بنات نبى نسالكن عن الميكروويف هل هو امن صحيا ام ان استعماله له مخاطر وان كان مامون من الناحية الصحية هل استطيع ان احمر الطواجين فيه يعنى يجمر من فوف ولوطا انى مفكرة نشرى واحد
بنات نبى نسالكن عن الميكروويف هل هو امن صحيا ام ان استعماله له مخاطر وان كان مامون من الناحية الصحية هل استطيع ان احمر الطواجين فيه يعنى يجمر من فوف ولوطا انى مفكرة نشرى واحد
اهلين حبيبة
بالنسبة للميكرويف ما فيشي اضرار ان شاء الله الاضرار فى الاشعاع الى يطلع فى الخارج يعني لما تستخدميه بعدي عليه
اني ليه عندي 13 سنة والحمد لله ما فيش اضرار
لكن الفترة الاخيرة قل استعمالي ليه لاني شريت كوشة صغيرة افضل من الميكرويف
وبالنسبة للتحمير ما عمري ما حمرت فيه انسخن فيه فقط
وبصراحة تسخينة الكوشة احلى
يعني اني لو تخيريني معاش نشري ميكرويف فى المستقبل وانت زيدي شوفي البنات شن ايقولوا
بالتوفيق
و انا من راي المغتربة
ممكن حاجة وحدة كويسة فيه تذويب اللحم لما يجويك ضيوف على غفلة
واني انقوللك نفس الراي هوا ضروري ومش ضروري زي كلام ام ليبية خاصة في تدويب اللحم اكتر حاجة بالنسبة ليا استعمال في هالشي..بس مش للتحمير او القلي ..سلق الخضروات اوتدويب اي شي مثلج حتى الخبزة ..واحيانا كان بتضحكي عيا مرات يتم الغاز فالحوش فجاءة ننضر انطيب فيه قهوة اوكاكاو او شاي تسخين اي نوع من الوجبات خاصة ادا كان عندك تفارق في وقت الغداء للعيلة وطولت عليك
ههههههه بس انشالله انكون افدتك
نفس كلام اختي المغتربه والله كفت وفت معندي منزيد بارك الله فيها
هلبه ناس عاجبهم بس لما تشوفى ان الاشعة امتاعه مضرة مش لازم
يعنى لو انت حامل ما تستعمليشى لانة ايدير تشوهات للجنين ربى يعافينا
وبالنسبة ليا استعملته شوية ولوحت ما عجبنيش
اللهم استودعك نفسى وزوجى واولادى واهلى
امانة عندك فاحفظنا من كل ما يؤذينا
واحمنا من اعين الانس وانفس الجن
واجعل اولادى قرة عين لى ولى زوجى
شوفوا هو ضروري بالنسبة للمرأة العامله والغير عامله , بصراحه في التسخين وفي فك التجميد للحم والدجاج والسمك " حشاكم " كل نوعية باستعمال معين ... وكوووويس في تسخين الخبز وكويس في تسخين وجبات اللي بيتأخر من العيله ... وممتاز في الكيكه السريعه .. يعني في 3-5 دقائق ممكن تحضري كيك ... وفي تعقيييييم الفوط قبل غسلها بصراحه طريقته ممتازه ... وبالنسبه للاشعه ممكن تزبطيييه وتبعدي عنا مش لازم توقفي عليه ... انا ننصحك بيه ...
C:\Users\TOSHIBA\Pictures\منوعات\91.jpg
ننصحك تاخديه بس يكون من النوعية اللي بابه محكم الاغلاق والحق انا ماعنديش ماكنتش مقتنعة بيه
بس من فترة قريت عليه انه لازم لما تستعمليه تتاكدي ان بابه مسكر كويس عشان ماتنضريش والحق هو كويس
لتسخين والحق ياربي توا نفكر نشريه بس قاعددة نبي ندور ماركة كويسة وهو زيه زي الافران الجديدة اللي توا طالعة اللي تكون زجاجية وكلها تعمل بنفس الكيفية وماتنسيش ان التكنولوجيا ليها فوائدها وليها اضرارها بس انا مفكرة ناخده لان لقيت حاجات في الطبخ مرات تبيها بسرعة والكوشة مش حطيبهالك بسرعة والميكروييف يديرها وانتي واقتناعك
شكرا ليكن وبارك الله فيكن ان كنت مفكرة نشرى واحد لكن توا نحيتها من راسى مرة وحدة
الصراحة اني من انصار إبعد عن الشر وغنيلوا
ما نحبش الميكرويف طالما إن في اقوال متضاربة حول منافعة ومضارة فلذلك مستحييييييييييييييل يخشلي حوش هاذي وجهة نظري الخاصة
الذين يشاهدون الموضوع الآن: 1 (0 من الأعضاء و 1 زائر)
المفضلات