[طلب]طريقة البازين والرز المرجع

[ام ساره وعبدالعزيز]

السلام عليكم وكل عام والجميع بخير
ياريت يابنات تساعدني نبي طر يقة الرز المرجع بالتفصيل لنفرين هذا طلب طبعا للاخوات الشرقاويات وطلب من اللاخوات الغرباويات طريقة البازين لنفرين
ياريت تردنا على بسرعة قبل ما يكمل لحم العيد في الشوا

[ام ساره وعبدالعزيز]

هكى تزعلونى وما حد يرد على

[سراب]

اختي ام سارة وعبد العزيز بالنسبة للارز المرجع اول مرة نسمع بيه اما البازين ندير فيه لكن عينك ميزانك مانعرفش نكيل فيه استني شوية اكيد فيه اخوات ادير فيه بمكيال

[زينب محمد]

[ البازين بلحم الخروف و طبيخة البطاطا ] من المطبخ الليبي لزينب محمد

[ البازين بطبيخة الفول ] من المطبخ الليبي لزينب محمد

[ الرز المرجع باللبن ] من مطبخ السمحة

[ام ساره وعبدالعزيز]

اقتباسالمشاركة الأصلية كتبت بواسطة سراباختي ام سارة وعبد العزيز بالنسبة للارز المرجع اول مرة نسمع بيه اما البازين ندير فيه لكن عينك ميزانك مانعرفش نكيل فيه استني شوية اكيد فيه اخوات ادير فيه بمكيال مشكورة حبيبتى بارك الله فيك

[ام ساره وعبدالعزيز]

اقتباسالمشاركة الأصلية كتبت بواسطة زينب محمد[ البازين بلحم الخروف و طبيخة البطاطا ] من المطبخ الليبي لزينب محمد

[ البازين بطبيخة الفول ] من المطبخ الليبي لزينب محمد

[ الرز المرجع باللبن ] من مطبخ السمحة
مشكورة عمرك ما قصرتي

[ليبية حرة]

ياحبوبة أول مرة نسمع بيه الرز المرجع

[Om Amory]

الأخت زينب ماقصرت

[saliamr]

اختي ام سارة نقدر نفيدك بالرز المرجع بس البازين مازلت ما درته
وإن شاء الله حنحط موضوع للرز المرجع بالصور قريب

أول شي اديري المرق حطي قيس لتر اميا وكان زاد المرق بعد اتحطيه مش مشكلة تلاقيه لشي ثاني
حطي اللحم مع بصلة صغيرة وحبة طماطم صغيرة طبعا قصيهن نصين بس ومعاه ملح وكركم وخليه على نار متوسطة نين اللحم يطيب
بعد تصفي المرق خوذي منه كباية على كبايتين لبن والأحسن يكون اللبن حامض
حطيهن ع النار واضبطي الملح على حسب ما تحبي
بعدين تجيبي نص كباية رز ولما تحسي ان المرق سخن وقرب يغلي حطي الرز وحركي
يفضل طبعاً انك تحركي بمحراك لوح وخلي يدك قريب من الطنجرة اللي لازم تكون واسعة عشان ما يفور المرق برا
بعد 5 دقايق من التحريك المتواصل هدي النار واقعدي كل دقيقتين ثلاثة تحركي الرز براحة
وخلال نص ساعة حيكون الرز خثر وطاب كويس
حطيه في رباعة واسعة وزيدي عليه سمن وخلي تبسي صغير في سمن ورب على جنب للي يحب الرب
وصحتين إن شاء الله

يا رب نكون فدتك وامانة كان درتيه صوريه لنا وحطي بيش نتغدوا معاك