[كعك اليويو]من مطبخ خدوج

**خدوج** · 11-13-2011, 04:25 PM

كعك اليويو

اليويو زى مانسموا فيه بالليبيى وفيه بلدان تانيه تقوله دونات
بس الليبى مافيش خميرة العجن ونتعهم فيه

المقادير

4 بيضات
كوب زيت
كوب سكر
ملعقة كبيرةB.P(زرف)
2 ملاعق كبيرة خل+فانليا
كوب حليب
دقيق حسب العجين الى ان يتماسك العجين كانك بديرى كعك
وبتحسيه يلصق شوى مش هلبه
مافى مشكلة حطيه بالثلاجة شوى يعنى نص ساعة

فى العجن استعملت العجانة
حطيت البيض والسكر والزيت والفانليا والخل وبالمضرب الشبكى الى ان يتجانس وبعدها حطى الحليب وخلطى بعدها الدقيق شوى شوى والبيكنج بودر لين يتماسك العجين ودخليها الثلاجة
نص ساعة

وبعد خروجها من الثلاجة خدى قطعة صغيرة من العجين وابرميها على طاولة الشغل كانك بديرى
كعك وحطى فى حسابك انها تنتفخ وكعكيها وسكريها كويس باش ماتنفتح لمن تنقلى
والصور توضح

ونجهزو صفرة مدهونة زيت كل ماندير كعكة نحطها فيها
بس زمان كان طول طول يعنى الكعكة اللى نديروها نرموها فى الزيت تقول من يجرى فى جرتك
بعدين لقيت حكاية الصفرة خير

ويكون الزيت سخون عالنار ونحط فية اليويو

ونقلبو لين يتحمر
وماشاء الله ينتفخ لين يتشقق تقولى يضحك

وبعدين قلتين غيرى الزيت لانه يبد يكشكش وحالة
ونجهز الشراب ونحط فيه اليويو

وياسلام عالخفة والهشاشة وكولى احلى يويو
وتمتعوا بالصور

من الداخل

زووووووووووووووووووووووووووووووووووووووووووووووووو ووووووووووووووووووم

وصحتين وعافية

**زهرة البنفسج** · 11-13-2011, 04:28 PM

ماشاء الله شكله في غاية الروعة ربي يباركلك فيه

**حبيبتهم** · 11-13-2011, 04:33 PM

تسلم الايادي يا خدوج

الفرق بينه وبين الدونات ان الدونات فيها خميرة واليويو فيه بيكنج بودر

**ليبية حرة** · 11-13-2011, 04:53 PM

يسلموووووووووووووو ياحبوبة يجنن...

**الساجدة لله** · 11-13-2011, 05:56 PM

تسلم يدياتك ياغالية واسمه يهبل زي طعمته

**ام تغريد** · 11-13-2011, 07:36 PM

تسلم ايديك خدوج شكله مش عادي يهبل وبنتي تغريد تستادنك وبتاخد طريف

**ناني2007** · 11-13-2011, 08:07 PM

يسلمو ايديك غاليتي خدوج ...الكعك طالع في منتهى الروعة

**أم ميوسة** · 11-13-2011, 08:28 PM

الله يهبل وأحلى حاجة لما وصفتيه أنه يضحك ههههههه

تسلموا ايدياتك

وصحتين

**خدوج** · 11-14-2011, 12:48 AM

اقتباسالمشاركة الأصلية كتبت بواسطة الغربة صعبةماشاء الله شكله في غاية الروعة ربي يباركلك فيه

يسلمك مرورك الاروع ياحبيبة
وفيك بارك الله

اقتباسالمشاركة الأصلية كتبت بواسطة حبيبتهمتسلم الايادي يا خدوج

الفرق بينه وبين الدونات ان الدونات فيها خميرة واليويو فيه بيكنج بودر

يسلمك حبوبة
الفرق اظن مش خميرة لانى نسيت ومانقدر ناكدلك
بس اختلاف كبير حتى فى الطعم
ويسلملى مرورك

اقتباسالمشاركة الأصلية كتبت بواسطة ليبية حرةيسلموووووووووووووو ياحبوبة يجنن...

تسلمى يااميرة
كلك ذوق
اقتباس
المشاركة الأصلية كتبت بواسطة الساجدة للهتسلم يدياتك ياغالية واسمه يهبل زي طعمته

سجودة ياحبيبة
كلك ذوق
اسعدنى تواجدك جدا

اقتباسالمشاركة الأصلية كتبت بواسطة ام تغريدتسلم ايديك خدوج شكله مش عادي يهبل وبنتي تغريد تستادنك وبتاخد طريف

ام تغريد
الصحن كله لتغريد مش طريف
ربى يحفظها ويباركلك فيها

اقتباسالمشاركة الأصلية كتبت بواسطة ناني2007يسلمو ايديك غاليتي خدوج ...الكعك طالع في منتهى الروعة

تسلمى نونة
مرورك الاروع يالغلا
اقتباسالمشاركة الأصلية كتبت بواسطة أم ميوسةالله يهبل وأحلى حاجة لما وصفتيه أنه يضحك ههههههه

تسلموا ايدياتك

وصحتين

تسلملى حبوبة
اكيد يضحك شفتيه كيف مبين سنونه
وايديك حبوبة
وشكرا لتواجدك معى