[مشاركة تشجيعية في ركن الأطباق الرئيسية الليبية ] مكرونة بصالصة لحم العيد من مطبخ Om Saga

**Om Saga** · 11-10-2011, 11:49 PM

السلام عليكم ورحمة الله وبركاااااااته

كل عام وأنتم بخير

كل مانزل موضوع بنعيد عليكم بااااااااهي ؟؟؟؟؟؟؟؟

لأن المشاركات مشاركات خاصة بالعيد المميز لأول مرة نحسو بيه

معناها ماتقولوش نفختنا روصنا بالمعايدة ههههههههه

نبدو في طريقة المكرونة بصالصة لحم العيد

سريعة وساهلة وسريعة وحلوة

خودي لحم وقطعية مربعات مش تكسدي فعلا تقطيعيه هههههههههه يضحكو عليك

المهم قطعيه مربعات وبعدين إغسلية وصفيه

بري توه خودي طاوة وحطي شوية زيت وشوية ضيفي البصل الجوانح زي إلي في الصورة

وبعد مايدبل شوية ضيفي اللحم وحركيه وغطية

تعالي بعدين حطي عليه ملقعة طماطم حوكة وحركيه ونصف ملعقة ملح وحركية وبعدين غطيه

وبعدها جيبي فلفل أحمر( بابريكا ) وحطي على حسب ذوقك

وضيفي بعدها شوية إمية نصف كوب ماء وآخر شئ البزار وغطيه

وبعد مايطيب لحمك وتبدأ الصالصة خاترة تم حطي حرارتك وفلفل أسود وخلاص

المكرونة :

خودي ماء وشوية زيت وملح وعلى النار طوالي طيعا هذا حطيه في الطنجرة

بعد الغليان حكي المكرونة وبعد ماإطيب

صفاها في الصفاي ومصمصاها بمية مصقعة

وبعد هذا جيبي السرفز إلي تبي تقدمي بيه

وحطي مكرونتك وبعدين الصالصة وهذا الشكل النهائي

وصحة على قلوبكم

في حفظ الله

**الساجدة لله** · 11-11-2011, 12:10 AM

تسلم يدياتك حبيبة على المكرونة الفايحة بلحيمات العيد صحة وهنا على قلبك

**Om Saga** · 11-11-2011, 12:14 AM

اقتباس
المشاركة الأصلية كتبت بواسطة الساجدة لله

تسلم يدياتك حبيبة على المكرونة الفايحة بلحيمات العيد صحة وهنا على قلبك

الله يسلمك ياسجوووووووووووود
نورتي الركن كله
ونستنى في مشاركتك يلا عاد أنشطي كسلتي شكلك ههه
نورتي ياغالية

**حبيبتهم** · 11-11-2011, 12:31 AM

ماشاء الله تسلمالايادي
انحبها هلبا المكرونة بالصلصة

بس عندي ليك نصيحة صغيرونة لكن ماتقوليش هذي تتفلسف عليا
بعد متابعتي لبرامج فتافيت البرامج الايطالية تعلمت
امية سلق المكرونة ماتديريلهاش زيت بيش تلصق الصلصة عالمكرونة
والمكرونة بعد تصفيتها ماتغسليهاش بالمية لانها تفقد المادة النشوية اللي عليها وماتلصقش عليها الصلصة
اول ماتصفيها حطي عليها شوية من دهان الصلصة والصلصة وحركيها فيها كويس

تحياتي

**مغتربة 7** · 11-11-2011, 12:57 AM

ماشاء الله صالصة بنة وصنة
تسلم الايادي

حبيبتهم مشكورة ياغالية على النصيحة عجبتني

كل عام وانتم بالف خير

**التا ئبه لله** · 11-11-2011, 01:27 AM

تسلم ايديتك ام سجو مكرينه زى مولاتها العسوله

خودى راحتك انفخيها لصبح هههههههههه

**ام تغريد** · 11-11-2011, 08:29 PM

ماشاء الله تبارك الله علي المكرينة اللي شكلها ايسفه ويجي في الخاطر

غر اعطيني العنوان وين راني في غريان

**Om Saga** · 11-11-2011, 09:18 PM

اقتباس
المشاركة الأصلية كتبت بواسطة حبيبتهم

ماشاء الله تسلمالايادي
انحبها هلبا المكرونة بالصلصة

بس عندي ليك نصيحة صغيرونة لكن ماتقوليش هذي تتفلسف عليا
بعد متابعتي لبرامج فتافيت البرامج الايطالية تعلمت
امية سلق المكرونة ماتديريلهاش زيت بيش تلصق الصلصة عالمكرونة
والمكرونة بعد تصفيتها ماتغسليهاش بالمية لانها تفقد المادة النشوية اللي عليها وماتلصقش عليها الصلصة
اول ماتصفيها حطي عليها شوية من دهان الصلصة والصلصة وحركيها فيها كويس

تحياتي

مشكورة جدا على المعلومة ياحلووووووو
وبعدين حاشاك من التفلسيف إنت نصيحة وفعلا صح كلامك
منورة ياغالية
نورتيني ياأختي
اقتباس
المشاركة الأصلية كتبت بواسطة مغتربة 7

ماشاء الله صالصة بنة وصنة
تسلم الايادي

حبيبتهم مشكورة ياغالية على النصيحة عجبتني

كل عام وانتم بالف خير

الله يسلمك غيغوووووووووووو
نورتيني ياغالية ياحب قلبي كله ههههههه

**Om Saga** · 11-11-2011, 09:21 PM

اقتباس
المشاركة الأصلية كتبت بواسطة التا ئبه لله

تسلم ايديتك ام سجو مكرينه زى مولاتها العسوله

خودى راحتك انفخيها لصبح هههههههههه

هههههههههههههههه باااااااااااهي ياتئوووووووووووب
نورتي الركن والمنتدى والموضوع
والله يسلمك يااااااااااااربي
اقتباس
المشاركة الأصلية كتبت بواسطة ام تغريد

ماشاء الله تبارك الله علي المكرينة اللي شكلها ايسفه ويجي في الخاطر

غر اعطيني العنوان وين راني في غريان

هههههههههههههه نهار بيض بجديات إنتي من هنيا وووووووووووووك
لا نعرفك ولا تعرفيني ههههههههههههههههه
نبصر عليك تشرفت ببنت بلادي ... والعنوان نسيته توه يروح إبن عمي توه نقوله
أعطيني عنواني ونقولك هههههههههههههههههههه
نورتي ياعسووووووووووول