[ مقطع مشلتت ] من مطبخ للاهم

**Om Amory** · 12-22-2011, 07:10 PM

تسلم الايـــــــــــادى

ماعمرنا درناها احنى فى غريان

يعطيك ألف عااافيه

**بنت طبرق** · 12-22-2011, 09:20 PM

هههههههههههههه
صار تم التهامه ما ان دلقتيه في القصعة
ههههههههههههه
ضحكتيني ربي يسعدك
وصحيحتين عاللي لهطوووووووووووووووه

**خدوج** · 12-22-2011, 10:15 PM

تسلم ايديك يالاهم
شهيتنا بيه فى هالصقع
بس منتظرين منك الصورة وهو فى القصعة
وبارك الله فيك

**الساجدة لله** · 12-23-2011, 12:54 AM

لالالالا ياللاهم عليك حق وكبير واجد اخرى , ماليش علاقة عاوديه خلي انديره حسني يابسة في الصقع ونبي شن ايدفيني وخصوصا انه بدقيق الشعير ياحنة هذا عز الطلب ويامحلى اكلنا الليبي التراثي الغالي علينا

**للاهم** · 12-23-2011, 08:45 AM

اقتباس:
المشاركة الأصلية كتبت بواسطة أم أيوب
يا سلااااااااااااااااام اليوم كان عشاي في حوش عمي

بس يديروا فيها رقاقة كبيرة ويرموها ولما قريب تطيب يقطعوها بكاشيك اللوح

ويقولو عليها مقطعة رمي

يسلمو ايديك يا للاهم س ياريتك كبرتي الصور شوي

سلمي ام ايوب
سبحان الله هالمقطع له شوره يجي ستين طريقة
وكل حد ايدير فيه بشكل
في الاخير هو محبوب من الجميع وله جو خاااص عندنا نحنا الليبيين
ولا نزعلي تو نحاول نعاودهن كبار الصور من شان عيونك وعيون بنات المطبخ الراائعات جميعكن
طيب المرور خيتي

**للاهم** · 12-23-2011, 08:49 AM

اقتباس:
المشاركة الأصلية كتبت بواسطة Om Amory
تسلم الايـــــــــــادى

ماعمرنا درناها احنى فى غريان

يعطيك ألف عااافيه

طيب المرور ام عموري
بطولة عمرك يا خيتي
انا ذقت بازين غرياني داراته ام مرات ولد خالتي
جوني زيارة من ولاية اخرى وقعدوا عندنا كم يوم
طلبته منها بيش نصوره بالخطوات
والحقيقة هي فنانة ربي يعطيها الصحة
لها طريقة خاصة فيه
المهم داسة الصور وخاطري انزلهن في المنتدى
انشغلت لظروف
وانضرب كمبيوتري وضاعن صوري وملف كامل - اكلاتي - ومن ضمنهن صور البازين الغرياني

**للاهم** · 12-23-2011, 08:52 AM

اقتباس:
المشاركة الأصلية كتبت بواسطة بنت طبرق
هههههههههههههه
صار تم التهامه ما ان دلقتيه في القصعة
ههههههههههههه
ضحكتيني ربي يسعدك
وصحيحتين عاللي لهطوووووووووووووووه

ههههههها مش مغير لهطناه حتى افوامنا شلشلن
ونزهنا القصعة تنزيها ليبياً
وعن الاصابع حدثي ولا حرج

**للاهم** · 12-23-2011, 08:53 AM

اقتباس:
المشاركة الأصلية كتبت بواسطة خدوج
تسلم ايديك يالاهم
شهيتنا بيه فى هالصقع
بس منتظرين منك الصورة وهو فى القصعة
وبارك الله فيك

حاضرين يا خدوج
نعاوده يا عيوني
ونصوره بالتفاصيل
طيب المرور خيتي

**للاهم** · 12-23-2011, 08:57 AM

اقتباس:
المشاركة الأصلية كتبت بواسطة الساجدة لله
لالالالا ياللاهم عليك حق وكبير واجد اخرى , ماليش علاقة عاوديه خلي انديره حسني يابسة في الصقع ونبي شن ايدفيني وخصوصا انه بدقيق الشعير ياحنة هذا عز الطلب ويامحلى اكلنا الليبي التراثي الغالي علينا

سجودة وانا نقدر نزعلك
الحق وندفعوه راضيين
نعاوده ونديره حار ايرقد اللسان
ويولع الدفا في الروح
تنسي صقع هالبلادات اللي ينخر العظام
ونحنا من غير عوايد هلنا في الاكل ما نشتهوا
طيب المرور خيتي