صفحة 1 من 13 12311 ... الأخيرةالأخيرة
النتائج 1 إلى 10 من 122

الموضوع: [ دعوة للاجابة والاستفادة ]ما هو أكثر جهاز من اجهزتك المنزلية أستفدتي منه أو ندمتي على شرائه؟

  1. #1
    الصورة الرمزية شاطئ بلا رمال
    عضوة مبتدئة

    الحالة
    غير متصل
    تاريخ التسجيل
    Sep 2011
    الدولة
    في قلب ليبيا عروس البحر
    المشاركات
    104
    معدل تقييم المستوى
    13

    [ دعوة للاجابة والاستفادة ]ما هو أكثر جهاز من اجهزتك المنزلية أستفدتي منه أو ندمتي على شرائه؟

    السلام عليكم حبوبات




    كيف حالكم جميعا إن شاء الله بخير

    نرجو منكن جميعا المشاركه لتعم الفائده ونتبادل الخبرات جعلها الله في ميزان حسناتكم
    فكرة الموضوع كل وحده تكتب الأجهزه المنزليه اللي إشترتها وكانت سر سعادتها ومميزاتها
    والأجهزه المنزليه اللي ندمت على شرائها وركنتها وما أستفادت منها وإيش السبب ياترى؟؟

    لتعم الفائده

    حبوبات ما تفشلوني لازم تشاركو

    التعديل الأخير تم بواسطة الساجدة لله ; 11-25-2011 الساعة 07:58 PM
    إنحبك يا بلادي
    قلبي كله لليبيا
    ونتمناها تكون أحسن بلاد في الكون
    بنشوة العبادة وعزة الشهاده
    نخط فيها أحرفا عنوانها السعاده
    اللهم ارحم أبي واجمعنى به فى جنتك
    وإيش حيلتى إذاشتقت لغاليين تحت الثرى ما عاد فيهم رجوووعى


  2. #2
    الصورة الرمزية شاطئ بلا رمال
    عضوة مبتدئة

    الحالة
    غير متصل
    تاريخ التسجيل
    Sep 2011
    الدولة
    في قلب ليبيا عروس البحر
    المشاركات
    104
    معدل تقييم المستوى
    13

    افتراضي

    نبدأ بنفسي

    الأجهزه اللي أستفدت منها فعلا

    غسالة الملابس أوتوماتيك لولاها مش عارفه شن كان صار فيا نشغل فيها يوميا أكثر من مره توصل حتى 5 مرات

    مكنسه كهربائيه باناسونيك 1800 وات ممتازه متع كيس القماش اللي ينغسل

    جهاز مولتي تريو من مولينكس ( ست البيت ) فعلا إتدير كل شي زي ست البيت ندير فيها الهريسة الفلفل الحار والسلطه المشويه والبابا غنوج والحمص بالطحينه والخبزه اليابسه نرحيها فيها ( البقساط ) والبسكويت متع التشيز كيك وتهروش المكسرات أو ترحيها ناعمه و و و و ... ممتازه بصراحه

    الفرامه الكهربائيه مولينكس ماعادش نستعمل فيها هلبه بعد ماخديت المولتي تريو

    ماكينة التوست مسكينه خلااااص بنحولها على التقاعد وبنشري وحده جديده ممكن تكون الشوايه الكهربيه

    خلاط الكيكه (وفيه قطع متع العجينه الخفيفه نستعمل فيه لعجن السفنز والعجاين اللي زي هكي) جبته من ألمانيا مش عارفه شن أسمها الماركه ممكن شياترونيك؟؟ مع إني ندمت على شراه لأنه غالي ولأني كنت نبي عجانه لكن إستفدت منه

    خلاط الفروبي ( البلندر أو خلاط الإبريق ) من مولينكس ومعاه القطع اللي ترحي التوابل، ندير فيه حتى في خليط الكيكه العاديه والبسبوسه والكريب (مسكين) لين إنتحر

    ونسيت ماكينة الرشته (الباستا) عندي (K T C) وحتى هيا الرشته متاعها رقيقه تجي، قبل كنت نبي ناخد هومر ومالقيتهاش لما جيت نبي نشري، ومن يومها ماعادش نشري في الرشته الواتيه أبدا نستعمل فيها حتى لسبك عجينة الرشته نفسها ( طريقة أمي ) تنسبك العجينه كويس وماتلصقش الخيوط في بعضها متع الرشته لما تقصيها بالجهه متع الرشته وما تعجنش وهيا على بعضها ونستعمل فيها لعجينة اللازانيا الفرش بالبيض ( الباستا بصفه عامه ) والدبله ...إلخ

    الترموسكان جهاز قياس الحراره عن طريق الأذن من براون ممتاز جدا مع الأطفال يقيس الحراره الداخليه للجسم في ثواني

    الأجهزه اللي ندمت على شرائها وقعدت زي الهم على القلب مركونه ومدايره زحمه وخلاص

    قلاية الكهربائيه تيفال لما نقلي أي حاجه تطلع ريحه قويه متع القلي مع إنها فيها فلتر ينغسل بعد كل إستعمال لكن ماعجبتنيش مش عارفه علاش وتاخد هلبه زيت بصراحه ( دمها رزين )قاعده مركونه

    عصارة الفواكه من فيلبس والله كويسه بس كنت نعصر فيها للصغار لما كانو بيبيات على أساس عصير فرش صحي ولما كبرو ماشاء الله مايحتاجش الموضوع للعصر

    الميكرو ويف من بلاك أند ديكر كل ما نصلحه قريب 5 مرات يرجع يتعطل ماهناك ما استعملته تسخين مره مره يبدولي إنه ماركة بلاك أند ديكر في الكهربائيات مش أوي فيه غيري شكو منها مركون يبي التصليح ماعادش نحب حتى نشوفه

    مكيفات الهومر الصغار كل دار فيها واحد وفي الصيف ولا كأنه الحوش فيه مكيفات

    مكواة البخار العاديه كلها عيوب وأكبر عيب وزنها( نستعمل توا في المكواة العاديه مع النشا متع الملابس أو بخاخ الميه العادي )

    الغلايه الكهربائيه ( الكاتل ) مدايرلي عقده إلا الميه نحب سنخنها ونغليها على الغاز؟؟

    مكواة الشعر بالبخار من روينتا حسيتها ضعيفه الكوي متاعها مش أوي زي قلتها

    شاحن البطاريات كلام فاضي متع دعايات هو والبطاريات متاعه

    الأجهزه اللي نفكر نشريها وإن شاء الله نستفيد منها فعلا

    عجانه عرفت قيمتها في الأزمه كنت نعجن يوميا وفيه أيامات مرتين في اليوم شهور تعذبت لين مفاصلي ذابت
    غسالة الصحون خاطري ندلع روحي تعاون خصوصا في رمضان ووقت العزومات
    شوايه كهربائه
    طاجين البيتزا الكهربائي وفرن كهربائي وفيه الغاز الكهربائي مش فرنيلو هذا اللي بالموجات تقريبا هو زجاجي مش عارفه شن يسموه فيه فتره جابوه في الأسواق وبعدين أختفى عاجبني هلبه وفي الأزمه ندمت عليه اللي ماخديتاش
    وكانت من ضمن أحلامي ومخططاتي محضرة الطعام من تيفال مش عاديه لكن توا لما خديت المولتي تريو تأجلت وممكن إلتغت حسب الظروف.
    ماكينة خياطه واحده من أحلى أحلامي، نحب الخياطه من وأني صغيره ومش محظوظه مع الخياطين

    التعديل الأخير تم بواسطة شاطئ بلا رمال ; 11-20-2011 الساعة 11:27 AM
    إنحبك يا بلادي
    قلبي كله لليبيا
    ونتمناها تكون أحسن بلاد في الكون
    بنشوة العبادة وعزة الشهاده
    نخط فيها أحرفا عنوانها السعاده
    اللهم ارحم أبي واجمعنى به فى جنتك
    وإيش حيلتى إذاشتقت لغاليين تحت الثرى ما عاد فيهم رجوووعى


  3. #3
    الصورة الرمزية مغتربة 7
    مراقبة عامة سابقة

    الحالة
    غير متصل
    تاريخ التسجيل
    Dec 2010
    الدولة
    فى الغربة
    المشاركات
    3,583
    معدل تقييم المستوى
    25

    افتراضي

    وعليكم السلام
    موضوعك يجنن حبيبة
    لي عودة بإذن الله


  4. #4
    الصورة الرمزية ام عبودي
    منتسبة جديدة

    الحالة
    غير متصل
    تاريخ التسجيل
    Oct 2011
    الدولة
    تاجوراء
    المشاركات
    4
    معدل تقييم المستوى
    0

    افتراضي

    السلام عليكم حبيت انشارك لان فكرة الموضوع حلوه اكثر حاجة استفدت منها وماندمتش علي شرائها مع ان زوجى ضحك لما شريتها وقال شني بديري بيها مش مهمة ((( فرنيلو))) كان سعره اربع دينار فقط اشتريته من سنتين وبصراحة لقيته زي الرحمة وقت ازمة الحرب وانقطاع غاز الطبخ تعرفو ان سعره ارتفع ووصل الي 25 دينار يعني زاد 21 دينار وبصراحة انقدني وقت الازمة. ثاني حاجة واهم حاجة وننصح كل ام تشتريها غسالو ال جي اتوماتيك بصراحة حدث ولا حرج حطي الغسيل والصابون وانسيه لين اتصفر لما اتكمل علي راي امي اتقول اللي اخترعها كافر بس حصل دعوات خير.
    واللي ندمت عليها ودرت البلاء حتي شريتها وتوه تقعد بالشهرين منستعملهاش هي مكواة البخار شريتها من المهاري ب 140 دينار توه قاعدههههههههههههههههههه في تركينه من العيد للعيد بيش نستعملها وكان مشريتهاش راهو طلعت في نخلة.


  5. #5
    الصورة الرمزية خدوج
    مراقبة ركن الحلويات الليبية

    الحالة
    غير متصل
    تاريخ التسجيل
    Dec 2010
    الدولة
    غدامس..عروس الصحراء
    المشاركات
    1,710
    معدل تقييم المستوى
    18

    افتراضي

    انا مهووسة الات كهربائية
    لمن تعجبنى الة وراها لين اشتريها
    عندى شواية كهربائية
    مكنسة كهربائية
    الة توست
    الة الدونات
    قلاية كهربائية
    خلاط العصائر مع خلاط صغير للبهارت
    مضرب كهربائى للكيك
    مفرمة لحم متكاملة (مولينكس)معها خلاط العصير وخلاط صغير للبهارات
    ومعهاعصارة برتقال ومبشرة(احجام)
    ست البيت
    خلاط عمودى مولينكس
    واخيرا خديت عجانى كينود اظنها(شيف) لان معها سيدى مكتوب عليه شيف
    وان شاء الله كل مرة اركب لها قطعة
    مكيف جنرال
    مكيف ال جى
    غسالتى عادية وعقبال التوماتيك
    مكواة بخار عادية
    مكواة سيراميك مااعرف ماركتها صغيرة بس خيالية
    مكرويف واستفدت منه فوق الوصف
    فرن كهربائى(كوشة عادية) مايعجبنى لان اخاف منه
    وان شاء الله مانسيت شى
    اذا فيه شى ندمت عليه قلاية البطاطا لانها تستهلك زيت هلبه
    طنجرة البيتسا
    الفرن الكهربائة لان ى نخاف من استعماله(نقطة ضعف)
    كان عندى وعطيته بس ايام الازمة الله لايعيدها ومافى غاز خديته وياريت ماخديته
    لان الضى هرب ههههههههههه وماستفدت منه ابدا
    والحمد لله
    وان شاء الله كان تفكرت حاجة نكتبها
    وشكرا ياشاطى عالموضوع
    تذكرت عندى قوالب حلويات حدث ولاحرج

    التعديل الأخير تم بواسطة خدوج ; 11-17-2011 الساعة 05:41 AM


  6. #6
    الصورة الرمزية خدوج
    مراقبة ركن الحلويات الليبية

    الحالة
    غير متصل
    تاريخ التسجيل
    Dec 2010
    الدولة
    غدامس..عروس الصحراء
    المشاركات
    1,710
    معدل تقييم المستوى
    18

    افتراضي

    اقتباسالمشاركة الأصلية كتبت بواسطة ام عبوديالسلام عليكم حبيت انشارك لان فكرة الموضوع حلوه اكثر حاجة استفدت منها وماندمتش علي شرائها مع ان زوجى ضحك لما شريتها وقال شني بديري بيها مش مهمة ((( فرنيلو))) كان سعره اربع دينار فقط اشتريته من سنتين وبصراحة لقيته زي الرحمة وقت ازمة الحرب وانقطاع غاز الطبخ تعرفو ان سعره ارتفع ووصل الي 25 دينار يعني زاد 21 دينار وبصراحة انقدني وقت الازمة. ثاني حاجة واهم حاجة وننصح كل ام تشتريها غسالو ال جي اتوماتيك بصراحة حدث ولا حرج حطي الغسيل والصابون وانسيه لين اتصفر لما اتكمل علي راي امي اتقول اللي اخترعها كافر بس حصل دعوات خير.
    واللي ندمت عليها ودرت البلاء حتي شريتها وتوه تقعد بالشهرين منستعملهاش هي مكواة البخار شريتها من المهاري ب 140 دينار توه قاعدههههههههههههههههههه في تركينه من العيد للعيد بيش نستعملها وكان مشريتهاش راهو طلعت في نخلة.


    هلا ام عبودى
    على ذكر الفرنيلو وصل عندنا سعره 50 دينا قسم بالله
    وشريته مرتين الاول فسد
    بس الحق ندمت عليه تطيبه يزيد الضغط
    والغسالة هى المميزة وتبيدى حاجاتك بالهنى



  7. #7
    الصورة الرمزية الساجدة لله
    مراقبة سابقة

    الحالة
    غير متصل
    تاريخ التسجيل
    Nov 2010
    الدولة
    ليـــــبـــــيا أرض الرجال
    المشاركات
    4,780
    معدل تقييم المستوى
    21

    افتراضي

    مهوووسة الات مطبخية وغير ومطبخية الحمدلله مافيش حاجة ندمت عليها الا الفير متع الشعر ماركة فيلبس مع انه غالي خديته ب70 دينار وللاسف كل القطع لا تصلها الحرارة اطريت نستخدمه بدون قطع يعني الحديدة اللي تتركب فيها انواع الفرش على طول هي اللي نلوي بعا شعري اما باقي الحاجات الحمدلله مستفيدة منهم :
    الة تست
    الة دونات
    الة الوافل
    شواية كهربائية
    محضرة الطعام المتكاملة من تيفال فيها خلاط وتوابعه وست البيت ومبشرة وعصارة الفواكه
    وصفاي يجفف الخضار وايضا تبرش الثلج انا وحدة من الناس نحب الثلج ناكله
    الة الايس كريم مفيدة ونستعمل فيها حتى الزبادي المثلج
    الة المرقاز ونحشي بيها وممتازة
    مفرمة اللحم من تيفال فيها ايضا مبشرة للخضار وفورمة البسكوت او الكعك
    عجانة من سيفيرين ممتازة
    مضرب الكيك من سيفيرين
    قلاية البطاطا اللي تقلي 1 كيلو بطاطا بملعقة زيت وحدة مممممممتازة وفادتني لاني اندير فيها حاجات تانية زي الكروكيت والجمبري بانية وقطع السمك ونوع الزيت انا نحدده سواء نباتي او درة او زيت زيتون
    وكل ماندكر حاجة نكتبها
    وبالنسبة للغاز والكهرباء الحق اكتر حاجة نخاف منها هي الفرن متع الغاز هههههههههه نقطة ضعفي بمبلي الغاز هههههه نخاف منها والله المستعان والحافظ ربي لذلك الكوشا والفرن كله كهرباء في كهرباء وايام انقطاع الكهرباء نستعمل الغاز متع عزوزتي القديم وفي ايام رمضان استعملت حتى الفحم وطيبت عليه الخبزة والبيتزا هههههه وتقريبا كل شئ طيبته على الفحم هههههههههه ذكريات الحرب الله لايردها يارب بس مازال في الات في بالي نبي ناخدها وكل ماندكر حاجة نجيكم طووووول نكتبها

    اما اكثر الة ليها معزة خاصة في قلبي هي الة البيتزا او حلة البيتزا اللي نصحتني بيها
    الغالية على قلبي السمحة الله يرحمها ويغفرلها ويحسن اليها وشريتها بعد مانصحتني بيها وقالتلي على طريقة استعمالها الحق الالة اصبحت عزيزة عليا هلبه فوق ماتتصورو

    اللهم ارحم واغفر للغالية السمحة اللهم تجاوز عنها يــــارب العالمـــين











  8. #8
    الصورة الرمزية ام صهيب
    عضوة مبتدئة

    الحالة
    غير متصل
    تاريخ التسجيل
    Feb 2011
    الدولة
    بريطانيا
    المشاركات
    258
    معدل تقييم المستوى
    14

    افتراضي

    موضوع قنين الحق
    صحيتى على فتح الباب
    شوفى انا عندى طنجرة الكهربائية الله الله تهبل ديرى ضولمة والا لحم والا امبكبكة ماشاء الله اطيبة ايهبل وانسيها نهار ما تشيط بروحها لما ايطيب يتسكر
    سخان المية الكاتل مريح
    غسالة الماعين بما انى نكرهم والجفاف ولا هم النشر
    قلايا انا ماشية معى
    فرامة وهراسة وطحانة براون مرتاحة معها فى هلبه حاجات
    اللى ندمت عليه ماكينة التوست طنجرة الكهربائية امتاع البخار وهدا اللى نتفكر فيه




    اللهم استودعك نفسى وزوجى واولادى واهلى
    امانة عندك فاحفظنا من كل ما يؤذينا
    واحمنا من اعين الانس وانفس الجن
    واجعل اولادى قرة عين لى ولى زوجى

  9. #9
    الصورة الرمزية ام عبدالمعز
    عضوة نشيطة

    الحالة
    غير متصل
    تاريخ التسجيل
    Nov 2010
    الدولة
    بين اهلي واحبابي
    المشاركات
    1,223
    معدل تقييم المستوى
    16

    افتراضي

    اعتقد كل النساء مهوسين بالالات الكهربائية

    الغسالة الاوتوماتيك بصراحة رحمة اختصار للوقت والجهد

    المكنسة الكهربائية مولينكس متاع القردل بصراحة روعة لها سنين عندي وماشاء الله عليها واهم حاجة مش محتاجة اكياس لما يتعبي القردل فرغيه

    ست البيت من هومر روعة صراحة ومانستغناش عليها رغم انها رخيصة لكن ممتازة

    مفرمة مولينكس متاع الضغط وللوز متاع البكلاوة كويسه حتي هي الصراحة استفدت منها هلبة

    ومفرمة مولينكس متاع اللحم حتي هي كويسة حتي لرحي الفلفل الاحمر متاع الهريسة ياسلام

    مضرب الكيك الصراحة روعة

    عصارة البرتقال مولينكس حتي هي روعة

    الة التوست الصراحة صغاري عقلهم

    فرني بالكهرباء وانا عندي احسن من الغاز

    اللي ماستفدتش منها هي البوقيدني متاع الشعر عندي ينحط في الكهرباء لكن الحق مااستخدماتش هلبة

    هذا اللي تفكرته كان تفكرت حاجة ثانية توا نولي





    اللهم اعني علي ذكرك وشكرك وحسن عبادتك



  10. #10
    عضوة مبتدئة

    الحالة
    غير متصل
    تاريخ التسجيل
    Dec 2010
    الدولة
    اللهم تبتنى على الايمان وجعلنى من دخلة جنة النعيم واجعلنى من اصحاب اليمين انا وولدى وجميع المسلمين و
    المشاركات
    441
    معدل تقييم المستوى
    16

    افتراضي

    موضوعك حلو والله اسلوبك فى السرد محلاه ليا عوده بادن الله

    سلامٌ اذا حان وقتَ مماتي ..وغطى الترابُ الطهور رفاتي..
    وصِرتُ بظلمةِ قبري وحيدًا ..ولا من شفيع سوى حسناتي ..
    فلا تذكروني بسوءٍ فيكفي ..الذي قد جنيتُ طوال حياتي ..
    دعوني أنم في قبري سعيدًا ..وعذرًا عن كل ماضٍٍ وآتي






    http://www.balligho.com/contribute.htm

صفحة 1 من 13 12311 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك