[مشاركة العيد لركن الاطباق الرئيسية] لوايات العيد من مطبخ حبيبتهم

**ام عبدالمعز** · 11-12-2011, 09:00 AM

اشاء الله عليك حبوبة

عصيبنات ايجوا في الخاطر

ومع رشيتة اممممممممممممممممممم

سلم ايدياتك وصحتين وعافية يارب

**حبيبتهم** · 11-12-2011, 03:15 PM

اقتباسالمشاركة الأصلية كتبت بواسطة ام ليبيه حرهيسلمووووووووووووووووووووووووووو ايديك الله يسلمك حبيبة

اقتباسالمشاركة الأصلية كتبت بواسطة للاهمهههها لقيت كلمة لوايات جيت نجري قلت شورها اكلة جديدة! طلعت عصبان شمس
طريقتنا بالتمام مع الفرق اننا لا نستعمل القرفة ابدا ولا الزنجبيل!
الفرق اننا نتبلوا العصبان قبل لفه بالكسبر اليابس والفلفل الاحمر والبزار والملح والحبق اليابس وشوية خل . هذين عوايدنا فيه ... سبحان الله كل بلاد وعوايدها... كل سنة وانتم طيبين بجميع نكهاتكم وتنوع اطعمتكم وتعددت التسميات والطعام الليبي واحد متحد مستقل حر ابي

هههههههههه ضحكتيني صار تحسابيها حاجة جديدة
بنسألك ليش في التتبيل في طريقتكم فيه ملح ماهو هو كله مملح قبل التجفيف ماعاد يحتاج ملح زيادة
وتسلمي يا غالية وكل عام وانتم بخير
اقتباسالمشاركة الأصلية كتبت بواسطة خدوجماشاء الله عليك
حتى احنى نسموا فيه عصبان الشمش
يسلموا ايديك
الله يسلمك يا غلا

اقتباسالمشاركة الأصلية كتبت بواسطة ام عبدالمعزاشاء الله عليك حبوبة

عصيبنات ايجوا في الخاطر

ومع رشيتة اممممممممممممممممممم

سلم ايدياتك وصحتين وعافية يارب
الله يسلمك ان شاء الله لما اندير بيهم رشدة نعزمك عليها هنا في المطبخ ههههههههه

**الكتومه** · 11-12-2011, 04:48 PM

تسلم ايديك حبيبتي

**حبيبتهم** · 11-13-2011, 08:57 PM

اقتباسالمشاركة الأصلية كتبت بواسطة ليبيه حرهتسلم ايديك حبيبتي

الله يسلمك يا غالية

**أم أيوب** · 11-15-2011, 01:32 AM

يسلمو ايديك حبيبتهم سبقتيني بيه

نراجي قديدي يجف ونبي نحط طريقته

بس الحق عمري ما درته بروحي ماما الله يحفظها تدير فيه ليا

نحن نقولو عليه عصبان شمس

وعلى قول للاهم ما نحطوله زنجبيل ولا قرفة

نتبلو فيه بثوم وكروية وكسبر يابس ونعناع يابس وحبق يابس

يسلمو ايديك وربي يحفظك وكل سنة وانتم طيبين

**زهرة البنفسج** · 11-15-2011, 02:56 PM

ماشاء الله قداش ليا خاطري نتعلمها بارك الله فيك

**ام تغريد** · 11-15-2011, 04:24 PM

ما شاء الله تسلم ايديك والله حتى اني نحساب فيه اكلة جديدة شوي طلعت العصبان اليابس

تسلم ايديك

**شاطئ بلا رمال** · 11-15-2011, 05:59 PM

إحني في طرابلس نسموها عصبان الزير
تسلم إيدياتك وصحتين تاكلي بالهني
كل منطقه وتسميتها
لكن السنه هادي والله مادرنا قديد ماجاش في الخاطر والله حتى اللحم العادي ناكلو فيه ومن غير نيه
بعد هاللي صار جرحى وشهداء ربي يصبرهم إن شاء الله ويجزيهم عنا كل خير ويهنينا ويحمي بلادنا وأولادنا
كل سنه وانتم طيبين