[مشاركة العيد لمعرض الاجهزة والادوات الكهربائية ] المكنسة الكهربائية من (kirby) من مطبخ أم يمنى

**أم يمنى** · 11-21-2011, 03:13 PM

السلام عليكم ورحمة الله وبركاته

جايبتلكم اليوم هذه المكنسة , من يوم شريتها من ثلاث سنين وانى نحرث عليها , وما عمرها تعطلت ولا صارلها حاجة , مش عادية , ( دعاية ) .

وهذه الصور توضح لما نكنس بيها وبعدين نغسل السجاد ووضحت كيف صارت بعد الغسيل ,

المكنسة مش عادية ومش عارفة نزلت ليبيا والا لا , اللى عندها فكرة تقولى .

اكسسواراتها هلبة , هذا البوكس متع الصابون والمية لما بنغسل السجاد نركبه فيها ,

وهذه الصورة لبوكس الصابون و ألة لحك الرخام متع المطبخ لو فيه دهن .

وهذا الصابون الخاص بالمكنسة ولا تقبل صابون غير هذا ماركة كيربى .

هذه تتركب فى المكنسة لانها خاصة بالغسيل والشطف .

هذا لما غسلت السجاد ورغوة الصابون باين ع السجاد .

وهذه الفالحة لما لمت الصابون وشطفت السجاد من المية .

وتكنس السيراميك بفلاحة ونظافة , وماتخليش ولا فتفوتة , بصراحة استريحت وين شريتها هلبة , وفيها اكسسوارات ثانية ماصورتهاش , منها خرطوم لمسح الغبار عن الستائر , وحتى أداة صغيرة لتدليك الكتفين , وغيرها أدوات أخرى .

وسلامتكم , يلا نبى رأيكم .

**ام تغريد** · 11-21-2011, 04:42 PM

الف الف مبروك عليك المكنسة والغسالة تبيديها بالهني

واحني في ليبيا نحمدو ربي ونشكروه اللي لاقيين المكنسة بروحها

وان شاء الله في الجديد نشوفو الجديد

**الساجدة لله** · 11-21-2011, 04:59 PM

تسلمي ياام يمنى على الموضوع وماشاء الله المكنسة هذه روووووووووووووعة تبيديها بالهني وبارك الله فيك لانك نزلتيها ياغالية مكنسة تستحق التقييم والتمميز

**مغتربة 7** · 11-21-2011, 07:44 PM

ماشاء الله مشاركة مميزة
ان شاء الله تتهني بيها يارب

**شاطئ بلا رمال** · 11-21-2011, 08:07 PM

ماشاء الله لاقوه إلا بالله
إن شاء تتهني بيها
ومننحرموش من مشاركاتك
حماتي عندها وحده تكنس وتغسل البساطات لكن مش عارفه الماركة
تشكر فيها حتى هيا
تحياتي

**خدوج** · 11-22-2011, 01:09 AM

قل هو الله احد
اللهم بارك لام يمنى فى مكنستها الكهربائية
تعرفى ام يمنى ابعتيهالى حتى كان ليها 3 سنين
انى راضية بها
وانت خودى جديدة ههههههههههههههههه
ماشاء الله
وزى ماقالت ام تغريد
باهى اللى فيه حتى المكنسة كان زاد شهرتانى(عمورة) خلانا
نكنسو بالسباط والكازيوه(مكنسة تصنع من مخلفات النخيل سابقا)
خخخخخخخخخخخخخخخخخخخخخخ صح يابنات
ايوه صح

**saliamr** · 11-22-2011, 07:58 PM

ماشاء الله، الله اكبر
الصراحة نا ماكنتش مقتنعة بيهن المكانس اللي يغسلن الفرش حستهن دوة فاضية وخلاص
بس مكنستك ماشاء الله عليها إن شاء الله توا نسأل المحلات اللي هنا بلكي يقدروا يجيبوهن بالوصى

**أم يمنى** · 11-22-2011, 11:13 PM

تسلموا حبوبات ع الردود والتقييم صحيتوا :

خدوج : ضحكتينى يعطيك الصحة ,

سالى : أقتنعى حبيبتى , المكنسة ماعليها كلام , تكنس وتنظف وتغسل السجاد ومريحة بشكل مش عادى , وحتى سعرها فيها
((5000 دولار )).

**أمـ ساره** · 11-23-2011, 01:56 AM

ما شاء الله لاقوة الا بالله

ماكينة مش عادية تبيديها بالهني حبوبة

واني عند ماركة فيليبس حتى هي شبيهة بـ متاعك تقريباً

الا آلة تدليك الكتفين ما فيها شريتها بروحها ههههههههههههههههههههه

وبصراحة مريحة هلبة هلبة هالماكينة وخاصة في غسل البساطات

موضوع حلو ومميز أم يمنى

**مغتربة 7** · 11-23-2011, 03:03 AM

المشاركة الأصلية كتبت بواسطة أم يمنى

تسلموا حبوبات ع الردود والتقييم صحيتوا :

خدوج : ضحكتينى يعطيك الصحة ,

سالى : أقتنعى حبيبتى , المكنسة ماعليها كلام , تكنس وتنظف وتغسل السجاد ومريحة بشكل مش عادى , وحتى سعرها فيها
((5000 دولار )).