[ALIGN=CENTER][TABLETEXT="width:80%;"][CELL="filter:;"][ALIGN=center]
السلام عليكم ورحمة الله وبركاته
كيف الحال حبوبات
اليوم جي على بالي إندير الخبز العربي خصوصا بعد ماشفت طريقة الحبوبه أم ساره
وكان الإختلاف عندي والجديد عليا إن أم ساره داراته في الطاجين في الفرن بعد ماسخنت الفرن والطاجين وحطت فيه أقراص العجينه وحطاته على أرضية الفرن مباشرة وطلعوا ماشاء الله بينما أني كنت ندير فيهم في الطاوه على عين الغاز وماكانوش ينتفخو معاي تقعد العجينه طبقه وحده وتدير شوية فقاعات وخلاص المهم ماكانش عاجبني مع إني أني والصغار نموتو في حاجه إسمها الخبز العربي
وهني كان الإختلاف إني إستعملت طريقتي في الخبز العادي وزدت شويه مقدار الخميره متع الخبز
وفتحت الفرن على حرارة 200 درجه
وهذي النتيجه ماشاء الله من أروع ما يكون وهادو آخر إثنين لأن الصغار قضو عليها ويادوبك لحقت نصورهالكم
وهادي صوره وهما في الفرن قبل مانقلبهم على الوجه الثاني وكانت المفاجأه ماشاء الله منتفخين زي المخده
وهذا رابط الحبوبه أم ساره
وتسلم الأيادي يا أم ساره
بصراحه مازال مانعرفش إندير روابط في الموضوع إن شاء الله غير هكي صح
http://www.libyan-kitchen.com/kitche...ead.php?t=2674
[/ALIGN][/CELL][/TABLETEXT][/ALIGN]
المفضلات