[العصيدة ] من مطبخ ام تغريد

[ام تغريد]

السلام عليكم ورحمة الله وبركاته

كيفكم اخواتي ان شاء الله تكونو بالف خير

اليوم الجمعة دايرة الفطور قعيد عصيدة وديتكم بيه هيا اتفضلو مدو ايديكم


لان الكل طلب الطريقة رجعت وعدلت الموضوع


الطريقة نجهز الطنجرة ونحط مقدار 2كوب ماء ورشة ملح ملعقة زيت وخليهم لين يغلوونقص

في الماء بعد الغليان في وعاء اخر

في هذا الوقت انجهز الدقيق انغربله المقدار 2كوب وصيبه في الطنجرة اللي فيها الماءالمغلي مع التحريك المتواصل

ولو اضظر ولقيتيها جافة هلبة ممكن اتزيدي شوية امية وطبعا مع التحريك وهي علي النارونزليها من علي النار وعصديها كويس زي البزين

وبعدين انرجعها علي النار ونزيدها مقدار الماء المتبقي وخليها تغلي لين اتحسي ان ماعاش فيها اميه نزليها وعصديها تاني

ورجعيها علي النار مع اضافة شوية زيت وحركيها علي الغاز شوية وخلاص نزليها وعصديها باهي وكركبيها كويس

وصبي عليها اللي تحبيه انتي بصراحة اني نحبها مع الرب ومش اي رب لازم ايكون طلبية مع زيت الزيتون