيق فرينة + دقيق شعير كل واحد وذوقه كان تحبيه أكثر حطي منه هلبه وكان تحبية شوية في الخبزة حطي شوية + ملح + خميرة فورية
أني عيني ميزاني يعني تبي هلبه عجين حطي هلبة دقيق والعكس
نعجنو العجينه ونسبك هلبه العجينة تبي السبك
وأكسريلها خمارها مرة واحدة
وتي الفرن وحطي حطبك بعد ماتخمر العجينة
وإشلعي النار وين يسخن الفرن
أبدي في رمي الخبزة
نفطح العجينة على اليدين
نطرحها في الفرن وبسرعة لأن الفرن سخووووووون
وبعد مانكملو العجينة
نغطي الفرن وشوية شوية نحرك الجمر باش إطيب الخبزة وتتحمر
وبعد ماتتحمر وإطيب ناخد موس ونبدأ بفك الخبزة من الفرن
وهنا جهزت الخبزة
وهذي الخبزة مع زويتة زيتون غريانية
في أمان الله
المفضلات