[مشاركة العيد لركن الاطباق الرئيسية] لوايات العيد من مطبخ حبيبتهم

[sweet nona]

تسلم ايديك على الموضوع المهم والدسم...

[ليبية]

ماشاء الله لاقوة الا بالله موضوع ممتاز
ربي يسلم ايدياتك الحلوة على العصبان اليابس التحفة

[حبيبتهم]

اقتباسالمشاركة الأصلية كتبت بواسطة أم طهيسلمو ايديك حبيبتهم سبقتيني بيه

نراجي قديدي يجف ونبي نحط طريقته

بس الحق عمري ما درته بروحي ماما الله يحفظها تدير فيه ليا

نحن نقولو عليه عصبان شمس

وعلى قول للاهم ما نحطوله زنجبيل ولا قرفة

نتبلو فيه بثوم وكروية وكسبر يابس ونعناع يابس وحبق يابس

يسلمو ايديك وربي يحفظك وكل سنة وانتم طيبين

اهلا بك والله يسلمك

نراجوا في طريقتك بيش نتعلموا منها حاجة جديدة


اقتباسالمشاركة الأصلية كتبت بواسطة الغربة صعبةماشاء الله قداش ليا خاطري نتعلمها بارك الله فيك اهلا بك وشكرا


اقتباسالمشاركة الأصلية كتبت بواسطة ام تغريدما شاء الله تسلم ايديك والله حتى اني نحساب فيه اكلة جديدة شوي طلعت العصبان اليابس


تسلم ايديك
الله ايسلمك هههههههه الباين كلكم اول مرة تسمعوه الاسم انغشيتوا فيه


اقتباسالمشاركة الأصلية كتبت بواسطة شاطئ بلا رمالإحني في طرابلس نسموها عصبان الزير
تسلم إيدياتك وصحتين تاكلي بالهني
كل منطقه وتسميتها
لكن السنه هادي والله مادرنا قديد ماجاش في الخاطر والله حتى اللحم العادي ناكلو فيه ومن غير نيه
بعد هاللي صار جرحى وشهداء ربي يصبرهم إن شاء الله ويجزيهم عنا كل خير ويهنينا ويحمي بلادنا وأولادنا
كل سنه وانتم طيبين
الله ايسلمك يا غالية

كيف ماقلتي كل منطقة واسمها
الله يتقبل شهدائنا ويشفي جرحانا
ويحمي بلادنا من كل شر


اقتباسالمشاركة الأصلية كتبت بواسطة امتنانيهبل انموت عليه
الله يعطيك العافية سهفتيني

ههههههههههه


الله يسلمك وتفضلي ذوقي ههههه
اقتباسالمشاركة الأصلية كتبت بواسطة saliamrالحق ما عرفتش شنو هي بالضبط
بس الباين شغلك شغل وحدة فالحة.. تسلم ايديك
كيف بنقولك شنو هذي نوع من القديد وتستعمل في الطبخ كيف القديد مثلا اتديري بيه كسكسي والا مقطع او رشدة جارية ووووو والله يسلمك


اقتباسالمشاركة الأصلية كتبت بواسطة sweet nonaتسلم ايديك على الموضوع المهم والدسم... الله يسلمك


اقتباسالمشاركة الأصلية كتبت بواسطة ليبيةماشاء الله لاقوة الا بالله موضوع ممتاز
ربي يسلم ايدياتك الحلوة على العصبان اليابس التحفة

الله يسلمك


شكرا على مروركم جميعا اسعدتوني

[بنت طبرق]

الله الله الله
تسلم ايدياتك ياحبيبة
اسمه عندنا عصبان شمس او لوايات

[أم إيناس3]

يسلمووووووووووووووووووووو

[lola9670]

للرفع

[luba]

تسلم ايديك ماشاء الله بارك الله فيك لك تقييمي

[luba]

للرفع

[أمـ ساره]

ماشاء الله شرح مفصل وطريقة حلوة
سلمت ايدياتك حبيبتهم
تم التقييم لك وللموضوع الحلو

[الصابرة]

سلم دياتك ماشاءالله
لكن تعرفي احنا انقولولهن عصبان الشمس