[تمت الاجابه]عصيدة باللوسة

[زهرة البنفسج]

لوسمحتم اللي تعرف العصيدة باللوسة والقرقوش والبيض المشكلة قد ماقالوهالي مافهمتهاش ارجو من اي اخت تعرفها ان تطبقها بالصور لكي استفيد ويستفيدو البنات وشكرا مقدما

[ام تغريد]

اسفة ما سمعتش بيها قبل

[الساجدة لله]

للاسف مانعرفهاش

[ام ليبيه حره]

جيرننا يديروا فيها في النفاس
هي عبارة على عصيدة بطبيحة زي شكشوكة بالقديد و البيض
بس انا ما حبيتهاش

[مغتربة 7]

اهلين حبيبة
ندكرها زمان انديروا فيها
العصيدة ما تكونش رطبة هلبة
واللوسة تقدري اديري نفس الايدام متع زوبة

http://www.libyan-kitchen.com/kitche...ead.php?t=1029

يارب انكون فدتك

[ام انس]

السلام عليكم :عزيزتي هي عبارة عن عصيدة بالطبيخة والقديد او القرقوش بالنسبة لينا يعني عيلتنا نحبوها هلبا واكلتنا المفضلة خصوصا في فصل الشتاء وهي ساهلللللللللللللللللللللللة عالاخر يعني كاني اطيبي في ايدام بالدحي والقديد بس تصبيه مع العصيدة ,الفرق الوحيد انه عصيدة الايدام تكون يابسة شوي يعني مش رطبة زي عصيدة الرب.
الطريقة : تحطي شوية زيت في الطنجرة مش هلبا لانك حتحطي القديد مع الشحم , بمجرد ان يسخن الزيت حطي طريفات القديد مع شحمهم وحطي معاه بصلة صغيرة مفرومة وحبة طماطم مكعبات وقلبي شوي الى ان يدبل ولما يدبل البصل والطماطم اضيفي 2 ملعقة معجون الطماطم وم صغيرة فلفل وربع م صغيرة بزار وقلبي وبعدين اضيفي نصف كاسة ماء وخليها تغلي شوي وبعدين امرقيها بالماء وخليها تغلي .في هالاثناء جهزي العصيدة اللي زي ما قتلك تكون يابسة شوي مش رطبة.اضيفي للطبيخة حبة بطاطا مقطعة انصاف طويلة *وخليها تغلي الى ان اطيب البطاطا وتختر الطبيخة.(طبعا مسالة اختيارية :قبل ما تطفي عالطبيخة بشوي افقصي فيها دحيات وبدون ماتحركيهم لين ايطيبوا وايضا اضيفي حبيبات حلبة تعطي بنة حلوة تخليها فايحة) (وبالنسبة ليا نحب نحط في الاخر شوية حلبة ومانحبش نحط الدحي).
المهم لما تختر الطبخة ويطيب الدحي تاخدي شويا من الدهان وتتصبيه فوق العصيدة وصبي بعدين الطبيخة وصحتين علي قلبك وانشاء الله تجربيها.
نسيت الملللللللللللللللللللللللللللللح ماتحطيش هلبا لان القديد مالح.

[زهرة البنفسج]

بارك الله فيكم

[nonna]

اول مرة نسمع بيها بس منكم نستفيدو وبارك الله في الأخوات

[أمـ ساره]

الغربة حتى اني نسمع بيها بس وهنا في مسلاته ايديروا فيها هلبة

وزي ما قالولي انها زي البازين لكن طبيختها بالقرقوش مش باللحم

والعصيدة نفس الطرقة المعروفة عادي


وياريت لو وحدة من الاخوات اديرها وتنزل لنا الموضوع بالصور حتى نستفيد